SYNOD CALENDAR | DOWNLOAD | NOTIFICATIONS | GUEST HOUSE | SYNOD BOOKROOM | ARTICLES/SERMON |COUNSELLING |  PRAYER REQUEST | PICTURE GALLERY |LETTERS


 
Latest News
News Tawi
Comm./Dept./Boards/Profiles
Periodicals
Audio/Visual
Synod Choir
Links
Booklets
FM Radio Hruaina Eng
 
 

 

Kan rama sikul leh college bakah zirna hmun hrang hranga thawktute leh zirlaite tan

Hindi Bible School, Bawngkawn leh Mission Development Training Centre, Bualpui North-a thawktute leh Training mekte tan

Indiarama Theological College hrang hrangte leh Senate of Serampore College (University) tan


 

KOHHRAN HMEICHHE INKHAWMPUI LIAN 2017 (UPDATED)

Zanin (March 10, 2017)  atang khan Presbyterian Kohhran Hmeichhe Inkhawmpui Lian vawi 47-na chu Serchhip Leisekawt Field-ah neih tan a ni a, inkhawmpui hian March 12, 2017 (Pathianni) zan thleng a awh ang. 
 
Inkhawmpui thupuiah ‘I Pathian tawk turin inpeih rawh’ (Amosa 4:12) tih hman a ni a, inkhawmpui Speaker atan Upa C. Ngurthantluanga a ni ang a, Dr. Lalrindiki Ralte, ATC hovin 'Hla Thlankhawmte' tih thupui zirho a ni ang.
 
Vawiin (March 10, 2017) hi Palai thlenkim ni a ni a, zan inkhawmah Palai lawmna & Reports ngaihthlak nan hun hman a ni a, Synod Moderator Rev. Lalzuithanga'n Pathian Thuchah a sawi. 
 
Naktuk (March 11, 2017) hian Serchhip Kawnpui Kohhran Biak Inah Rorel leh Hruaitu thlanna neih a ni ang a, tun tumah hian Central Committee atanga thu lut 2, Bial atanga thu lut 14 leh floor-a kal zel lova inhrilhfiah tur engemaw zat a awm bawk. Rorel hlan hian palai ni lo tan pandal-ah inkhawm a awm ang a, Pi Lalbiakliani, Missionary, Siliguri-in Pathian thuchah a sawi ang. Chawhnu  lamah 'Hla Thlankhawmte' tih thupui zirho a ni ang a, Dr. Lalrindiki Ralte, ATC-in a zirpui ang. 
Inrinni zan atanga Pathianni zan thleng Pathian biak inkhawm neih thin a ni ang a, Pi Rinchawii, Chairman leh Upa C. Ngurthantluanga, Speaker ten Pathian thuchah an sawi ang. Inrinni zan inkhawm banah thu leh hlaa inpawl ho a ni ang a, Pathianni zan inkhawm banah hlaa inpawl ho a ni ang.
 
March 12, 2017 (Pathianni) chawhma inkhawmah Rev. P.C. Pachhunga, Executive Secretary i/c Kohhran Hmeichhia-in Kristian Chhungkaw dinhmun tehnaa ti tha hnenah Trophy & Citation a hlan ang a, zan inkhawmah Synod Moderator Rev. Lalzuithanga'n Hruaitu tharte hlanna hun a hmang ang.
 
Presbyterian Kohhran Hmeichhe Inkhawmpui Lian programme hi Synod Information & Publicity Department (Synfo) ten video-in an cover a, LPS leh ZONET Cable TV-ah Live a pekchhuah tum a ni.
 
KOHHRAN HMEICHHE INCHHIARNA (January - December, 2016) :-
1. Kohhran zat  818
2. Branch Church zat 88
  Total  906
3 Presbyterian hlang chhungkaw zat  1,02,947
4 In awmpawlh chhungkaw zat 4,498
5 Chhungkua zawng zawng zat 1,07,445
6 Nitin chhung inkhawm nei zat 68,937 = 64016%
7 Buhfai thám ziah zat 1,05,733 = 98.41%
8 Hmeichhe member zat 1,72,655
9 Member tam ber Bial Ramhlun North Bial
  Member zat 28,733
10 Member tlem ber Bial Bangalore Bial
  Member zat 38
11 Hmeichhe inkhawm nei thei vek Bial 171 an awm a, Bial 25 atangin inkhawm thei lo Kohhran/Branch Church 88 an awm.
   
