SYNOD CALENDAR | DOWNLOAD | NOTIFICATIONS | GUEST HOUSE | SYNOD BOOKROOM | ARTICLES/SERMON |COUNSELLING |  PRAYER REQUEST | PICTURE GALLERY |LETTERS


 
Latest News
News Tawi
Comm./Dept./Boards/Profiles
Periodicals
Audio/Visual
Synod Choir
Links
Booklets
FM Radio Hruaina Eng
 
 

 

Kan rama sikul leh college bakah zirna hmun hrang hranga thawktute leh zirlaite tan

Hindi Bible School, Bawngkawn leh Mission Development Training Centre, Bualpui North-a thawktute leh Training mekte tan

Indiarama Theological College hrang hrangte leh Senate of Serampore College (University) tan


 
Zin

Nov 18 – 22, 2016 chhung hian Kohhran zir chiang turin Bangalore, Delhi leh Kolkata-ah Rev. P.C. Pachhunga, Executive Secretary, Rev. H. Remthanga, Fin. Officer leh Upa H. Ronghaka, Synod Secretary (Sr.) te an kal.

SMTC Rawngbawlna

Nov. 11, 2016 (Zirtawpni) khan Pukzing Pastor Bial huap Lay Leaders’ Training neih a ni a, hemi hunah hian Rev. Vansawma, Programme Director, Rev. Lalhluma Sailo leh Rev. K. Lalthangmawia te an kal.

RAMTHAR RAWNGBAWLNA
BARAK AREA
July 6, 2016 khan Manikbond Bial, Medili khuaah ringthar mi 15  te chuan Bialtu Pastor Vanlalliana Sonset kutah baptisma an chang a, Manikbond Bial hian kumin chhungin ringthar 42 lai an nei tawh a ni.
July, 10, 2016 khan Kabuganj Bialah ringthar pathumin Pastor Lalmuankima kutah baptisma an chang bawk. Heng ringthar te hi kum 2011 a an bialtu Pastor, Rev. G.S. Ropianga kut lo thlaktu nupui leh a fate an ni a, pa ber hian kum 2014 khan baptisma alo chang tawh bawk a ni. 
 
NEPAL MISSION FIELD
July 9, 2016 khan Nepal lam pawhin ringthar 3 an nei a, ringtu ni tura intiam mi pakhat an nei bawk . Nepalah hian Pathianni aiah Inrinni hi Sawrkar chawlhni a nih avangin Kristiante pawh Inrinni hi Pathianni angin an hmang thin.
 
DELHI MISSION FIELD
Delhi Mission Field ah July 7, 2016 khan Rev. Lalrosiama, Field Secretary in Fellowship thar, member 100 lai awmna chu kan Kohhranah a lawm lut. He Fellowship hi “Delhi Ishu Darbaar Fellowship” tih a ni a. 
July 10, 2016 khan Gautampuri Delhi South bial-ah ringthar 9 neih a niin Bialtu Pastor P. C. Rohlira kutah baptisma an chang. (Insert Delhi 1,2)
 
ASSAM MISSION FIELD
July 12, 2016 khan Sivasagar kohhranah ringthar tlangval 1 leh Kristian ni sa tlangval 2 in baptisma an chang. Tlangval 2 te hi an nu leh pa te Baptist Kohhran an ni a, kan Kohhranah an inpe nghal a ni.
 
July 11, 2016 zan atang khan ni thum leh zan thum awh turin Mazurgaon (santhal area) ringlo awmna khuaah Bhairabkunda-a thawktuten rawngbawlna an nei a, speaker atan Pu Chetan Murmu, Evangelist, Masihi Sangati, Laipuitlang, Mizoram hman a ni a film show te neih a ni bawk.
 
FINANCE DEPARTMENT
July 9, 2016 (Inrinni) khan Saron Veng Kohhranah Synod sum vawn dan Training neih a ni a. Training pe tur hian Synod Office atangin Tv. Zaihmingthanga Fanai, Accountant leh Upa PC Vanlalrova, Office Assistant te an kal.
 
