SYNOD CALENDAR | DOWNLOAD | NOTIFICATIONS | GUEST HOUSE | SYNOD BOOKROOM | ARTICLES/SERMON |COUNSELLING |  PRAYER REQUEST | PICTURE GALLERY |LETTERS


 
Latest News
News Tawi
Comm./Dept./Boards/Profiles
Periodicals
Audio/Visual
Synod Choir
Links
Booklets
FM Radio Hruaina Eng
 
 

 

Khawvel ram hrang hranga hruaitu lian – an Lal, President leh Prime Minister ten dikna leh zalenna an ken kawh zel theih nan

Khawvelah inhuatna, tharum thawhna leh indonate a lo reha, inunauna leh inpumkhatna a lo awm theih nan. He lama hma latu UNO tan

Khawvelah remna leh muanna a thlen theih nan


 
 

PARTNERSHIP COMMITTEE

The partnership Committee of the Mizoram Presbyterian Church Synod is responsible for the monitoring and smooth functioning of all the partnership that the Church has with different churches and Faith Based Organisations from around the world.

Partnership Committee (2016 - 2018) :
Chairman : Rev. P C Pachhunga,Executive Secretary i/c Partnership
Secretary : Dr. Robert S Halliday,Co-ordinator i/c Partnership
 
Members :
1) Rev. K. Lalrinmawia, Secretary, SMB
2) Upa R. Lalmalsawma, Mission Veng
3) Rev. Dr. H. Vanlalauva, Leitan South
4) Rev. Vanlalchhunga, Tlangnuam
5) Rev. Dr. Lalchungnunga, Zarkawt
 
SYNOD PARTNERSHIP COMMITTEE KAIHHRUAINA
(SEC 230:20; SEC 234:20)
SEC 234 APPENDIX–5
 
Thuhma :
Synod Officers' Meeting Vawi 17:10/2006 Dated 12.10.2006 chuan, Partnership Cell din thain a hria a, Synod Executive Committee-ah a thlen a, SEC 208:17 chuan OM rawtna hi a tha a ti a, kum 2006 Synod-ah a thlen a, Kum 2006 Synod 60:16 chuan 'a pawimawh leh tul dan SEC-in rawn thlir sela, Synod lehah rawn thlen leh rawh se,' ' tiin a rel a. SEC 212:26 chuan hemi chungchang lo duang tur a ruat a. Chung mite chuan an ruahmanna chu SEC-ah thlen lehin SEC 213:39 chuan kum 2007 Synod-a thlen turin rawtna chu a pawm ta a ni. Chutah chuan Partnership Committee din ni se a ti a, heng hi a member ni se, tiin an rawn thlen pawh pawm a ni.
Hetiangin –
Chairman : Moderator
Secretary : Secretary, Synod Mission Board
Member-te 1) Synod Secretary (Sr.)
  2) Synod Executive Secretary-te
 
Partnership Committee Vawi 1-na Date 23.1.2008 chuan Partnership Committee Kaihhruaina siam tula hriain SEC 217-ah a thlen a, SEC 217:51 chuan,'Partnership Committee Kaihhruaina chu Partnership Committee-in lo siam sela, SEC June thlaah rawn thlen leh rawh se kan ti,' tia a rel angin kaihhruaina siam a ni a, SEC 218:36 chuan uluk takin a en a, siamthat ngaite siam thain hman nghal tur a pawm ta a.
 
Hun rei pawh hman a nih hmain Aizawl Chhim Presbytery chuan Synod Partnership Committee Kaihhruaina hi enthat an rawn rawt a, SEC 230:20 chuan,'Synod Partnership Committee siam dan phung leh Kaihhruaina enthat chu tha kan ti a,' tiin lo entha turin mi panga (5) a ruat a, chung mite chuan a hnuaia mi ang hian ruahmanna an rawn siam ta a ni.
1.   Partnership neih tul chhan :
    1)   Partnership kan neih chhan ber chu zau zawka rawng kan bawl theih nan te, rawngbawlna zau zawka midangte nena kan thawhho theih nan leh rawngbawltu chi hrang hrang e.g. Doctor, Nurse, Engineer, Theologian, Teacher, etc. te hmanga khawvel Kohhran dangte nena rawng kan inbawl sak tawn theih nan a ni.  
  2)   Keimahni ngawta rawng kan bawl a remchan lohna hmuna thawhpuite hmanga rawng kan bawl theih nan.
  3)   Kohhran hrang hrangte nena rawngbawlna kawnga kan inpumkhat theih nan.
  4)   Kan Kohhran rawngbawlna peng hrang hranga kan thawhpui ten sum leh pai leh thawktu chi hrang hrang hmanga min thawhpui theih nan.
   