  Nitin chhung inkhawm lam :
1 Punna Bial zat 126
2 Tlahniam Bial zat 62
3 Punna In zat 3,356
4 Kiamna In zat 1,059
5 A pum puia punna In zat 2,299
     
  Buhfaitham lam :
1 Punna Bial zat  126
2 Tlahniam Bial zat 32
3 Punna In zat 1,764
4 Kiamna In zat 264
5 A pum puia punna In zat 1,500

Rawngbawltu chawm dan :
1.    Bial hminga châwm
1)    Bial 160 in Missionary/Tirhkoh 521 an chawm a.
2)    Bial 5-in Rahbi Tleu mi 12 an chawm.
3)    Bial 3 in Kross Sipai 4 an chawm.
4)    Bial 74-in Hmangaihna Ina naute 178 an chawm.

2.    Kohhran hrang hrang chawm :
1)    Bial 171 atangin Kohhran hrang hrangte chawm Missionary/Tirhkoh 2,294.5
2)    Bial 3 atangin Kohhranten Kross Sipai 4 an chawm
3)    Bial 20 atanga Kohhranten Rahbi tleu 45 an chawm
4)    Kohhran mal 56-in Hmangaihna Ina naute 215 an chawm.

KRISTIAN CHHUNGKAW DINHMUN TEHNA TITHA 5-TE

S/n Bial hming Koh. zat Chhungkaw zat NItin chhung inkhawm zat Buhfai tham zat Total %
1 Phainuam 4 125 124 125 99.60
2 Dawrpui 4 1190 1178 1190 99.50
3 N.E. Khawdungsei 4 581 570 581 99.05
4 Tuikual 3 1143 1081 1143 97.29
5 Venghnuai 4 1094 1030 1091 96.94


Kohhran Hmeichhe Inkhawmpui Lian 2017 - Report & Agenda

UPDATED ON MARCH 14, 2017 :

Mizoram Presbyterian Kohhran Hmeichhiate chuan March 10 - 12, 2017 chhung khan Serchhip Leisekawt Field-ah Inkhawmpui Lian vawi 47-na an hmang. He Inkhawmpuiah hian Palai 9087 an kal a, inkhawm apiangin mi Pandala leng lo inkhawm an awm thin a ni.

Inkhawmpui thupuiah ‘I Pathian tawk turin inpeih rawh’ (Amosa 4:12) tih hman a ni a, Pathianni chawhma, chawhnu leh zan inkhawmah Upa C.Ngurthantluanga, Speaker hnen atangin thlarau lam thupui “I Pathian tawk turin inpeih rawh (Amosa 4:12)” tih ngaihthlak a ni.

Zirtawpni (March 10, 2017) zanah Palai inlawmna leh Report ngaihthlak a ni a, Synod Moderator Rev. Lalzuithanga’n Pathian thuchah a sawi. March 11, 2017 (Inrinni) nilengin Serchhip Kawnpui Kohhran Biak Inah Rorel leh Hruaitu thar thlanna neih a ni a, mi 732 an kal. Inkhawmpui Lian Rorel  thupawm thenkhatte chu - Faina leh thianghlimna kawngah rampum huapa hma lak leh ei leh in dân thianghlim inzirtir te, Grace Home (HIV/AIDS veite enkawlna hmun) tanpui nan Zoram pum huapa inkhawm vawi khat thawhlawm pek te, Kum 2017 chhungin Synod Hospital Charity Fund atan Presbyterian Kohhran Hmeichhia te vawi khat inkhawm thawhlawm lakkhawm te, Synod Hospital Eye Unit tan Non-Contact Tono Meter (Mitmu pressure sân leh sân loh enna) khawl leina atan ram pum huapin Kohhran Hmeichhe inkhawm vawi khat thawhlawm lakkhawm te, John Williams Hospital, Lunglei tanpui nan ram pum huapin Kohhran Hmeichhe Inkhawm vawi khat thawhlawm pek te, Ram pum huapin ram tana awmni khama tawngtai hun hman ni se, tih te, Sakhaw dang laka inven dan tur inzirtirna ram pum huapin neih thu te, Ram pum huapin chhungkaw sum enkawl dan (Financial Management) inzirtirna neih ni rawh se tih te, Ram pumah tleirawl kum 10-18 inkar, dân leh hrai inzirtir ni rawh se tihte bakah Presbyterian Kohhran Hmeichhia Inkaihhruaina Dan Bu ennawnin siam that ngaite siam that a ni bawk. Kum 2018 Rorel Inkhawmna  hmun tur hi Tuikual Kohhran Biak In ah 9-11 March, 2018 chhunga neih tur niin, Kum 2019 Mizoram Presbyterian Kohhran Hmeichhe Inkhawmpui Lian chu ni 8-10 March, 2019 chhungin Kolasib-ah neih ani ang. Kum 2017 - 2018 Budget atan Rs 33,00,000/- pawm a ni.

