SYNOD BOOKROOM GRAND REDUCTION SALE

Synod Bookroom Grand Reduction Sale, ni 5 chhung awh tur chu vawiin (June 5) atangin neih tan a ni.

Synod Bookroom chuan kum tina a lo tih thin, Grand Reduction Sale chu vawiin (June 5) atangin an tan leh ta a. An lehkhabu (Mizo & English) neih zawng zawng, Bible, Kristian Hla Bu, Kohhran leh School mamawh chi tinreng leh Stationery Items te 5% - 80% discount-in hralh chhuah a ni. Tun tumah hian Reduction Sale hi Aizawlah chauh kalpui a ni a, Headquarters Showroom (Mission Veng), Bazar, Bara Bazar (Israel Point), Chanmari leh Bawngkawnah te Grand Reduction Sale hi neih mek a ni a, Item zawng zawngah discount hi pek vek a ni.

He Grand Reduction Sale hi mipuiin an hlut nghal hle a, a dawrtu zingah Kohhran rawngbawltute leh sikul naupang an thahnem hle a, mimal bakah Kohhran, Office leh Zirna In hrang hrang Library atana lehkhabu leh thildang lei an tam hle bawk.  Reduction Sale hian June 9 (Inrinni) thleng a awh ang.

 

For Pics Click Here

 

 

Share

Tweet