2.   Thawhho theih dan kawng hrang hrangte :
  Kohhran emaw Kristian pawl engpawh Mizoram Presbyterian Kohhran nena thawhho theih dan chu hetiang hi a ni ang.
  1)   Partnership :
  Hei hian kawng hrang hranga kan rawngbawlnaa thawhhona a kawk ang a. Kan mawhphurhna (tih tur) leh kan thawhpui (partner) te mawhphurhna pawh a theih chen chenah intluk tlanga kal tur a ni ang.
   
  2)   Recognition :
  Kristian Pawl engpawh kan Kohhran hriatpuia rawngbawl duhtute nena thawhhona a ni ang a. An rawngbawlnaah thurawn pein a tul anga tanpui theih an ni ang.
   
3.   A dinhmun :
  1)   Partnership Committee chu Synod Executive Committee Sub-Committee a ni.
  2)   Partnership Co-ordinator a awm ang.
  3)   Partnership Committee member-te chu a hnuaia mi ang hi a ni ang.
  Chairman : Executive Secretary i/c Partnership Committee
  Secretary : Co-ordinator i/c Partnership Committee
  Member-te : SEC ruat mi 5-te
  4)   Partnership Agreement-a hming sign chungchang :
  Partnership Agreement-a hming sign-tu tur chu, Synod huap chinah chuan Synod Moderator, Synod Secretary/Senior Executive Secretary te an ni ang a. Department mal thilah chuan Moderator leh Department Head/Board Secretary-te an ni ang.
  5)   Partnership neihpui tur reng reng te chu term mumal tak neia Memorandum of Understanding/Agreement sign pui thin tur a ni ang. Hetianga mumal taka kan thawhpuite hnenah chauh thawktu leh sum leh paia tanpui theih a ni ang.
   
4.   A hnathawh dan tur :
  1)          Synod hnuaia Department engpawhin an Department nena thawhpui tur pawl an hriat chuan Board/Committee-in ngun taka a zirchian hnuah Partnership Committee-ah thawhpui tura rawtna a thlen thin ang. Chung rawtna te chu Partnership Committee-in tha a tih chuan SEC-ah a thlen sak thin ang. Synod Partnership Committee kaltlanga SEC remtihnaa Department engpawhin thawhpui an neih te chu, hnathawh zel dan tur umzui thuah Department-in mawh a phur ang a, Serivice MoU sign thlengin mawh a phur ang. A hnathawh dan chu thla li (4) danah Partnership Committee-ah a report thin ang.
  2)          Partnership neihpui mekte dinhmun a enfel ang a, tihtawp tha zawka a hriat te, chhunzawm zel atana tha a tih te leh tih thar atana a tih te chu an partnership term a ral hunah SEC-ah rawtna a thlen thin ang. Term laklawhah pawh tihtawp tha zawka a hriatte chu tihtawp turin SEC-ah a thlen thei ang.
  3)          Mizoram Presbyterian Church Synod aiawhin Kohhran leh Para Church nena Partnership chungchang ngaihtuah thuah mawh a phur ang.
  4)          Partnership neihpui tur te uluk takin a zirchiang hmasa thin ang. Partnership neihpui tlaka a ngaihte chu SEC-ah a thlen thin ang.
  5)          Partnership kan neihpuite nen thawhhona tha tak kan neih theih nan kumtin inrâwnkhâwmna emaw, thawhhona ti sâwt zawnga tangkai tura indawr tawnna tha tak neiin thawhhona a vawng nung reng ang.
  6)          Partnership kan neihpui reng reng te nen chuan thawhhona a nih avangin kan tih tur leh an tih tur chiang taka bithliah thin tur a ni ang a, MoU-ah chiang takin ziak lan thin tur a ni.
  7)          Para-Church kan Kohhrana affiliation dilte a lo enfiah thin ang a,thawhpui tlâka a ngaihte chu SEC-ah a dilpui thin ang.
  8)          Partnership-a kan rawngbawlna hi a thang zel tur a nih avangin Office pui Budget-a Partnership Head-ah mamawh tur sum fah ve thin a ni ang a, a zat tur chu Partnership Committee-in a rel thin ang a. Budget-a sum awm hman dan tur kaihhruaina (detail break-up) SEC pawmpui turin a buatsaih thin ang.
  9)          Synod anga kan thawhpuite Committee/Board-a member tur leh an programme-a tel tur te chu a theih chin chinah Partnership Committee-in a ruatin a hriatpui thin ang a. Department level-ah chuan Board member tur ni lo, kan thawhpuite programme a tel tura inruat chu tha an tih angin an inruatin an intir thei ang.
  10)        Partnership Committee hian hna thawh dan SEC-ah report a pe thin ang.
   
