SYNOD CALENDAR | DOWNLOAD | NOTIFICATIONS | GUEST HOUSE | SYNOD BOOKROOM | ARTICLES/SERMON |COUNSELLING |  PRAYER REQUEST | PICTURE GALLERY |LETTERS


 
Latest News
News Tawi
Comm./Dept./Boards/Profiles
Periodicals
Audio/Visual
Synod Choir
Links
Booklets
FM Radio Hruaina Eng
 
 

 

Mipat hmeichhiatna hman khawlohna leh suahsualna chi hrang hrang laka kan lo fihlim zel theih nan

Zu leh ruihtheih thil avanga harsatna tawk mekte leh an chhungte tan

Indiaram President, Governor-te, Central leh State-a sorkar officer lian zawng zawngte tan


 

OBITUARY : UPA BONNY LALRINDIKA (51)

Upa Bonny Lalrindika (1966–2017) chu February 19, 2017 (Pathianni) chawhma dar 9:30 khan Thisen Cancer avangin CMC, Vellore-ah a thi. A ruang hi Aizawl-ah rawn phurh chhoh niin vawiin (Feb. 21, 2017) hian vui a ni ang.



PIAN LEH MURNA :         
Upa Bonny Lalrindika hi ni 27.4.1966-ah Dinthar Vengah a piang a. A pa chu Pu Rolula (L) a ni a, a nu chu Pi Zadingliani (L) a ni. Rambuai avangin Kawrtethawveng -ah a pian hlim atangin kum 4/5 vel a nih thleng a awm a. Hetah hian a pi leh pu enkawlna hnuaiah a khawsain a seilian a ni. Chumi hnuah Aizawl Dinthar Vengah a rawn awm lehin High School a zawh thlengin a awm a ni. Upa Bonny Lalrindika hian pianpui unau paruk (6) a nei a; hetiang hi an kum upat dan indawt dan a ni :

1. Upa Bonny Lalrindika
2. P.C. Lalawmpuia  H/o Laltlanhlui,  Dâpchhuah
3. P.C. Lalmuanpuia (L),  Dâpchhuah
4. P.C. Zodinsanga, Dâpchhuah
5. P.C. Lalhmingmawia H/o Lalramchuani, Aizawl Venglai.
6. P.C. Lallianzuala H/o Kenneth Zobiakmuani, N. Vanlaiphai
7. P.C. Lalthantluangi W/o J. Lalthazuala, Muallungthu.
               
Upa Bonny Lalrindika hi kum 1983-a College a kal atangin Ramhlun Vengtharah hian a awm tan a, heng hunlai hian a hriselna a tha lovin Damdawi In -ah pawh a lût zauh zauh a, a taksa bawrhsawm laia amah lo hmangaiha lo bawihsâwm a lo tuamhlawm thintu Pu HK Lalchungnunga leh Pi Lalkhawzauhvi te nupa chu nu leh paah vuanin anni nupa pawhin an fapaah an lo pawm a, heta tang hian Kohhran leh sorkar thila a document pawimawh zawng zawngah pawh Pu HK Lalchungnunga te nupa hi a nu leh paah a hmang ta zel a ni.  

ZIRNA LAM :            
Upa Bonny Lalrindika hi mi tumruh tak niin zirna lamah pawh a kaltluang khawp mai. A zirna hmasa lam Primary School leh Middle School te hi Dinthar leh Dawrpui Vengthar Middle School -ah a zova, High school chu Ch.Chhûnga High School -ah kalin he School atang hian Matric a zo a ni. College chu Hrangbana College-ah kalin he College - a a zir lai hian ‘Mister’ ah te thlan a ni. Zirna lamah hian M.A (PA) a zo a ni.

NUPUI NEIH LEH CHHUNGKAW DIN :
Upa Bonny Lalrindika hian December ni 17, 2002 -ah K. Lalrunmawii d/o K. Thangkunga chu Ramhlun Vengthar Kohhran Biak In-ah Rev Chawnghranga kutah neiin an nupa hian fapa pahnih leh fanu pakhat an nei. Hetiangin-
1. Malsawmhlua (DOB : 14.04.2004)
2. Lalhruaikimi (DOB : 17.10.2005)
3. Lawmsangkima (DOB : 14.10.2010)


