SYNOD CALENDAR | DOWNLOAD | NOTIFICATIONS | GUEST HOUSE | SYNOD BOOKROOM | ARTICLES/SERMON |COUNSELLING |  PRAYER REQUEST | PICTURE GALLERY |LETTERS


 
Latest News
News Tawi
Comm./Dept./Boards/Profiles
Periodicals
Audio/Visual
Synod Choir
Links
Booklets
FM Radio Hruaina Eng
 
 

 

Kan rama sikul leh college bakah zirna hmun hrang hranga thawktute leh zirlaite tan

Hindi Bible School, Bawngkawn leh Mission Development Training Centre, Bualpui North-a thawktute leh Training mekte tan

Indiarama Theological College hrang hrangte leh Senate of Serampore College (University) tan


 
Synod Puipate programme

Rev. H. Lalrinmawia, Synod Moderator chu kar hmasa khan Lunglei Bazar Vengah Pastor Induction hun a hmang a, tunkar tawpah hetiang hian hun a hmang ang :
May 14, 2016 (Inrinni) Zan - Happy Valley, Madanrting Bial
May 15, 2016 (Pathianni) Chawhma - Shillong, Shillong Bial
May 15, 2016 (Pathianni) Chawhnu - Umpling, Madanrting Bial
May 15, 2016 (Pathianni) Zan - Madanrting, Madanrting Bial

Rev. Lalramliana Pachuau Senior Executive Secretary :
May 13, 2016 (Zirtawpni) khan Missionary Orientation Farewell a hmanpui a
May 15, 2016 (Pathianni) nileng hian Ramthar Veng Kohhranah hun a hmang ang.
May 20 – 22, 2016 chhung hian Teirei Presbytery hawng turin a kal ang a.
May 23, 2016 (Thawhtanni) ah Zawlnuam ah Pastor Quarters hmunsawn chungchang en felin a kal nghal bawk ang.  

Rev. PC Pachhunga Executive secretary chu May 17, 2016 (Thawhlehni) hian Central Kohhran Hmeichhe Committee ah a thu ang a, May 18 & 19, 2016 chhunga Finance Committee neih turah a tel bawk ang.
 
Rev. B. Sangthanga Executive Secretary chu May 15, 2016 (Pathianni) zanah Zonuam Kohhran Biak Inah hun a hmang ang  a, May 16, 2016 (Thawhlehni) hian Saitual Presbyterian English School-in HSLC Result an lawmnaah hun a hmanpui bawk ang a. May 18 & 19, chhunga Finance Committee neih turah a tel bawk ang.



 

Tanpuina rangva sem leh ringthar

May 7, 2016 khan Barak area huam chhunga rial leh thli in a tihchhiat Biak in leh mimal in luahtlak loh 24 te hnenah Synod relief atangin tanpuina rangva bandles 25 sem a ni. Kohhran mite an lawm hle,kar leh lamah a dang sem leh tum a ni.
Hetih lai hian May 8, 2016 (Pathianni) khan Barak Area chhungah ringthar - Jiribam Bialah- 2, Karimganj Bialah  - 1, Bagha Bialah - 7  an nei a. May 9, 2016 khan Silchar Bengali Bialah  an nei leh bawk a, ti hian kumin chhungin Barak Area-ah ringthar 150 lai an nei tling ta.

May 8, 2016 khan Siliguri Mission Field-ah ringthar baptisma chang 5 an awm a. Mantadari hmunah Biak In thar leh Preaching Station thar Rev. B.Zobiaktluanga, Field Secretary in a hawng bawk. Mantadari ah hian tunah hian Kohhran in -12 ah member-38 awmin puitling- 27 leh naupang- 11 an ni. Mantadari Preaching Station a nih theih nan leh Biak in an neih theih nan a, thahnemngai taka tawngtaipuitute chungah te,  Biak in bungrua chi hrang hrang  pe tute chungah Siliguri Mission Field chuan  lawmthu an sawi.