5.   Partnership Committee Kaihhruaina enthat chungchang :
  Partnership Committee Kaihhruaina hi a tul angin SEC-in a entha thin ang.
   
PARA-CHURCH MISSIONARY_TE KOHHRAN-IN A DAWNSAWN DAN TUR
(Synod 2006:33; SEC 212:15; SEC 214:32; SEC 217:62)
Appendix-6 Synod 2007
   
Thuhma : Kohhranin Para-Church te a dawnsawn dan tur (Synod 2000:65) leh Para-Church chungchanga Kohhran rilru put dan tur (Pastoral Ministry Kaihhruaina Bu 2006 C:12) mumal tak kan nei tawh a. Tunah hian Para-Church Missionary-te Kohhranin a dawnsawn theih dan tur ruahman a ni leh ta a. Ruahmanna hi SEC 217:62-in ngun taka a en hnuah hman nghal turin a pawm ta a ni.
   
1. Para-Church te Kohhranin a dawnsawn theih dan tur :-
  Para-Church, kan Kohhran nena thawhho duhte chuan Synod Partnership Committee-ah affiliation an dil thei ang a, Partnership Committee-in thawhpui tlaka a ngaihte chu SEC-ah a dilpui ang. SEC-in thawhpui tlaka a ngaihte chu Synod Mission Board nena thawkho zui tur an ni ang. Synod-a affiliation nei lote chu Kohhran anga dawnsawn turah kan ngai lo.
   
2. Para-Church, Synod-a Affiliation dil tur chuan heng hi an hre tur a ni :
   a)    Affiliation dil duhte chuan Synod Partnership Committee-in a siamsa Form hmangin an dil tur a ni.
  b)    Sorkara Society Registration fel tak nei, Board inkaihhruaina (Constitution) rintlak hmanga inkaihruai an ni ngei tur a ni.
  c)    Sum vawn dan mumal tak leh rintlak tak nei an ni ngei tur a ni.
  d)    Pa leh Fapa leh Thlarau Thianghlim (Trinity) thurin ringa pawm an ni ngei tur a ni.
  e)    Thawhhona a ringtu lo awmte chu kan Kohhran emaw, SMB remtihnain kan pawm theih Kohhranin emaw an enkawlzui an remti tur a ni.
   
3. Mission Board leh Synod affiliated Para-Church thawhho dan tur :
  a)    Para-Church, Synod-a in affiliate te chu Synod Mission Board-in an thawhho dan tur ruahmanna a siam ang a, a tul angin thawhho dan tur pawh an sawiho thin ang.
  b)    Thawhhona thua harsatna a lo awm a, thawhho theih loh khawp hial harsatna a lo awm a nih chuan, thawhhona tih tawp chu SEC thu a ni ang.
   
4. Tanpuina dil thu
  Para-Church thenkhat Kohhranah tanpuina dil an awm thin a, Kohhrana tanpuina an dil duh chuan SEC remtihna an dil hmasa phawt tur a ni a, SEC-in phalna a pek hnuah chauh Kohhran mal Committee-ah tanpuina an dil thei ang.
   
5. Mizorama Synod affiliated Para-Church Missionary-te dawnsawn dan tur :
  a)    Kohhran Biak In hman dan tur :
  Para-Church ten Missionary thlah nan leh Inkhawmpui nana kan Kohhran Biak In hman an dil chuan Kohhran mal Committee thu a ni ang.
  b)    Kohhran mal member thlah leh report pek thu :
  Kohhran malin an Kohhran member Para-Church Missionary-a kal tur thlah leh report pek tir leh tir loh thu chu Kohhran Committee thu a ni ang.
   c)    Chhiat ni that ni :
  Para-Church Missionary-a thawk mekte chhiat ni that ni leh an dam loh ni khuaa buaipui chu a ruaitu Para-Church te mawhphurhna a ni a, Kohhranin mawhphurhna a nei lo. Hetiang huna tualchhung Kohhranin an Kohhran member-te Missionray anga lo sawngbawl an duh chuan anmahni thu a ni ang.
   