HNATHAWH  LEH  EIZAWNNA :                 
1. Police Deparment    : Upa Bonny Lalrindika hian Police Dept.-ah January ni 10, 1989 khan Assistant Sub. Inspector (ASI) hna thawkin February ni 1, 1992 -ah Sub Inspector (SI)-ah kaisantîr a ni a. He Department-a a thawh lai hian a hnathawh that avangin Award chi thum (3) a dawng nghe nghe a ni.
2. Ramhlun Vengthar High School : Kum 1994 -ah  khawtlâng mamawhna avangin S.I atangin a bâng a, Ramhlun Vengthar High School-ah Headmaster-in a lût a, he hna hi February  ni 15, 2001 thlengin thahnemngai takin a thawk a ni.
3. Mizoram Synod :     Mizoram Synod hnuaiah hian February 16, 2001-ah lûtin, Assistant  Coordinator  atan lâk a ni a, Synod-a a thawh chhûng hian a hnuai a hna hrang     hrangte hi a chelh kual a ni :-
1) KTP : Feb 16, 2001 - 17 May, 2005 (4yr & 3 m)
2) Social Front : May 18, 2005 - 19 Apr., 2009 (Kum 4)
3) General : April 20, 2009 - 31 Jan., 2011 (1yr & 9 m)
4) Synfo :  Feb 1, 2011 - 14 Jun., 2015  (4yr. & 4 m)
5) Archives : 15 Jun 2015 - 2 Aug 2016 (1yr & 2 m)
6) Social Front :     3 Aug 2016 - Till date
Synod hnuaiah hian kum 16 a thawk pum hman chiah chiah a ni. Kum 2002- khan Synod Programme- a Synod Hruaitute leh Synod Choir-ten Wales ram an tlawh tum khân a kal ve nghe nghe a ni.  

SPORT LAMA A SULHNU LEH MEDIA HMANGA A HNATHAWH  :
1. Aizawl Post-ah hian kum 2002 atanga 2016 thlengin Sports Columnist a ni.
2. All India Radio, Aizawl-ah hian hetiang hian hnuhma a lo nei ve tawh :-
a) Kum 1998 - 2014 thleng (Kum 16) chhung khan AIR Weekly Sport Round Up Proramme a lo hmang tawh thin a ni.
b) AIR Sport Programme hrang hrangah hian vawi 69 zet thu a lo sawi tawh
c) Kum 2002-ah Imphal-a National Games neih a nih khân AIR hmingin Sport Reporter angin a kal.3)     Central YMA hnuaia Sport Sub Comt.-ah hian term hnih a lo tel ve tawh thin.

Khawtlanga Rawngbawlna : Ramhlun Vengthar Branch YMA-ah hian Committee member a lo ni tawh thin a, Vengthar Weekly Editor pawh a lo ni tawh thin a ni.

KOHHRAN A RAWNGBAWLNA :
1. KTP -ah :    Ramhlun  Vengthar  Branch  KTP-ah hian  Leader, Assistant Leader, Finance Secretary, Committee Member leh Zaipawl Conductor-ah te a lo tang tawhin, Ramhlun South Bial KTP-ah pawh Assistant Leader, Committee Member leh Bial Zaipawl member a lo ni tawh thin.

2. Kohhran-ah :    
-Tual Upaa thlan hun : Ni 15.06.2008
-Upaa thlan hun : Ni 09.01.2011
-Upa atana nemngheh : Ni 09.10.2011
-Nemnghehna hmun : Aizawl Bethel Presbytery Vawi 6-na Chaltlâng Kohhran Biak In.
-Kohhran, Bial leh Presbytery-a a dinhmun chelh tawhte:
1) Kohhran Secretary & Joint Secretary
2) Sunday School Supdt. (Tang lai) & Asst Supdt.
3) Bial Standing Committee Member
4) Presbytery Standing Committee Member

3. BSI lamah :        
BSI, Aizawl Auxiliary -ah :
1) President, Youth Committee
2) Joint Editor, Aizawl Report
3) Auxiliary Resource Person, RMC.
Aizawl North Branch-ah Assistant Secretary a ni tawh thin.

A NATNA LEH A HUN HNUHNUNG :
Upa Bonny Lalrindika hi a phâk tâwka Pathian rawngbawlna kawnga thahnemngai ve tak a ni a. Synod-a a thawh atang hian Synod programme bâkah Kohhran leh KTP programme hrang hrangah te rawngbâwl tura sawmna a dawng ve deuh reng a. Kum 2015 kum chanve hnulam atang khân rawngbâwla a chhuahna atanga a lo haw hian insawiselna neuh neuh a nei deuh fo va, in-check-up turin a duh angin hun thâwl a nei mai lo va. Chutianga hun engemaw chen a hman hnu chuan kum 2016 kum tîr lam atang phei kha chuan a nuamsam lo ta deuh fo va.

Hetianga a awm avang hian ni April 8, 2016 (Friday) tlaiah Synod Hospital, Durtlang-ah thisen test turin Office bânah a kal a, a thisen an test hnuin admit tura tih a ni a. Mahse Ramhlun Vengthar Kohhran Hmeichhia a din tirh atanga hruaitu la damte (a nu nen mi paruk vel) chaw eipui tuma a lo inruahman avangin admit a duh lova, a tûk ni April 9, 2016 (Saturday)-ah inentir pahin thisen result an lam a, admit loh theih lohin Hospital kawtah a pum a na ta vak a, hemi tlaiah hian thisen Cancer a ni tih hriat a ni a, amah pawh a tûk (10.4.2016) Pathianniah hriattîr a ni.

