SYNOD CALENDAR | DOWNLOAD | NOTIFICATIONS | GUEST HOUSE | SYNOD BOOKROOM | ARTICLES/SERMON |COUNSELLING |  PRAYER REQUEST | PICTURE GALLERY |LETTERS


 
Latest News
News Tawi
Comm./Dept./Boards/Profiles
Periodicals
Audio/Visual
Synod Choir
Links
Booklets
FM Radio Hruaina Eng
 
 

 

Mipat hmeichhiatna hman khawlohna leh suahsualna chi hrang hrang laka kan lo fihlim zel theih nan

Zu leh ruihtheih thil avanga harsatna tawk mekte leh an chhungte tan

Indiaram President, Governor-te, Central leh State-a sorkar officer lian zawng zawngte tan


 

The Centre is always open for those who may require its services; for families between couples, regarding children, or economic problems; for individuals seeking help with regard to alcohol or drug abuse, sex-related, choice of life partners, health - related including HIV and AIDS, studies, questions on faith or work. The Centre offers aid in finding solutions through confidential guidance and prayer support. For those who seek help with their problems.
To Submit a question click
Submit Question

 
Zawhna :
Chhanna :

Intihhlum emaw, midang kutthlak duhna khawp rilru nangmaha nung reng kha Kraws-a khenbeh tur chu a ni. Krista thihnaah thi turin a hnenah inkhengbet la, Nung turin a thawhlehna tawmpuitu ni ang che. I duh dan I dil a, chu I duhdan chu I tan a that loh avangin a chhang lo che a. A duh dan Pathianin a hrilh che hre turin ngaithlatu ni zawk ang che.

 

Pathianin, “A kawppui awm mi ka siamsak ang” a tih  mihringte kan ni a. Pathian nen ngaihzawng nei ila, Pathian puihnain kan ta tur kan thlang dik ang a, kan ta lo tur kan kalsan thei ngei ang.

Hetiang lama harsatna neite pui turin Synod chuan, ‘Family Guidance & Counselling Centre’ a din a, he tah hian Counsellor atan Pastor 3 dah an ni a, thuruk tawp pawh puanchhuah ngamna hmun him a ni. Office hun chhungin FG&CC hi pan theih a ni a. Pan remchang lo tan pawh Ph. No. 0389 – 2324443 (FG&
CC main centre) leh 0389-2306693 (FG&CC Branch, Chanmari) ah biak rawn theih an ni bawk.
 
Zawhna :
Chhanna :

Hnamdang ngaihzawn sual a nih leh nih loh hi chu a thlirna azir a ni ang chu. Hnamdang han tihah pawh Kristian ve tho nge an nih ringlomi? Chu chuan kawngro a su viau ang. Ngaihzawng han tihah pawh hian nupui/pasal atana ngaihzawn a awm thei ang a, ngaihzawn mai mai te pawh a awm thei ang chu. Ringlomi nena inneih pawlh hi chu harsatna tam tak a awm thei a, ringtua siam tum tak taka neih erawh a dang leh ang. Ngaihzawng neih hrim hrim hi, thianghlim taka inngaihzawn chuan sualna a awm lemin a lang lo. Mizo ngei pawh ngaihzawnga neiha chet khawlohpui chu thil sual a ni tih hriat a tha bawk.

 
Zawhna :
Tlangval kum 25 mi, KTP a inhmang tak ka ni a, nulat tlangval naah hian ka fimkhur hle a, nupui atana ka duh loh chu ngaihzawn ka tum lo a, chuvang chuan tun thlengin ngaihzawng nei lovin ka la awm a ni. Pathian hnenah nupui atan ka duhzawng ka thlen thin a, mahse a chhanna ka hmu in ka inhre bawk si lova. Nupui atan ka duh/ka tehna hmasa ber atan chuan keimah ang bawka ngaihzawng nei ngai lo ka duh a, hetiang mi nula fel tak si hi hmuhtur an awm toh lo nge ni. Pathian hnenah ka dildan te hi ka thlak mai dawn nge ni. Ka rilru a buai hle a, i tanpui ka ngai a ni. Pathian chuan ka mamawh chhanna hi a nei ang tih ka ring deuh bawk si a. Ka duhtui lutuk deuh nge ni.
Chhanna :
Pathian hnena dilna i thlen chu ring ngam mai rawh. Tlangval lai chuan tute pawhin nupui tur chu kan duhtui theuh a lawm. Tunah kum 25 mi chauh i la ni a, beidawng lovin Pathian chhanna chu lo nghak phawt zel mai rawh. Kan lo tawngtaipui bawk ang che.
 