6. Ruahmanna ennawn hun :
  He ruahmanna hi kum thum chhung atan a ni ang a, kum thum hnuah SEC-in a ennawn leh ang.
   
Synod Affiliated Para-Church-te leh Synod thawhho dan tur ruahmanna
(Ref : SPC 7:5 & 8:6)
   
 Mizoram Presbyterian Kohhran Synod chuan Mizoram chhunga rawngbawltu Mission/   Society pawl (Kohhran hr
  1)     Eng Mission/Society pawl pawh Synod-ah affiliation a neih avangin kan Kohhran rawngbawlna peng pakhat anga ngaih tur tihna a ni lo.
  2)     Synod affiliated Para-Church-te chuan tualchhung Kohhran-in rem a tih chuan Kohhran Biak In leh Kohhran Hall-te an hmang thei ang a; a theih chen chenah a thlengtu Kohhran tihautak lo leh Kohhran Inkhawm pawimawh bik bawh buai lo zawnga hman thin tur a ni.
  3)     Synod affiliated Para Church-te chuan Synod-ah thawktu an mamawh chuan an dil thei ang a, an duh ang chipchiar chu Synod Partnership Committee-ah thlenin      Partnership Committee-in ngun taka a ngaihtuah hnuah tha a tih chuan a tul angin Synod Committee sang zawkah a thlensak thin ang.
  4)     Synod chuan a Budget ‘Partnership and Other Organisaton’ Head atangin affiliated Para-Church-te tanpuina ‘lump-sum grant’ a pe thei ang a; hetianga grant dawngte chuan Kohhran sum hmuhna pawt p>ng zawngin sum an tuak tur a ni lo.
  5)     Synod Mission Board (SMB) rawngbawlna hmun (area of operations) chhungah chuan SMB remtihna la hmasa lovin Synod affiliated Para-Church-in thawktu a dah tur a ni lo va, SMB hriatpuia thawktu dah an nih pawhin SMB Field Secretary kaihhruaina/enkawlna hnuaiah an awm tur a ni. An awmna hmun tur te, an hnathawh dan tur te chu a t$rtu Para-Church te nen inbe rawnin Field Secretary-in Filed Working Committee hmangin a rel fel thin ang. Amaherawhchu, Field Secretary-te enkawlna hnuaia an thawh avangin SMB    Missionary-te hamthatna ang an chang ve tur tihna a ni lo.
  6)     Synod Mission Board (SMB) rawngbawlna hmun (area of operations) pawn lamah mamawhna a awm chuan Service MoU fel tak siamin, SMB-in Synod affiliated Para-Church te chu thawktu a chawmsak (seconded/sponsor) thei ang a; amaherawhchu hetianga SMB-in thawktu a chawm te hi SMB mi leh sa an ni tihna a ni lo.
   
Heta sawi bak thawhhona nei duh chuan Synod Partnership Committee-ah ruahmanna fel tak nen rawtna a theh lut thei ang a; Synod Partnership Committee-in tha a tih chuan MoU fel taka ziakin thawhho theih a ni ang.
   
KOHHRANIN PARA-CHURCH TE A DAWNSAWN DAN TUR
(Synod 2000:65, SEC 176:12)
   
Kohhran lo thang zelah hma lakna a zau tial tialin Kohhran hna a pung zel a. Kohhran hmalak mekna leh a hma sen loh thilte pawh buaipuiin thahnemngaia rawngbawlna pawl dang dang (para-church organisation) an lo piang ve zel a. Chung pawlte chuan Kohhran behchhana thil tih an duh hun a lo awm a, Kohhran mite tha leh sum te, Biak In leh Kohhran bungraw dang hmant$r dan thu-ah rualkhai zawka Kohhranin anmahni kan lo dawnsawn theih nan hetiang hian Kohhran chu a kal turah kan ngai :
I. Dawnsawn dan tur
  1.     Rawngbawlna kawngah thahnemngaiha pawl (para-church) te chu Synod-in a ngaihdan hriat hnuah dawnsawn awma a ngaihte chauh Kohhranin a lo dawngsawng ang a, chung dawnsawn turte chu leh dawnsawn dan tur chu SEC-in a tichiang thin ang.
  2.     Para-Church te hi an hmalak dan tur leh chet dan ena Kohhran pum puiin a thatpui tur chi nia Synod-in a ngaihte chu a tul anga Kohhranin puih theih turah kan ngai.
  3.     Para-Church rawngbawlna Synod-in puih ve tlak a ngaihte puih nan Budget siam ve nise.
   
