CHOIR CONDUCTORS TRAINING VAWI 17-NA KHAR A NI TA

Zanin (May 4) dar 6:30 khan Synod Music Committee buatsaih “Residential Choir Conductors’ Training” vawi 17-na chu Pi Zaii Hall, Synod Conference Centre, Mission Vengah kharna inkhawm neih a ni a, Senior Executive Secretary Rev. Vanlalzuatan fuihna thu sawiin trainees-te hnenah certificate a hlan a ni.

Training kharna inkhawm hi Upa H. Lalhmingmawia, Synod Music Coordinator-in a kaihruai a, Pu Lalromawia, Synod Music Instructor-in training neih dan reports leh lawmthu sawina hun a hmang a, Nl. Lalngaihawmi, Dawrpui-in Pathian fakna hla a sa bawk. Senior Executive Secretary Rev. Vanlalzuatan fuihna thu sawiin certificate a hlan a, Upa Hmingthansanga Pachuau, Music Executive Committee Member leh Upa Zonunmawia Ralte (Trainees aiawh) ten thu an sawi a, Rev. Vanlalzuatan Malsawmna sawiin programme a khar a ni.

May 1 (Thawhlehni) zan khan training hawnna inkhawm neih a ni a, training-ah hian Bial hrang hrang (Champhai Kahrawt, Champhai Vengthlang, Damparengpui, E. Lungdar, Farkawn, Hmuntha, Kanhmun, Kawrthah, Khawbung, Khawhai, Khawlailung, Khuangleng, Lunglei Venglai, Lungpho leh Vanzau) atangin Kohhran tin aiawh sawm an ni a, mi 60 an lo tel thei a ni. Training neih chhung hian Upa H. Lalhmingmawia, Upa Lalthansiama Tochhawng, Pu Lalromawia, Pu H. Lalrinmawia, Pu Benjamin Sailo leh Tv. H. Lalthazuala ten Music leh a kaihhnawih thil pawimawh hrang hrangte zirtirna an pe a ni.

For more Pics Click Here

 

 

 

Share

Tweet