Zawhna :
Tlangval kum 23 mi ka ni a, nikum mai khan ngaihzawng ka nei thar vea,kan induh ve em em a,kan in ngaina boka,tunhun mai piah lam chhungkaw din dun thlengin kan soi dun thina,nupui pasal tur ang tak tak in kan in en hial toha,kan inzui nasa lutuk a niang kan chesual ta nge2 a,voi engemaw zat sex ka hmang dun toha.Mahse kan rilru buaina em2 chu,nakinah lekhate lo zir zo in inneih lo duh ta ila, Kohhran dan thianghlim in kan tlin ang m? tunah sim toh mah ila kan lo chesual toh sia,Presbyterian kan nia, dan thianghlim kan tlin ang m? Inthen chu kan tum lo bur, in neih chu kan tum lutuk,kan thian hnaiberte chauh in kan chesual toh tih an hria, mahse Pathian in min hmu vek sia, Dan thianghlim in kan ngam ang em?
Chhanna :
Chesual tawh reng chung sia dan thianghlima inneih in ngam leh ngam loh tur thu i rawn zawt daih a. A ngam leh ngam loh lam hi chu nangmahni thu a ni zawk ang chu. Eng pawh ni se, dan thianghlima inneih chu in tlin tawh lo hrim hrim tihna a ni a. Lo ngam ta teh reng pawh ni ta ula, thiante mitmei ven tur in nei reng a, chu ai maha pawimawh zawk chu Pathian a ni. Mihring bum thei mah ula, Pathian chu bum rual a ni lo.
 
Zawhna :

Ka bialnu nen KTP rawngbawlna ah pawh kan inhmang ve hle mai a. Tin, kan inhmangaih ve em em a. Hun rei tak chhung kan inkawptawh in, innei ve ngei turin ka rilru pawh ka pe ve thin a. Amaherawhchu, ka bialnu hi hmundangah Missionary in a kal daih mai a, nupui atan hial ka rilru ka lo pek ve tawh avangin rawngbawltu ni ve mahila, ngaihthiam har ka ti em em mai a. Min hmangaih tawk lo ni te in ka hre thin a. Pathian ka hlau bawk si a, Hmundangah a awm tak avang hian hmeichhe dang ka zawng mai dawn nge niang ?

Chhanna :
Hun rei tak inkawm, inneih hial rilrua pu mek nge in/i nih. Tlang taka thu sawi dun in ni em? Missionary-a kal tur hian a rawn che em? Tin, i ngaihdan leh duh dante i hrilh chiang em? I duhna leh rilru hre lovin i siam pawh a ni ang em? Tin, Missionary ni chungin a la hmangaih reng che em? Inneih avanga tu zawk emaw insiam rem tul ta se a thei lo zawk chu tu nge? Eng vang nge? Chhungkaw din thu a tel avangin in pawh tak, inhrechiang leh zual tur a tan lak a tha ang. Tin, “A kawppui awm mi ka siam ang,” titu Pathian a innghah a tha ber fo ang. Innei ve ngei tura a rilru a pek ve leh pek ve loh che hriat chian a ngai. In inhmangaih a, Missionary-a a kal hian a hmangaih ta lo che niin i hria em ni? Thu tawp siam tur chuan a rilru i hriatchian a ngai ang. Missionary-a kal chungin pasal a tan a la duh thei tho che. Missionary-a ni chung hian nang pawhin i nei thei tho. A rilru chiang takin hriat zui tum la, Pathian rawn chung zelin thu tawp siam ang che. Pathian samsuih in nih chuan engkim a rem mai ang. I ngaihzawngah i rilru i nghat lian lutuk a ni thei bawk. 

Heng i harsatna chinfelpui tur che hian Synod Office-ah, Family uidance & Counselling Centre hawngin he centre hi Counsellor pahnihin an thutchilh a; mamawhtute tan pan theih reng a ni.

 
Prev | 1 | 2 | 3 | 4 | 5 | 6 | 7 | Next


 Register
Kids Corner
TELEPHONE DIRECTORY


  Hits:   4817351


Synfo © 2006 : All rights reserved. Mizoram Presbyterian Church Synod : Best @ 1024x768