SYNOD CALENDAR | DOWNLOAD | NOTIFICATIONS | GUEST HOUSE | SYNOD BOOKROOM | ARTICLES/SERMON |COUNSELLING |  PRAYER REQUEST | PICTURE GALLERY |LETTERS


 
Latest News
News Tawi
Comm./Dept./Boards/Profiles
Periodicals
Audio/Visual
Synod Choir
Links
Booklets
FM Radio Hruaina Eng
 
 

 

Kan rama sikul leh college bakah zirna hmun hrang hranga thawktute leh zirlaite tan

Hindi Bible School, Bawngkawn leh Mission Development Training Centre, Bualpui North-a thawktute leh Training mekte tan

Indiarama Theological College hrang hrangte leh Senate of Serampore College (University) tan


 
Synod Puipate Programme
Moderator : Rev. Lalzuithanga
April 13, 2017 (Ningani) zan hian Dawrpui Kohhran hun a hmang ang a, Good Friday chu Lungleng – I bial-ah a hmang ang. Chawhmaah Samtlang Kohhranah hun a hmang ang a, chawhnuah North Lungleng Kohhran leh zanah Lungleng Kohhranah hun a hmang ang. Easter Sunday hian chawhmaah Falkland Kohhran-ah a tlawh ang a, chawhnuah Zuangtui Vengthar Kohhran leh zanah Chawlhhmun North Kohhranah te hun a hmang leh ang. 
 
Rev. Lalramliana Pachuau, Senior Executive Secretary Prog:
April 12, 2017-ah MTC Graduation day a hmanpui a. April 13, 2017-ah TEB Committee an thu a. April 15, 2017-ah Kolasib Diakkawn Kohhranah hun a hmang ang a, April 19, 2017-ah NEICC Seminar, Khatla ah a tel ang.
April 21 – 23, 2017 hian Zohmun Pastor Bial Inkhawmpui a hmanpui ang a, Pastor Quarters thar Pathian hnena hlanna a nei nghal ang.
 
Rev. PC Pachhunga, Executive Secretary Prog:
April 12, 2017 ah MTC Graduation day a hmanpui a. April 13, 2017 zanah Aizawl Kohhranah Lalpa Zanriah Sakramen a theh ang a. April 18 & 19, 2017 chhung hian John Williams Hospital Committee turin Lungleiah a kal ang. April 20, 2017 ah Central Kohhran Hmeichhe Committee a telpui ang 
 
4. Rev. B. Sangthanga, Executive Secretary Prog:
April 3 – 13, 2017 chhung khan Field hrang hrangah Field Committee nei turin a kal a. April 13, 2017 zanah Dawrpui Vengthar Kohhranah Lalpa Zanriah Sakramen a theh ang. April 19, 2017 zanah Durtlang Leitan South Kohhrana Missionary 5 tirhchhuah tur a hmanpui ang.
 
Ramthar Rawngbawlna
1. Arunachal East Mission Field
Tumkau Ni  (April 9, 2017) khan Arunachal East Mission Field te chuan  Bhuddhist hmunpui, Namsai khuaah ringthar baptisma chang mi 8 lai an nei a, Rev. Remchan Taikam kutah baptisma an chang. Hemi ni vek hian  Changlang Bial, Makantong-ah nutling 1 chu Rev PC Vanlalchhuanga’n a baptis bawk.
 
April 9, 2017 vek khan  Rev. Lalrinthara, Field Secretary chuan Miao bial chhunga Upper N Khamlang –ah Preaching Station leh Biak In a hawng a, Danzawhkim mi 46 an awm. He Biak In hi anmahni kutkawih liau liaua sak a ni a, a hawnnaah hian vawk talhin ruai heh zui nghal a ni. 
 
Tunlai hian missionary te leh kohhran hote rawngbawlin an fehchhuak  nasa hle a; ringthar pawh neih belh zel an in beisei a ni. 
2. Arunachal North Mission Field
April 7-9, 2017 chhung khan Arunachal North Mission Field a Pasighat Pastor Bial Inkhawmpui Vawi 7-na neih a ni a, Bialtu pastor Rev. Tanyo Pabina’n mi pali  (puitling 3 leh naupang 1) a Baptist.
 
3. Arunachal West Mission Field:
Arunachal West Mission Field lam pawhin  ringthar an nei pung chho zel a, kumin January atanga March thla chhung khan ring thar  41 – (puitling 16 leh naupang 25) lai an nei tling ta.
 
 
Aizawl Khawpui chhung Pastorte an inhmukhawm

April 10, 2017 khan Aizawl khawpui chhunga Pastor te an inhmukawm a, Senior Executive Secretary Rev. Lalramliana Pachuau pawhin a hmanpui. He meeting hi Rev. Lalbiakvulmawia’n a kaihruai a, rawngbawlna thil tul chi hrang hrang an sawoho bakah tunlai boruak chungchangte an sawi ho bawk.

 

Kristian Chhungkaw Programme hman a ni
* April 8, 2017 khan Zemabawk Pastor Bial Kohhran Hmeichhe Inkhawmpui thu bawhzuiin Kristian Chhungkaw programme hman a ni a.  Rev. Zothansanga Ramhlun North bialtu leh Central K.T.P Leader nimek  chuan “Chhungkua a Fanau Enkawl” tih thupui a sawi. Mi 90 an kal a, a kalten hlawkthlak an ti hle. 
* Ruantlang Pastor Bial Kohhran Hmeichhe Inkhawmpui in alo rel tawh angin April 11, 2017 zan khan Ruantlang Kohhranah Kristian Chhungkaw programme hman a ni a. Inkhawm hi Pi C. Rothangpuii, Bial Kohhran Hmeichhe Finance secretary in a kaihruai a, Pi Malsawmthangi Committee member in tanna hun a hmang a, Speaker Pastor H. Lalnunmawia, Bialtu Pastor hnen atangin Pathian thuchah ngaihthlak a ni.
 
