SYNOD CALENDAR | DOWNLOAD | NOTIFICATIONS | GUEST HOUSE | SYNOD BOOKROOM | ARTICLES/SERMON |COUNSELLING |  PRAYER REQUEST | PICTURE GALLERY |LETTERS


 
Latest News
Comm./Dept./Boards/Profiles
Periodicals
Audio/Visual
Synod Choir
Media Ministry
Links
Booklets
FM Radio Hruaina Eng
 
 

 

Kan ram leilung, ram ngaw, thing leh maute tha taka ven leh enkawl a nih theih nan

Masihi Sangati rawngbawlna Pathianin mal a sawm zel theih nan leh he lama rawngbawltu Evangelist-te leh Gospel Team-te tan

Synod Multipurpose Training Centre (SMTC) leh Missionary Training College (MTC)-a thawktute leh training mekte tan


 
Get the Flash Player to see this player.

SYNOD FM RADIO & TV PROGRAMME HAWNNA LEH HLANNA

Vawiin tlai dar 3:00 khan Synod Moderator Rev. C. Lalsanglianan Mizoram Presbyterian Church Synod FM Radio leh TV Programme (Hruaina Eng) tihchhuah tur hawngin Pathian hnenah a hlan.

Synod FM Radio leh TV programme tihchhuah tur hi Synod Informtion & Publicity (Synfo) hmalakna thar a ni a. Vawiinah a Hawnna & Hlanna Inkhawm, Lloyd Hall, Synod Office-ah neih a ni a, Synod Puipate, Synod Executive Committee (SEC) member te, Aizawl khawpui chhunga Pastor leh Pro. Pastor te, Synod Department hrang hrang hotute leh Synod hnathawkte an tel tha hle.

Executive Secretary, Synod Information & Publicity lam changtu Rev. Lalzuithangan inkhawm hi a kaihruai a. Rev. Zosangliana Colney, Executive Secretary, Mission lam changtuin hunserh a hmang a, Synfo Coordinator Upa Zonunmawian Synod-in kum 1981 atang tawha Media lam rawngbawlna chungchang a kalpui tawh dan leh tun hnaia rahbi thar FM Radio & TV Programme buatsaih tur chungchang report a pe a, Synfo Committee member-te hmelhriattirna a nei bawk. Khuallian  Synod Moderator Rev. C. Lalsanglianan thuchah sawiin FM Radio leh TV programme duan thar chu Pathian hnenah a hlan a ni. Khuallian Moderator chuan, “Kan ram kawng leh inkalpawhna a chhiat em em laiin, Information technology lam chu chak takin a tlan mek a ni”, a ti a. Synod Radio leh TV programme tihchhuah theiha hmalakna chu fakin a thawktute tana tawngtaisak a pawimawh thu a sawi bawk.

Khuallianin programme hawnna leh hlanna a neih zawh hian Khual Zahawm Pu C. Lalrosanga, Additional Director General (NER), AIR & DD chuan thusawina hun hmangin, India rama Radio leh Cable/Satellite TV programme buatsaihtute tana hriat tur dan leh hrai te, an zalenna chin te ngaihnawm takin a sawi a, Hruaina Eng Radio leh TV programme chu thu leh hla- rinawm leh belhchian dawl, a ngaithlatu leh thlirtute tana tangkai tak tur a nih ngei a beisei thu a sawi bawk.

Hawnna Inkhawmah hian Synod Secretary (Sr.) Rev. P.C. Pachhungan Synod Documentary Film (Maichama Mei Nung Reng) a tlangzarh nghal a. Hei hi Mizoram Presbyterian Synod Department hrang hrang rawngbawlna chanchin Synfo lamin an buatsaih a ni a. Kum 1994 Mizoram Gospel Centenary lawmna atanga Synod Inkhawmpui 2010 thlenga Synod rawngbawlna chanchin tlangpui tarlan a ni. Nl. Nancy Zothanmawii leh Mizoram Synod Choir ten zaiin kalkhawmte an awi a, Synfo Committee member Upa F. Lalsanglianan lawmthu sawina hun hmangin, Senior Executive Secretary Rev. Vanlalzuatan malsawmnain hun a khar a ni.

Synod FM Radio leh TV Programme hmingah hian “HRUAINA ENG” tih hman ve ve a ni a. HRUAINA ENG FM Radio programme hi November 11 (Zirtawp) zan dar 7:30 -8:00 inkarah AIR Aizawl FM ZOAWI atanga tihchhuah tan tur a ni a, HRUAINA ENG TV programme hi November 13 (Pathianni) tlai dar 3:00 – 5:00 chhungin LPS Vision Channel1 leh ZONET ZAWLBUK atangin tihchhuah tan tura ruahman a ni.

Mizoram Synod Media lam rawngbawlna Report By Upa Zonunmawia Click Here

For more Pics Click Here

 

 

 

 

Share
There are 0 comments to this post
 


 Register
Kids Corner
TELEPHONE DIRECTORY


  Hits:   2436357


Synfo © 2006 : All rights reserved. Mizoram Presbyterian Church Synod : Best @ 1024x768