SYNOD CALENDAR | DOWNLOAD | NOTIFICATIONS | GUEST HOUSE | SYNOD BOOKROOM | ARTICLES/SERMON |COUNSELLING |  PRAYER REQUEST | PICTURE GALLERY |LETTERS


 
Latest News
News Tawi
Comm./Dept./Boards/Profiles
Periodicals
Audio/Visual
Synod Choir
Links
Booklets
FM Radio Hruaina Eng
 
 

 

Kan rama sikul leh college bakah zirna hmun hrang hranga thawktute leh zirlaite tan

Hindi Bible School, Bawngkawn leh Mission Development Training Centre, Bualpui North-a thawktute leh Training mekte tan

Indiarama Theological College hrang hrangte leh Senate of Serampore College (University) tan


 

MTC GRADUATION DAY, 2017

Vawiin (April 12, 2017) chawhnu dar 2:00 khan Missionary Training College chuan Pi Zaii Hall, Synod Conference Centre-ah Graduation Day Vawi 5-na an hmang a, B. Miss zirchhuak mi 14 te thlah an ni.

Graduation Service hi Rev. Dr. K. Lalrinkima’n Principal, MTC-in kaihruaiin inlawmna leh inhmelhriattirna hun a hmang a, Rev. Vanlalawmpuia, Lecturer, MTC in tanna hun a hmang a, Rev. Lalrintluanga, Lecturer kaihhruaina–in lawmthusawi tawngtaina neih a ni bawk. Rev. Remlalfaka, Registrar, MTC in zirlai chhuak turte hmelhriattirna a nei a. Synod Moderator Rev. Lalzuithanga’n Graduation day thuchah a sawi a, Rev. Lalramliana Pachuau, Senior Executive Secretary-in certificate a hlan.

Rev. K. Lalrinmawia, Secretary, Synod Mission Board -in zirchhuakte hlanna an nei a, Rev. H. Remthanga, Synod Finance Officer-in tawngtaisakna a nei a, Synod Choir te an zai bawk.

Rev. P.C. Pachhunga Executive Secretary –in lawmman hlanna a nei a, Pi Vanlalthiani, Lecturer MTC leh C. Laldingliana Secretary, Student Body ten thlahna thuchah an sawi a, zirlai kalchhuak tur atangin Michael H. Lalremsanga’n thu a sawi bawk.

Graduation service-ah hian Principal kaihhruaina-in MTC-in Senate of Serampore atanga Full Affiliation an hmuh lawmna hun a hman a ni a, College Magazine chu Rev. Lalzuithanga Synod Moderator-in a release bawk.

Dr. Laldineni, Lecturer, MTC in lawmthusawina hun a hmang a, Rev. Lianhmingthanga Sailo, Synod Secretary Senior-in malsawmnain inkhawm a tin a ni.

Missionary Training College hi 1978 khan Missionary Training Department tiin Aizawl Theological College-ah bul tan a ni a. Kum 1996 atang khan ATC atanga inla hrangin Missionary Training Centre tih a lo ni ta a. Kum 2007 Synod chuan College-a hlankai a rem ti a, Synod thurel angin June 4, 2010 khan Missionary Training College chu a lo piang ta a ni. MTC-ah hian Senate of Serampore College degree Bachelor of Missiology (B.Miss) kum 3 course chu hawn mek a ni a, Senate of Serampore College hnuaiah chuan B.Miss zirna hmasa ber ani. Hei bakah hian Missionary Training chi hrang hrang kalpui mek a ni bawk ani.

Graduaton Day-ah hian B.Miss zirlai ti thate hnenah hetiang hian lawmman hlan a ni:
1. R. Dala Award for Biblical Studies
  1) K. Lalhruaitluangi 65%  
  2) Tingneihoi Kuki 65%  
  3) Grace Laldinsangi 65%  
  4) K. Laldinpuii 65%  
     
2. Rohmingthangi Award for Theology and Mission : K. Laldinpuii 65%  
     
3. Tirhkoh Chhingtei Award for Historical Studies  
  1) K. Lalhruaitluangi 60%  
  2) Grace Laldinsangi 60%  
  3) K. Laldinpuii 60%  
     
4. M. Suaka Award for Religious and Cultural Studies : K. Laldinpuii 65%  
     
5. Tirhkoh Thangzawna Award for Christian Ministry : K. Laldinpuii 70%  
     
6. Lalbiakchhungi Award for Academic Excellence : K. Laldinpuii 65%  
     
7. Robuanga Award for Best Outgoing Student : Tingneihoi Kuki  
     

 

 

Share
There are 0 comments to this post
 


 Register
Kids Corner
TELEPHONE DIRECTORY


  Hits:   4820663


Synfo © 2006 : All rights reserved. Mizoram Presbyterian Church Synod : Best @ 1024x768