SYNOD CALENDAR | DOWNLOAD | NOTIFICATIONS | GUEST HOUSE | SYNOD BOOKROOM | ARTICLES/SERMON |COUNSELLING |  PRAYER REQUEST | PICTURE GALLERY |LETTERS


 
Latest News
News Tawi
Comm./Dept./Boards/Profiles
Periodicals
Audio/Visual
Synod Choir
Links
Booklets
FM Radio Hruaina Eng
 
 

 

Khawvel ram hrang hranga hruaitu lian – an Lal, President leh Prime Minister ten dikna leh zalenna an ken kawh zel theih nan

Khawvelah inhuatna, tharum thawhna leh indonate a lo reha, inunauna leh inpumkhatna a lo awm theih nan. He lama hma latu UNO tan

Khawvelah remna leh muanna a thlen theih nan


 

Hospital Sunday Thuchah, 2012

Kum 2012 Hospital Sunday kan lo thleng leh ta a, kan Hospital pawh a kum 84-na lai a lo ni ta, hetiang hun min hruai thlengtu Pathian hnenah lawmthu awm se la, he hun hmangtu Kohhran mipui zawng zawngte Hospital-a thawktuten Lal Isua hmingin chibai kan buk a che u.

Hospital-in kum 2011 - 2012 chhunga kan sum hmuh zawng zawng chu Rs. 186,593,491.00 a ni a, hemia Rs. 19,882,116.00 chu Synod Grant a ni a, Rs. 165,067,925.00 hi Hospital-in a dehchhuah a ni a, a bak Rs. 1,643,450.00 hi thilpek a ni. Hemi kum chhung veka kan hman ral chu Rs. 186,795,474.00 a ni a. Kan lakluh aiin kan hmanral hi Rs. 201,983.00-in a tam zawk a ni.       

Kum 2001-ah SEC-in Hospital chu thawktu hlawh leh mamawh dangte intum tura a lo ruahman angin tunah hian hlawh leh nitin mamawh chu kan thawkchhuak thei hram hram a, Synod Grant kan hmanna chu in sakna, khawl leina leh rethei tanpuina - Charity Fund atan a ni. Charity Fund-ah Rs. 4,941,927.00 zet hmang mah ila 31st March, 2012 account kan khar chuan damlo awmman pe thei lo mi 1074-in min batsak chu Rs. 13,924,737.00 a ni.

1. Damdawi In Chanchin Tlangpui :
  (1) Khum awm zat -
    Damdawi Inah 300
    Hospice (AIDS veite enkawlna) 20
    Avaiin            320
       
  (2) Thawktu nghet :
    (a) Doctor 28
    (b) Nursing Staff 113
    (c) Thawktu dang 115
    A vaiin 256
       
  (3) Thawktu nghet lo :  
    (a) Doctor            2
    (b) Nursing Staff 49
    (c) Thawktu dang 42
    A vaiin 93
      349
 
2. Thawktu nghet lak tharte :
  Doctor - 2, Staff Nurse - 14,  Laboratory Technician - 4, Medical Record Technician - 1, Ward Assistant - 3, O.A. - 1, an vaiin mi 25 a ngheta thawk tur lak an ni.
       
3. Retreat :
  Thawktu pual retreat neih a ni a, Speaker atan Rev R. Lalrosiama, Lecturer, ATC chu hman a ni. Thupui ‘Danglamna’ tih a ni. Tin, Nurse zirlaite pualin 29th April, 2011-ah Retreat neih a ni bawk a, Speaker atan Rev. K.M. Lalfakzuala, Chaplain hman a ni a, April 17, 2012-ah Nurse zirlaite pual vek hian Rev C. Lalbiakhluna, Chaplain-hoin Retreat hi neih leh a ni.
       
4. Mobile Clinic :
  Nikum Hospital Sunday leh tun inkar chhungin Pastor Bial, Kohhran leh khaw hrang hrang 59-ah Mobile Clinic neih a ni a, damlo 7623 en an ni. Project hrang hrangah hma kan lak avangin thawktu kan indaih lo em em a, chuvangin min sawmtu Bial leh Kohhran zawng zawng kan tlawh thei lova, pawi kan ti hle.
       
5. Charity Fund :
  April 2011 atanga March 2012 chhunga Charity Fund atanga sum kan hmuh zawng zawng chu hetiang a ni :-
  Synod Grant Rs. 30,00,000.00
  Hospital Sunday Rs. 982,116.00
  Thilpek Rs. 959,811.00
  Total Rs. 4,941,927.00
  Thilpek hi Kohhran, pawl leh mimal pek khawm a ni a, a vai hian damlo rethei awmman pe thei lo mi 583 hnenah hman zawh vek a ni.
       
6. Blood Donation :
  Kohhran, KTP, YMA leh tlawmngai pawl hrang hrang hnen atangin nikum Hospital Sunday leh tun inkarah thisen unit 4028 kan dawng a, damlo thisen mamawhtute tana thilpek hlu tak min petute zawng zawng chungah lawmthu kan sawi tak meuh meuh a ni.
       
7. Thilpek Hrang Hrang Kan Dawnte :
  Pastor Bial, Kohhran Hmeichhia, KTP leh tlawmngai pawl hrang hrang hnen atangin thilpek chi hrang hrang damdawi in mamawh — Pawisa, hmunphiah, Swabstick, Thuthlengsei leh thildang engemawzat kan dawng reng a, damdawi in mamawh nasa takin min phuhruk sak a, kan lawm hle a ni.
   
8. Eye Unit Report :
  a)  Outreach Camp :Khaw hrang hrang 7-ah neih a ni a, mit 358 zai a ni.
  b)  Base Hospital Eye Camp :Vawi 14 neih a ni a, cataract 552 zai sak an ni.
       
