SYNOD CALENDAR | DOWNLOAD | NOTIFICATIONS | GUEST HOUSE | SYNOD BOOKROOM | ARTICLES/SERMON |COUNSELLING |  PRAYER REQUEST | PICTURE GALLERY |LETTERS


 
Latest News
News Tawi
Comm./Dept./Boards/Profiles
Periodicals
Audio/Visual
Synod Choir
Links
Booklets
FM Radio Hruaina Eng
 
 

 

Kan rama sikul leh college bakah zirna hmun hrang hranga thawktute leh zirlaite tan

Hindi Bible School, Bawngkawn leh Mission Development Training Centre, Bualpui North-a thawktute leh Training mekte tan

Indiarama Theological College hrang hrangte leh Senate of Serampore College (University) tan


 

ATC VALEDICTORY SERVICE, 2017

Nimin (Apr. 11, 2017) chawhnu dar 2:00 khan Aizawl Theological College chuan an College atanga zir chhuakte thlahna leh Pathian hnena hlanna inkhawm ‘Valedictory Service’ an hmang.

Thlahna inkhawm hi Rev. Prof. Lalhlira, Principal, ATC –in a kaihruai a, Mr. Lalsiamkima’n tanna hun a hmang. Rev. Malsawmzoliana kaihhruaina in lawmthu sawi tawngtaina neih a ni a, ngaihdam dila tawngtaina Prof. Lalnghakthuami kaihhruaina-in neih a ni bawk. Synod Moderator Rev. Lalzuithanga’n zirchhuakte fuihna thuchah a sawi a, Principal Rev. Prof. Lalhlira’n zirchhuakte hlanna hun a hmang. Zirchhuakte thlahna thuchah Rev. Dr. K. Lallawmzuala Lecturer ATC leh Zosangliana Rokhum Student Body President ten an sawi a, zirchhuakte lam atangin H. Lalremruata, BD Final Year leh Lalrinawma, M.Th. Final year ten thu an sawi bawk.

Rev. Lianhmingthanga Sailo, Synod Secretary-in lawmman a hlan a, Rev. Lalzuithanga, Synod Moderator-in Certificate a hlan a, Synod Choir te an zai bawk. Prof. T. Vanlaltlani’n lawmthusawina a nei a, Rev. Lalhmingthanga, Theologoical Education Board member-in malsawmnain inkhawm a tin a ni. Zirlai kal chhuak turte thlah nan tlai lamah zanriah kilho nghal a ni.

ATC Valedictory Service-ah hian zirlai kalchhuak tur mi 52 :   D.Th.- 4, M.Th.- 20, BD -24 leh Diploma in Clinical and Pastoral Counselling (DCPC)- 4 te thlah an ni.

Aizawl Theological College (ATC) hi kum 1907 khan Rev. D.E. Jones (Zosaphluia) hovin Theological School tia din a ni a. Kum 1965-ah Licentiate in Theology zirna College-a hlan kai a ni a. Kum 1971 atangin Bachelor of Theology zirna hawn a ni. Kum 1994 khan Bachelor of Divinity zirnaah hlankai a ni a; kum 2002 khan Master of Theology zirna hawn tan a ni a. Kum 2013 atang khan Doctor of Theology zirna hawn leh a ni a, tunah hian Christian Theology, New Testament leh Missiology zirna pawh kalpui mek a ni a. Kum 2007 khan ATC hi a kum 100-na lawm a ni.
 
ATC-ah hian zirtirtu 30 leh thawktu dang 30 an awm mek a. Mizoram chhung, India ram hmun hrang hrang leh ram pawn atangin BD zirlai - 98, M.Th. - 44, D.Th. - 6 leh DCPC - 4, an vaiin zirlai 152 an awm mek a ni. Heng bakah hian Diploma in Christian Studies, Bachelor of Christian Studies leh Doctor of Ministry zirna a kalpui mek bawk. ATC hi Theological Education Board-in Mizoram Synod aiawhin a enkawl mek a ni.
 
 
 
 
 

 

 

 

 

 

Share
There are 0 comments to this post
 


 Register
Kids Corner
TELEPHONE DIRECTORY


  Hits:   4820669


Synfo © 2006 : All rights reserved. Mizoram Presbyterian Church Synod : Best @ 1024x768