SYNOD CALENDAR | DOWNLOAD | NOTIFICATIONS | GUEST HOUSE | SYNOD BOOKROOM | ARTICLES/SERMON |COUNSELLING |  PRAYER REQUEST | PICTURE GALLERY |LETTERS


 
Latest News
Comm./Dept./Boards/Profiles
Periodicals
Audio/Visual
Synod Choir
Media Ministry
Links
Booklets
FM Radio Hruaina Eng
 
 

 

Ram venghimtu sipai chi hrang hrangte tan

Synod Hmangaihna Ina thawktute leh nau hnuchhamte tan

Siliguri Mission Field-a thawktute leh Kohhrante tan


 

NAZARET ISUA NGE MIZORAM ISUA? - Upa P.C. Tlangmawia (L)

Kum zabi ral hial kai ve ta nafam chu Mizoram Kristianna pawhin hma a sawnin a invawrh sang hman ve hle a. A thawm thangva leh thu hlaah ngat phei chuan kan duai lo hlein a lang. Amaherawhchu, a hniak kan zui Nazaret Isua hniak kha kan hloh ta nge a tak man fuh aram kan awm lawi si lo hi a ngaihthat thlak chiah lo zawng a nih hi. Nge, kan hnu chhui hi hre chiang lovin Nazaret Isua ni lo, Isua dang hnu chhuiin kan lo sa pa tal vak vak zawk em ni ang tih pawh hriat thiam a har ta.

     Tirhkoh Paula chu Korinth khuaa mi thenkhatten Pathian ruat pawh ni lova tirhkohva insiam chawp, tirhkoh der niin an sawi a. Ani chuan tirhkoh der a nih leh nih loh tilang chiangtu chu a thuhril dawngtu leh a phun Korinth Kohhran mite ngei chu an nihzia sawiin, “Nangni hi kan lehkha... mi zawng zawng hriat leh chhiar chu in ni e,” a ti a (II Kor. 3:2). Chu pawh duhtawk mai lovin Korinth Kristiante chu khawvel mite hnena Nazaret Isua nunzia tilangtu leh tarchhuaktu, ‘Krista lehkha’ an nihzia pawh a sawi zui nghal bawk a.

     Chutiang bawkin keini Mizo Kristiante pawh hi kan nun hian eng ang Isua nge a tar lan? Nazaret Isua kha nge, Isua dang tih hi chhut tham tak a tling ta. Chutichuan Mizoram Kristiante hian zui tur dik kan zui em tih kan chhui thiam theih nan Nazaret Isua nun leh a ze langsar tlema zawng atangin i han chhui teh ang.

1.   Nazaret Isua chu khawvel leh a ropuina hawisantu a ni : Matthaia 4:9 kan chhiar chuan Nazaret Isua chu Judai thlalerah Setanan khawvel ram zawng zawng leh a hausakna te, a ropuinate chu man tlawmtea lei tura a zawrh 1.      Nazaret Isua chu khawvel leh a ropuina hawisantu a ni : Matthaia 4:9 kan chhiar chuan Nazaret Isua chu Judai thlalerah Setanan khawvel ram zawng zawng leh a hausakna te, a ropuinate chu man tlawmtea lei tura a zawrh thu kan hmu a. Thingtlang tlangval, khawsa thei tak pawh ni bik lo, mahse mi zawng zawng a lama hip tuma beitu tur bawk si tan chuan a îtawm ngawt ang le. Hausakna leh ropuina phei chu a thil tum atan hian a mamawh hmasak ber pawh a ni ngei ang. Mizoram MLA bial khata in-candidate tur ngawt pawhin sum leh pai a hautak em hi. Mahse Nazaret Isua chuan khawvel hausakna leh ropuina hmanga a ram din chu duh lovin a hawisan ta hmiah mai a nih kha.

     Keini Mizo Kristiante erawh chu khawvel ropuina, hausakna leh nawmna thlahlelin kan tlan sung sung a. Mi chan ang chan ve loh hlauvin leh mi chan bak pawh chan tumin kan inpawt peh pheng phung mai zawng a nih hi. Kohhran chhungah ngei pawh ropuina leh mi ngaihsan nih châkna avanga intih thlarau mi der vak te, thahnemngaih der vak te pawh a awm ta niin a lang. Nazaret Isua kha zawng hetiang ti mi a ni si lova, keini hian ropui leh nawmsak te, hausak leh mi ngaihsan nih châk Isua em ni kan zui tak le?

2.   Nazaret Isua chu lu nghahna nei lo Isua a ni : Matthaia 8:19,20 kan en leh chuan lehkhaziaktu pakhat (Lehlin thar chuan Dan zirtirtu a ti nghe nghe) chuan Isua hnenah a kalna apianga zui a duh thu a rawn sawi tih kan hmu leh a. Isua erawh chuan kawng danga chhang ta lo chuan Mihring Fapain lu nghahna reng a neih loh thuin a lo chhang a. A pian dawn zan ngei pawh khan khualbukah a leng ve ta lo a nih kha. Nazaret Isua kha zawngin in leh lo chu sawi loh, mihring society-ah hian hmun a chang ngang lo a ni. Mitthite kaithova damlote a tihdam lai, a lar vanglai takte khan Jerusalem khawpui hmun tha lai, patta sa pawh neih mai theih dan a awm ngei ang. Nimahsela a Pa Pathian rawng a bawlna tura harsatna siamtu leh dipdal thei tur chuan in leh lo neia inbenbel a duh lo.