Rorel hlan hian palai ni lo tan pandal-ah inkhawm a awm a, chawhmaah Pi Lalbiakliani, Missionary, Siliguri-in Pathian thuchah a sawi a,  chawhnu lamah Dr. Lalrindiki Ralte, ATC hovin 'Hla Thlankhawmte' tih thupui zirho a ni bawk.

Pathianni chawhma inkhawmah “Kristian chhungkua dinhmun tehna a ti tha ber - Phainuam Bial Kohhran Hmeichhiate hnenah Trophy leh Lawmpuina Thuziak (Citation), Rev. P.C. Pachhunga, Executive Secretary i/c Kohhran Hmeichhia-in a hlan. Zan inkhawmah hruaitu tharte Pathian hnenah Synod Moderator Rev. Lalzuithanga’n a hlan bawk.

Kum 2017-2018 hruaitu turte :-
Chairman : Pi K. Lalliantluangi (Chaltlang Bial, Synod ruat)
Vice Chairman : Pi Lalnuntluangi (Electric Veng Bial)
Secretary : Pi H. Lalpianthangi (Bawngkawn Bial, Synod ruat)
Asst. Secretary : Pi Lalmuanzuali (Zemabawk Bial)
Treasurer : Pi Lalrinpuii ( Dawrpui Bial)
Fin. Secretary : Pi Lalbiakhluni ( Ramhlun ‘N’ Bial)

Committee Memberte :
1. Pi Lalsangliani, Airfield Vengthar
2. Pi C. Thanthuami, Armed Veng
3. Pi Zangeni, Bawngkawn
4. Pi Bualchhumi, Bethlehem
5. Pi Lalthanzami, Bungkawn
6. Pi Denghmingliani, Chaltlang
7. Pi Lalngaihzuali, Chanmari
8. Pi Biakchungnungi, Chanmari West
9. Pi Zoluri Sailo, Chawnpui
10. Pi F. Lalsangmawii, Chhinga Veng
11. Pi Liansangi, Dawrpui Vengthar
12. Pi Chuauhmingthangi, Durtlang
13. Pi Zonunsangi, Hlimen
14. Pi Thanghlupuii, ITI Veng
15. Pi Lalpianzami, Khatla
16. Pi Lalnunsiami, Kulikawn
17. Pi Lalhliapi, Leitan
18. Pi Lalthanruali, Luangmual
19. Pi Sangthuami, Lungleng I
20. Pi Zosangliani, Maubawk
21. Pi Lalrinpuii, Mission Veng
22. Pi R. Vanlalruati, Mission Vengthlang
23. Pi R. Lalrampari, Ramhlun
24. Pi Zodingliani, Ramhlun Vengthar
25. Pi C. Lalhmangaihi, Ramthar Veng
26. Pi Lalremruati, Republic Veng
27. Pi Vanlalpari, Sihphir
28. Pi R. Nuzawni, Sihphir Vengthar
29. Pi Lalduhthangi, Tanhril
30. Pi Rothangliani, Tlangnuam
31. Pi Lalsangluaii, Tuikual
32. Pi Lalramthangi, Thuampui
33. Nl. C. Lalrimawii, Vaivakawn
34. Pi Vanlalrovi, Venghlui
35. Pi Vanlalnghaki, Venghnuai
36. Pi Lalbiaksangi, Zonuam

 

 

 

 

 

 

 

Share
There are 0 comments to this post
 


 Register
Kids Corner
TELEPHONE DIRECTORY


  Hits:   4820621


Synfo © 2006 : All rights reserved. Mizoram Presbyterian Church Synod : Best @ 1024x768