Training hi nilenga neih a ni a, Saron Veng Kohhran atangin Kohhran Committee, Kohhran Hmeichhia Committee, KTP Committee, Pavalai te bakah sum enkawlna kawnga mawhphurtu dangte an kal a. He Training-ah hian mi 100 vel an kal a, hlawkthlak an ti hle.
REVIVAL DEPARTMENT

July 5 – 10, 2016 chhung khan Synod Revival Camping Centre, Neihbawih-ah Gospel Camping neih a ni a, Speaker R. Lallungmuana, Hebron Revival a ni a, Camp-a lut zawng zawng hi Mipa 209 leh Hmeichhia 18, an vaiin 227 an ni. Camping-ah hian Presbyterian Kohhran mai bakah Kohhran Pawl hrang hrang atangin mi engemaw zat an lut a, Aizawl khawpui chhung veng hrang hrang leh Aizawl pawn atangin lut an awm bawk a ni. Bungkawn Kohhran Pavalai Pawl ten Ei rawngbawl leh Security lam an buaipui a ni.

CAMPUS MINISTRY
July 12.7.2016 (Thawhlehni) khan Apollo School of Nursing ah hun hman a ni a. He hunah hian Rev. Lalchungnunga, Director in hun hmangin 'Rinna leh thiltih' inzawm dan fiah takin a sawi a, Pathian Khawngaihna avanga Chhandamna changtu ringtute chu thil tha ti tura Krista Isua ah chuan siam kan nih thu a sawi. Dan zawm leh thil tha tih chu Pathian ringtute tan hnualsuat chi anih loh thu sawiin, thil tha tih avanga chhandam nih tum lam ni lovin Krista zara chhandamna changtu kan nih tawh avang zawka thil tha ti sauh sauh tur kan nih thu te a sawi.
PRISON MINISTRY

Synod Prison Minsitry te chuan July 10, 2016 khan District Jail-ah rawngbawlna neiin inkhawmpuina neih a ni a, inkhawm hi Rev. Vulluaia’n a kaihruaia a, Rev. PC Vanlalhruaia’n Pathian thuchah a sawi a, inkhawm hi mi 51 lai an tling a ni. 

SOCIAL FRONT
July 9-10, 2016 chhung khan Rawpuichhip kohhranah Zu leh Drug  Seminar neih a ni a, Resource Person atan Dr Robert D Halliday hman a ni a, Kohhran hoten hlawkthlak an ti hle.
 
July 15 – 18, 2016 chhung hian Biate Bial ah Financial Management Seminar neih a ni dawn a, hemi hunah hian Upa Lalzuithanga leh Upa VL Ruala Pachuau te an kal ang.
WORSHIP

Kolasib Diakkawn Pastor Bial huap, Zai hruaitu leh Conductor Training, July 7-8, 2016 chhung khan neih a ni a, Resource Person atan Upa Lalthansanga, Aizawl Venglai hman a ni a, kohhran hoten an hlawkpui hle.

MSSU RAWNGBAWLNA
July 8-11, 2016 chhung khan Bilkhawthlir Bial huapin Bilkhawthlir kohhranah Sunday School Zirtirtu training neih a ni a. Bial chhung Kohhran hrang hrang atangin mi 145 an tel. Training hi Upa Lalthahluna Ralte, Asst. Co-ordinator, Upa F. Zakhuma, Selesih, trainer leh Upa Zohmangaiha, Zemabawk Vengthar, trainer ten an neihpui.
 
July 12, 2016 zan khan Armed Veng South Kohhranah Puitling Sunday School zirtirtu training neih a ni a, training-ah hian zirtirtu 64 an tel. Puitling Sunday School hlutna, Sunday School tha buatsaih dan leh zirtir dan te zirho a ni. Training hi Upa Lalthahluna Ralte, Asst. Co-ordinator-in a neihpui. 
 
July 15, 2016 (Zirtawpni) hian Bethlehem Kohhranah Naupang Sunday School Zirtirtu training neih a ni a, hemi hunah hian Pu John Lalhruaitluanga, MSSU Asst. Coordinator leh T.Upa Lalrosanga Kawlni, O/A te an kal.
 
July 16 & 17, 2016 hian Laipuitlang Kohhranah Sunday School Zirtirtu training neih a ni dawn a, hemi hunah hian Pu John Lalhruaitluanga, MSSU Asst. Coordinator, Upa K. Vanlalnghaka, Ramhlun East (MSSU Trainer) leh Upa B. Lalhmunliana, Bethlehem Venglai (MSSU Trainer) te an kal ang.
 
Prev | 1 | 2 | 3 | 4 | 5 | 6 | 7 | Next


 Register
Kids Corner
TELEPHONE DIRECTORY


  Hits:   4666434


Synfo © 2006 : All rights reserved. Mizoram Presbyterian Church Synod : Best @ 1024x768