     Mizo Kristiante erawh chuan in leh lo leh inbenbelna tur ngaihtuah reng rengin kan rilru leh thinlung, kan tha leh zung kan hmang ral a. Mawi leh mawi lo pawh hre chang lovin, Pathian hriatna leh tihna reng nei lovin kan hai buan buan a, mi harsa zawkte chanai ngei pawh kan inlaksak duh hial mai zawng a nih hi. Hetiang reng renga in leh lo leh inbenbelna tur thlahlel, mahni inhaivur duhnaa khat Kristiante hian Nazaret Isua kha chu kan zui lo a ni lo’m ni? Kan zui duh zawk chu lu nghahna in leh lo nei tha leh nei changkang Isua dang a ni mai lo maw?

3.   Nazaret Isua chu mi tak, danglam ngai lo Isua a ni: Johana 14:6-ah chuan amah Isua ngeiin, “Keimah hi kawng leh thutak leh nunna ka ni,” tia a sawi thu kan hmu leh a. Nicea Thurin chuan Isua chu, ‘Pathian tak ata Pathian tak,’ a ti bawk. Nazaret Isua chu Pathiana insiam chawp ni lovin Pathian tak a ni a, mihring tak tak a ni bawk. Mi takzet a nih avangin amahah chuan ‘Ni’ leh ‘Ni lo’ a inpawlh ve lova, dawt leh rinhlelhawm a awm ve hek lo. Tin, Jakoba 1:17b-ah Nazaret Isuaah chuan danglamna leh herna hlim reng reng a awm theih loh thu kan hmu leh a. Lehlin tharah chuan he thu hi, “inher danglamin vanglai leh mang lai a nei lo va,” a ti nghe nghe. Nazaret Isua zawng danglam zung zung leh rilru thlak zung zung a ni lova, niminah nen, vawiinah nen, kumkhua pawhin a pangngai a ni reng dawn (Heb. 13:8).

     Mizo Kristiante erawh zawng Kohhrana rawngbawltu tangkai tak takte pawh lehlama thawh eng tak te, hmanni lawka Kohhran mi rinawm taka lang, tuna zirtirna dik lo leh pawl ni mang lova lo awm leh daih – “Hmanah chuan vai lal nupuiah ka awm, tunah chuan ka pu Sazaa nau ka awi,” ti leh ta mai mai kan tla zut bawk a. Kohhran mi tha âwm tak, belhchian chi lem loh, rawngbawltu fel tak, phakar si te kan ni leh tlat thin. Hetiang ringtu, takna nei lote hian mi tak, Nazaret Isua hi zawng kan zui lo a nih hi.

4.   Nazaret Isua chu ‘Amena’ a ni : Thupuan 3:14-ah Johana hnena inlar Nazaret Isua chuan, “Amena, thu hretu rinawm leh diktaka,” tia a inhriattirna kan hmu leh a. ‘Amen’ tih hi Hebrai tawnga a awmzia leh an hmannaah chuan ânchhe lawh tihngheh nan te, thil ding hlen tura an duh nemngheh nan leh duhthusam nemngheh nan te hmangin, “Ni tak rawh se,” tihna angin an hmang. Amena a nih ang ngeiin a Pa Pathianin a hna tura a tuk, mi sualte kuta 4.   Nazaret Isua chu ‘Amena’ a ni : Thupuan 3:14-ah Johana hnena inlar Nazaret Isua chuan, “Amena, thu hretu rinawm leh diktaka,” tia a inhriattirna kan hmu leh a. ‘Amen’ tih hi Hebrai tawnga a awmzia leh an hmannaah chuan ânchhe lawh tihngheh nan te, thil ding hlen tura an duh nemngheh nan leh duhthusam nemngheh nan te hmangin, “Ni tak rawh se,” tihna angin an hmang. Amena a nih ang ngeiin a Pa Pathianin a hna tura a tuk, mi sualte kuta mantir a nih tur te, vuak leh sawisak hrepa a tawpa mualpho taka tihhlum a nih tur thute chu a Amen thlap a – “Nimahsela keia thu ni lovin nangma thu thu ni zawk rawh se” a ti a (Lk. 22:42), thi khawp hialin a Pa thu chu a Amen tluan chhuak thak mai a ni.

     Mizo Kristiante zingah hian ‘Amen’ tih ri a lar hle mai. Thuhril kan ngaihthlak lai te, tawngtai laite leh Pathian fak hla sak laitein a tam zual. Amaherawhchu, ‘Amen’ tih kan au chhuahpui lai hi Lal Isuan kan tana a hnathawh ropuizia an sawi kan hriat loh lai leh kan chan a lo vâwn deuhna lai, chanvo tha kan channa lai thuah hian a ni deuh zel. Isua tana nung tur, tuar tur, inpe tur leh insengso tur kan nihna te hi kan nun tak tak hian a Amen thei em le?

     Awle, chutiang tak chu Nazaret Isua, a hniak hnung kan zui theihna tura entawn tur min siamsaktu nun a nih si chuan Mizo Kristiante hian Nazaret Isua hnung hi kan la zui zel dawn nge? kan duh-
zawng leh tha ngeihzawng Mizoram Isua hnung kan zui tawh mai dawn? Vawiin hian tu rawng nge kan bawla kan bawl zel dawn tih i inngaihtuah nawn leh thin teh ang u.

Share
There are 0 comments to this post
 


 Register
Kids Corner
TELEPHONE DIRECTORY


  Hits:   2722816


Synfo © 2006 : All rights reserved. Mizoram Presbyterian Church Synod : Best @ 1024x768