May 8, 2016 khan Assam Mission Field a Marigaon-ah ringthar puitling 5 (mipa 4 leh hmeichhia 1) in baptisma an chang a, an zinga 2 hi Assamese nupa (hindu) an ni a, 3 dang hi muslim an ni. Assam Mission Field hian Field Documentary film an buatsaih mek bawk.

May 11-13, 2016 chhung khan Assam Mission Field a Tezpur Bial evangelist te chuan Birijan khuaah rawngbawlna an nei a, Film Show leh thuchah sawiin hun hman a ni a, mi 160 vel an tel thei a, heng zinga mi inhawng awm deuh te chu an in lamah bawizui nghal an ni bawk.

May 8, 2016 vek khan Patna Mission Field-ah fellowship pathum atangin mi 5 in baptisma an chang.  Yarpur fellowship ah mi 3 –in Rev. C.Lalremzuala kutah baptisma an chang a, Boring Road fellowship-ah mi 1 Rev. B.Vanlalfaka baptisma a chantir a,  Khagaria fellowship ah mi 1 -in Rev. R.Zorammawia kutah baptisma a chang bawk.

Jharkhand Mission Field  a Pataithan Fellowship-ah ringthar baptisma chang 4 an nei thar bawk.

 

'Bible Leh Tunlai Khawvel' tih thupui hmangin ATC-ah Seminar nei dawn

May 14, 2016 (Inrinni) hian Vaivakawn Pastor Bial KTP leh ATC faculty tangkawpin 'Bible Leh Tunlai Khawvel' tih thupui hmangin Seminar, ATC Quadrangle-ah an buatsaih dawn a, resource person atan Rev. Dr. K. Lallawmzuala,  Associate Professor leh Rev Laldingluaia, ATC Lecturer te an hmang ang.

Conductors Training nei

May 12 & 13, 2016 zan hian Ramhlun North Bial KTP-ten Conductors' Training an buatsaih a, training neihpui tur hian Synod Worship Department atangin Pu Lalromawia, Senior Instructor a kal.  Pu Lalromawia hian May 14, 2016 (Inrinni) nileng khan Muallungthu Kohhranah Khuangvuak Training a hmanpui bawk.

Synod Campus Ministry Rawngbawlna

Synod Campus Ministry te chuan May 9, 2016 (Thawhtanni) khan Republic Higher Secondary School, Ramthar ah hun hman a ni a. Zirlai leng Hall an neih loh avangin Director leh Counsellor in class room ah thusawina hun hmangin 'Tunlai Khawvel sual tak laka Chhandamna leh Career Guidance' chungchang an sawi a, zirlaiten an hlut hle.

Aizawl West II Area Masihi Sangati Area hawn leh Area Meet vawi 1-na nei

May 7-8, 2016 khan Luangmual Presbyterian Kohhra Biak in ah Aizawl West II Area Masihi Sangati Area hawn leh Area Meet vawi 1-na neih a ni a. May 7, 2016 Inrinni zan khan Area Hawnna inkhawm neih a ni a. He inkhawm hi Rev. K. Lalthlanpuia, Director,  Masihi Sangati Kendra in a kaihruai a, Pu Zairema, Area Secretary –in inlawmna leh inhmelhriattirna a nei a, Rev. B. Sangthanga, Executivs Secretary chuan Area hawnna neiin thuchah a sawi a, zaipawl - Chawnpui Bial Masihi Sangati te Tanhril Bial Masihi Sangati te leh Area Standing Choir te an zai bawk.