9. Zir Mek leh Zirleh :
  Tunah hian MBBS zirlai 2, Internship timek 1, PG Course zirleh mek Doctor 3, M.Sc. (Nursing) zir 3, M.Sc. (Microbiology) zir 1 an  awm a, tha taka an zir zawh theih ngei kan beisei.
   
10. Nursing School :
  Tunah hian zirlai 98 kan nei mek a, Nursing School tluang takin a kal zel a, result pawh a tha thin hle a ni.
   
11. C.T. Scan :
  Synod thurel angin CT Scan khawl chu Rs. 210,00,000/- (Cheng Vaibelchhe hnih leh maktaduai khat)-a lei a ni a. March 13, 2012-ah Synod Moderator-in Pathian hnenah a hlan. CT Scan hi damloten an tangkaipui hle a ni.
   
12. Hospital Mamawhte :
  Tun dinhmunah Hospital-in kan mamawh berte chu Doctor thiam (Specialist) leh Medical Officers te an ni a, heng a hnuaia mite hi kan mamawh zualte an ni :-
  1) Surgeon Mi zai thiam
  2) Anaesthesiologist Hnimhlum pe thiam
  3) Radiologist CT Scan, X-ray, Ultrasound thiam.
  4) Medical Officers  
  Kohhranho thahnemngaihna leh tawngtaipuina avangin damdawi in rawngbawlna a kaltluangin hma a sawn zel a. Pathian leh Kohhranho chungah kan lawm hle a ni.

KHAWVEL DAM NAN LAL ISUA
(Johana 3 : 14 - 17)

Chanchin Tha Johana ziakah hian ‘Khawvel’ tih thumal hi vawi 78 lai a lang a, he khawvel hi a sawina hun leh hmun a zirin a awmzia pawh a dang a, kan chenna lei a sawina te, lei chunga cheng mihring sawina te, Pathian ring lo mite a sawina te leh mihring zia Pathian do tlat thin a sawina te a ni tiin mithiamten min hrilh a. Chu khawvel chuan, Johana bung 1-a kan hmuh angin a siamtu, nunna leh enna petu tur chu a hre si lo. “Eng chu thim zingah a lo eng a, thimin chu chu a hre lo” (Johana 1:5). A hriat loh avang chuan thim lal thuneihna hnuaiah rah behin a awm a, a thil sual tihte avangin thim a ngaina a, thil tha lam reng reng a duh lova, sual lam kawng hlir a zawh zawk thin. A hma bak chu boralna leh chatuan hremna a ni. Chutiang tak chuan sual thim chuan a chungah rorel-in a hmabak chu rapthlak hle mahse khawvel chu amahin a tal chhuak thei lova, amahin a inchhandam thei hek lo.

Hetiang hun rapthlak leh beidawnthlak hi Numbers 21:4-9-a Israel faten thlalera an tawrh ang kha a ni. Anni pawh an thil tih sual avangin Pathian-in a hrem a, rul chukna mi a tir a nih kha. “Chutichuan, Lalpan rul chukna mite a tir a, mite a chu a, Israel mite tam tak an thi a” (Numbers 21:6). Chu rul chukna mi lak atang chuan tlanbona a awm lova, a damdawi a awm hek lo, han inpunkhawma thah rem mai chi an ni bawk si lo, an hma bak chu rul chuk avanga a indawta thih vek a ni. An dinhmun a chepin a buaithlak hle a, rul chuk avangin an na em em a, an boral mek a ni.

Amaherawhchu, hmangaihnaa khat Pathian, a mite inlamlet ngaidam thin chuan an chhandamna tur a siam sak a, chu chu rin leh thuawiha chan theih a ni. “Chutichuan, Mosian dar rul a siam a, banah a khai a, tin, heti hi a ni a, rul chuk apiangin dar rul chu an enin an dam zel a” (Numbers 21:9). Hetiang bawk hian sual thim thuneihna hnuaia engmah tithei lo leh boral mai hmabak khawvel tana chhanchhuahna leh damna awmchhun chu Mihring Fapa khai khana awm chu a ni. Tupawh amah chu ring a, amah en apiang chhandamin an awm ang a, amah avang vek chuan an natnate tihdamin a awm bawk ang. Mosia rul khaikan chuan taksa damna a thlen a, mihring fapa khai khan erawh chuan damna famkim, rilru, taksa leh thlarau damna a thlen thin (Johana 10:10).

Kan Zosap Missionary ten tihdam rawngbawlna an dah pawimawh em em nachhan kha Pathian ram ropuizia tarlanna tur a ni a. Chanchin tha-in sualna leh atna te a um bovin, thlarau damna a thlen mai bakah taksa damna pawh a thlen a ni tih entirtu leh tichiangtu a ni. Chanchin tha eng chuan thim thiltihtheihna hnuaia mihring min tiretheia min tiboraltu chu um bovin, ‘eng tak, mitin ti engtu’ kan Lal Isuan min rawn thlen ta, Amahah chuan khawvel damna a awm a ni. “Khawvel amah avanga an dam theihna turin a tir a ni zawk e” (Johana 3:17).

Pathianin a thu malsawm rawh se.

 

Sd/- Sd/-
(Dr. LALREMTHANGA) (Rev. THANGZAUVA)
Secretary, Chairman,
Synod Hospital Board Synod Hospital Board
& &
Director, Moderator,
Synod Hospital. Mizoram Presbyterian Church Synod.

 

 

 

 

 

Share
There are 0 comments to this post
 


 Register
Kids Corner
TELEPHONE DIRECTORY


  Hits:   4814013


Synfo © 2006 : All rights reserved. Mizoram Presbyterian Church Synod : Best @ 1024x768