April 14, 2016-ah refer a nih angin Vellore panpui a ni a, hemi tum hian a unaupa, Pu P.C. Lalawmpuia thlîng hmangin Bone marrow transplant tih a ni a, thisen a mamawh belh avangin Bangalore leh Chennai-a zirlaite rawn kalin thisen an rawn pê a ni. Tichuan, thla nga chuang mah Vellore-a a inenkawl hnuin Sept. 22, 2016-ah dam takin a lo haw a ni. Ni 11.11.2016-ah in-check-up turin a kal leh a, a dinhmun a that avangin hlim takin ni 15.11.2016-ah a lo haw leh a ni.

Vellore atanga a rawn haw hnu hian eng emaw chen a hahchawlh hnuin Synod Office-a a hna te a va zawm ve leh a, Chanmari West KTP programme, Missionary Challenge Night -ah leh Ramthar North KTP inkhawmah te chak lo tak chungin thusawia rawngbawlin a kal leh a ni.

Mitliam leh a taksa thak nasa avangin ni 20.12.2016-ah Durtlang Hospital-ah a lut a, Krismas hmang turin ni 24.12.2016- ah Hospital atangin a lo chhuak a, Kohhran-ah inkhawm kaihhruaina leh thusawina hun te pawh a la nei a, a taksa chak lo hret hretin a pum a na ta vak a, Jan. 9, 2017-ah admit leh a ni. Ni 23-ah Hospital atangin a chhuak a, Jan. 24, 2017-ah Vellore panpui leh a ni. Vellore an thlen thlâk hnu hian a taksain hmâ sâwn hlei thei tawh lovin hniam lam a pan zel a, Feb. 15, 2017 hian biak mumal theih a nih tawh loh avangin ICU-ah dah luh a ni a, dinhmun hniam zelin Feb. 19, 2017 zing dar 9:30-ah a rawng a bawl thin Lalpa hnenah min chawlhsan ta a ni.

LAWMTHU  :
Upa Bonny Lalrindika natna chung chângah hian a chhûngten Pathian leh a Kohhranho te, amah hmangaih leh lainata lo buaipuia lo tawngtaisaktu mi mal leh chhûngkua kan ngah êm êm a, kan va lawm tak em. He a rawngbâwltu chak lo tak hi Lalpan a hun hnuhnungah hian Zoram hmun hrang hrangah leh ram pâwn thlengin mite thinlungah ropui takin a chawimawi niin kan hria a, kan lawm êm êm a ni. Hetiang taka ngaihsaka lainattu leh duhsaktu a ngah hi a mak kan ti hial a ni.
A nat chhûnga amah enkawlna zawng zawngah Mizoram Synod-in kawng engkimah bul tumin a tul ang zawng zawng an buaipui a, kan lawm takzet a ni. A inenkawlna hmun hrang hrang- Synod Hospital leh CMC Vellore-a thawktute leh Chaplain-te chungah lawmthu kan sawi a. Vellore, Chennai, Guwahati leh Shillong-a Mizo Welfare-ten a tul ang zawng zawng an lo buaipui avang pawhin kan lâwm takzet a ni.

Ramhlun Vengthar Br. YMA, Kohhran leh khawtlangten a tîr atanga tûn thlenga duhsak tak leh hmangaih taka min buaipuinaah kan lâwm êm êm a ni.

Thlahna Programme
A hun : Ni 21, February, 2017 Dar 11:00 AM.
A hmun : Pi Lalkhawzauhvi In, Ramhlun Vengthar
 
Vuitu : Pastor K.Lalthanliana
 
Thusawi
1) Pi Lalkhawzauhi (A nu)
2) P.C.Lalhmingmawia (A nau)
3) Upa Lalrinmuana, Superintendent, Synod office
 
Hla sak ho : MKHTB No. 111 ‘Isua Hnenah Ka Him Ang’
 
Banna : Malsawmna

 
Vuina Programme
A hun : February 21, 2017, 2:00 p.m.
A hmun : Ramhlun Vengthar Kohhran Biak In
Vuitu : Upa J.H. Ramnghinglova, Moderator, Aizawl Bethel Presbytery
 
Zaiho : Khawvel hi bo mahse (KHB No. 150)
Chanchin sawi : Upa Zakâmlova, Secy., Ramhlun Vengthar Kohhran
Zaipawl : Ramhlun Vengthar Kohhran Zaipawl
Thlamuanna Thuchah : Vuitu
Tawngtai : Upa Vanlalsâwma, Secretary (Sr.), Aizawl Bethel Presbytery
Zaiho : Van hmun ropui (KHB No. 489)
Banna : Malsawmna
 
Thlanmuala Vuitu : Pastor K. Lalthanliana, Bialtu Pastor
 
 
 

 

 

 

 

Share
There are 0 comments to this post
 


 Register
Kids Corner
TELEPHONE DIRECTORY


  Hits:   4817336


Synfo © 2006 : All rights reserved. Mizoram Presbyterian Church Synod : Best @ 1024x768