May 8, 2016 Pathianni khan Area Meet Vawi 1-na neih nghal a ni a, thupui chu  “Pathian lawmtlak inthawina” tih a ni a, Speaker atan Pastor R.K. Lalawmpuia i/c. Aizawl West hman a ni. Pathianni Chawhma leh zan chu Pathian Biak Inkhawma hman a niin Speakerin thuchah a sawi thin a, zai pawl thahnem tak – chawhma inkhawmah zaipawl panga leh zan inkhawmah zaipawl paruk an zai bawk. Pathianni chawhnu-ah Speaker Pastor. R.K. Lalawmpuia buatsaih Lalpa Zanriah Sakramen kilho a ni bawk. Inkhawm ban apiangin fellowship neih a ni a, chawhma inkhawm ban atangin nilengin Copunselling class neih a ni bawk.

 

Synod Puipate Programme

Synod Moderator Rev. H. Lalrinmawiate. Rev. Lalramliana Pachuau  Senior Executive Secretary te, Rev. B. Sangthanga Executive Secretary te chu April 27 – May 1, 2016 chhunga PCI General Assembly, Mawsynram hmuna neihah an kal.

Rev. PC Pachhunga Executive Secretary chuan April 28, 2016 khan Synod Hospital Nursing School Graduationa Day a hman pui a, tunkar lo awm turah hetiang hian hun a hmang ang :

Moderator Programme :
May 1, 2016 (Pathianni) chawhma
- Tuikhuahtlang Kohhranah
May 3, 2016 - Hospital BEC meeting-ah  a thu ang.
May 4, 2016 -  Pastoral Committee-ah a thu ang              
May 6, 2016 - PRESCOM Board committee-ah a thu ang.           
May 7, 2016 - East Lungdar-ah Pastor Induction neihpuiin a kal leh ang.

 

Chhim Working Committee-ten Kohhran tlawh

April ni 6 - 15, 2016 chhung khan Chhim Working Committee chuan Chhim Bial Kohhran hrang hrangte leh Home Mission South hmun hrang hrangte an tlawh a. Kohhran 30 chuang lai leh School hrang hrangte an ni. An kalna hmunah hian Kohhran hoten an lo lawm thiam hle a. Kohhran hotute leh Mission School hotute hmalakna a hmuna enfiah leh hmalak zel dan tur sawiho a ni a, hei hi Chhim Working Committee chuan bawhzui ngaite bawhzui nghal a tum dawn a ni. Chhim Working Committee Field Visit Programme hi Working Committee member 13 leh Synod Offfice staff leh driver te nen an vaiin mi 17 an kal thei a. Rev. RC. Lalnghakliana, Aministrative Secretary chuan a ho thei bawk a ni.



 

Synod Campus Ministry rawngbawlna

Synod Campus Ministry te chuan April 22, 2016 (Zirtawpni) khan Synod High School ah Zu chungchang economics leh Kristian Philosophy atanga zirchianna hun an hmang  a. Hemi rual hian zirlaiten kawng dik an zawh theihna tur leh an hma hun atana an inbuatsaih lawk thiam theihna turin Career Guidance hun hman tel a ni bawk. He hunah hian resource person atan Dr. Laldinliana Varte, Asst. Professor, MZU leh Rev. Lalchungnunga, Director, Campus Ministry te hman an ni.



 

Sunday School Training nei dawn

April 30, 2016 (Inrinni) hian Tanhril Vengthar Kohhranah Sunday School Zirtirtu Training neih a ni dawn a, hemi hunah hian Upa Lalthahluna Ralte, Asst Coordinator, MSSU, T/Upa Lalrosanga Colney, O/A leh Upa S. Kapzathanga, Armed Veng (MSSU Trainer) te an kal ang.

April 30, 2016 (Inrinni) hian Khatla South Kohhranah Sunday School Zirtirtu Training neih a ni dawn a, hemi hunah hian Pu John Lalhruaitluanga, Asst. Coordinator, MSSU leh T.Upa H. Lalvulliana MSSU Trainer te an kal ang.

Prev | 1 | 2 | 3 | 4 | 5 | 6 | 7 | 8 | Next


 Register
Kids Corner
TELEPHONE DIRECTORY


  Hits:   4820732


Synfo © 2006 : All rights reserved. Mizoram Presbyterian Church Synod : Best @ 1024x768