II. Kan mite, Synod-in thawhpui tlak a ngaih Para-Church-a an inhnamhnawih dan tur
  Para-Church-a kan Kohhran mi leh sate an inhnamhnawih dan tur pawh hetiang hian inkaihhruaina tlangpui zam a ni :
  1.     Kohhran mi tu pawh mahni phak tawk ang zela Kohhrana an tih ve tur leh tih ve theihte thlahthlam phah chuang lova Para-Church-a an tel chu khap a ni lo.
  2.     Chanvo pawimawh chan ve thu-ah chuan Kohhran mi rawih laite chuan kan dan dinglai angin hotute phalna an la hmasa tur a ni.
  3.     Pensioner, pension hlawh la mekten Para-Church-a chanvo pawimawh an chan leh hun puma an inhman dawn chuan -
  a)  Hun pum pui hmang khawpa inhnamhnawih tur chuan Synod hotute remtihna an la hmasa tur a ni.
  b)Hun pum ni lem lo, Office Bearer emaw, active worker emawa mawhphurhna an lak dawnin an awmna Kohhran Commitee an hriatt$r hmasa tur a ni.  
  4.     Kohhran Upa (active)-te chu Tualchhung Kohhran enkawl tura serh hran an nih avangin pawl danga chanvo pawimawh an neih dawn chuan Kohhran Committe remtihna an la hmasa tur a ni.
  5.     Bial, Presbytery leh Synod hotute leh Kohhran mirawih lai reng reng heng Para Church-ten thusawiah emaw, resource person-ah emaw an sawma an tel pawhin Kohhrana an nihna hre renga an tih dan tur tawk ngaihtuah ran chunga chetla tur leh inhmang tura beisei an ni.
  6.     Pastor Bial vawng mekte chuan Bial bik enkawl tura Synod-in a ruat an ni avangin Bial chhunga an rawngbawl tibahlah khawpin Para Church-te rawngbawlnaah an inhnamhnawih tur a ni lo. Para Church-te rawngbawlna nena khaikhin tul hunah an Bial thil an dah pawimawh zawk zel tur a ni.
   
III Para Church-te Kohhranin a dawnsawn dan tur
  (Pastoral Ministry kaihhruaina Bu 2006:12D)
  Para Church-te dawnsawn thu-ah a hnuaia sawi ang hi zui tur a ni :
  1.     Para Church chi hrang hrangte hi Synod Inkhawmpuiin emaw, Synod Executive Committee-in emaw an rawngbawl dan leh chet vel dan ngun taka a thlir hnuah thawhpui tlak a ngaihte chauh Kohhranin dawnsawn thin tur a ni.
  2.     Synod-in thawhpui laka a ngaih Para Church-te chu mihring leh sum leh pai hmangih opuih theih an ni ang a. Chutianga hmalakna tur chu Synod Inkhawmpuiin emaw, Synod Executive Committee-in emaw ngun takin a ngaihtuah hamsa thin ang.
  3.     Synod Inkhawmpui emaw, Synod Executive Committee emaw remtihna la hmasa lo chuan Synod-in thawhpui tlak a ngaih Para Church-te pawhin Kohhran huang chhungah unit emaw, Branch emaw an din tur a ni lo. Kohhran programme khak buai thei leh tibahlah thei zawng programme an siam tur a ni bawk hek lo.
  4.     Para Church hrang hranga chanvo pawimawh chan thu-ah Kohhran mi rawih laite chuan kan Kohhran dan ding lai angin an thawhna department enkawltu Committee kaltlangin Synod hotute phalna an la hmasa thin tur a ni. Kan Synod hnuaia pensioner-te pawh Synod hotute remtihna leh hriatpuina la hmasa tura beisei an ni a. Kohhran Upa (active elder)-te pawh Kohhran Committee remtihna la hmasa lo chuan tumahin Para Church-ah hian chanvo pawimawh an chelh tur a ni lo.
  5.     Kohhran mi rawih laite leh Kohhran Upa (active elder)-te chuan hotute leh Kohhran      Committee phalnaa chanvo pawimawh an chelh a nih pawhin, Synod, Presbytery, Bial leh Tualchhung Kohhrana an rawngbawlna tihbahlah khawpin Para Church rawngbawlnaah-te hian an inhnamhnawih tur a ni lo.
  6.     Synod-in thawhpui tlaka a ngaih Para Church hrang hrangte dinhmun hi SEC-in a tul angin a ennawn thin ang a, thawhpui tlaka a ngaihte chu a tichiang thar zel ang.
  7.     Thil eng emaw avanga Para Church thawhpui lai mekte chungchangah harsatna a awm a nih chuan  SEC-in emaw, Synod Inkhawmpuiin emaw an dinhmun tichiang turin a ngaihtuah thin ang.


 Register
Kids Corner
TELEPHONE DIRECTORY


  Hits:   4813968


Synfo © 2006 : All rights reserved. Mizoram Presbyterian Church Synod : Best @ 1024x768