 
Revival Dept. Rawngbawlna

April 4 – 8, 2017 chhung khan Revival Camping Centre-ah a duh apiang tan camping neih leh a ni a, Speaker chu Upa C. Sangkhuma, Ralvengtu team a ni. Camp-ah hian Aizawl khawpui chhung leh pawn atang te leh kohhran hrang hrang atangin mi  97,  mipa 76 leh hmeichhia 21 an lut a, Operation Nehemia rawngbawlna avangin mi 7 lai camp-ah hian an lut bawk. Camping atana hna tul hrang hrang te chu  Venghnuai Pastor Bial ten an thawk a ni. 

MTC
Synod Mission Board hnuaia Contract Missionary te tan Short Course Missionary Training chu January 12 - April 7, 2017 chhung khan Missionary Training College-ah neih a ni a. Mi 15 training tura koh ten tha takin training an zo thei a. Trainees te hi April 7, khan thlahna hun hman a ni a, he Farewell Programme hi Synod Mission Board Secretary Rev. K. Lalrinmawia’n a hmanpui a. K. Thangchhungi, Home Mission North, Persang-a thawk mek chu Best Trainee-ah thlan a ni.
 
B.Miss zirlaite chuan March 3 - April 6, 2017 chhung khan II Semester exam an zo a, chawlh chhungin Field Education an nei dawn a,  B.Miss.  II yr. zirlaite  Arunachal East Field –ah an kal ang a, B.Miss.  I yr. zirlaiten Home Mission North Field-ah an kal ang. 
MSSU Rawngbawlna
* April 7-11, 2017 chhung khan Delhi Presbyterian Kohhran-ah Sunday School training leh Kohhran kalphung zirhona neih a ni a, Training neihpui turin Aizawl atangin Rev. P.C. Pachhunga Executive Secretary i/c. MSSU etc. leh Upa Lalthahluna Ralte leh Upa B. Lalhmunliana te an kal. Trainingnaah hian Sunday School zirtirtute an kal tha hle a, zirtirtu bakah Kohhranhote pawh thahnem tak an tel a ni.
* April 8-9, 2017 chhung khan Suahliap Pastor Bial Sunday School Zirtirtu Training Suarhliap Kohhran Biak in-ah neih a ni bawk a, Upa Lalrosanga Kawlni O/A MSSU leh Upa Zohmangaiha Sunday School trainer ten training an neihpui a, zirtirtu 66 lai an tel thei a ni. Inrinni zan atanga Pathianni zan thlengin trainer te hian Kohhran hrang hrangah rawngbawlna an nei.
Worship Department Rawngbawlna

April 10 & 11 chhung khan Sialsuk Bial KTP Conductor Training neih a ni a, hemi hunah hian training pe turin Worship Dept atangin Pu Lalromawia, Senior Instructor leh Upa Thanghuta, Comt Member te an kal. 

 

Synod Puipate Programme

Moderator : Rev. Lalzuithanga Prog:
Tunkar tawpah Diphu-ah hun a hmang ang.

Rev. Lalramliana Pachuau, Senior Executive Secretary Prog:
April 9 ah Durtlang Kohhran tlawhin hun a hmang a.
April 11 ah ATC Valedictory Service a hmanpui ang.
April 12 ah MTC Graduation day a hmanpui ang.
April 13 ah TEB Committee an thu ang.
April 15 ah Kolasib Diakkawn Kohhranah hun a hmang ang.

Rev. PC Pachhunga, Executive Secretary Prog:
April 7 – 11 chhung hian Delhi Mizo Kohhranah MSSU Programme in a kal.
April 12 ah MTC Graduation day a hmanpui ang.
April 13 zanah Aizawl Kohhranah Lalpa Zanriah Sakramen a theh ang.

Rev. B. Sangthanga, Executive Secretary Prog:
April 3 – 13 chhung hian Field hrang hrangah Field Committee neiin a kal.

 

 

KTP Rawngbawlna

* April 6, 2017 khan Diakkawn Bialah Leadership training neih a ni a, hemi hunah hian Tv. Joseph Lalsangzuala leh T.Upa Lalrinmawma, Comt. Member te an kal.
* April 8, 2017 (Inrinni) hian Keitum Branch Diamond Jubilee lawmna neih a ni dawn a, hemi hun hmanpui tur hian Pu P.C. Biakmuanpuia, Asst. Secretary leh Dr. Lalrotluanga, Comt. Member te an kal ang.
* April 8 & 9, 2017 hian Riangtlei Branch Diamond Jubilee lawmna neih a ni dawn a, hemi hun hmanpui tur hian Pu Lalchhuanliana leh Dr. David C. Vanlalfakawma, Comt. Member te an kal ang.

 

1 | 2 | 3 | 4 | 5 | 6 | 7 | 8 | Next


 Register
Kids Corner
TELEPHONE DIRECTORY


  Hits:   4820647


Synfo © 2006 : All rights reserved. Mizoram Presbyterian Church Synod : Best @ 1024x768