SYNOD CALENDAR | DOWNLOAD | NOTIFICATIONS | GUEST HOUSE | SYNOD BOOKROOM | ARTICLES/SERMON |COUNSELLING |  PRAYER REQUEST | PICTURE GALLERY |LETTERS


 
Latest News
Comm./Dept./Boards/Profiles
Periodicals
Audio/Visual
Synod Choir
Media Ministry
Links
Booklets
FM Radio Hruaina Eng
 
 

 

Kan rama Damdawi In hrang hranga damlo leh thawktu – Daktawr te, Nurse te leh thawktu dangte tan

Loneitu, huan neitute leh kut hnathawktu dang zawng zawngte tan

Nepal Mission Field-a thawktute leh Kohhrante tan


 

WALES RAMA PI PUII THLAHNA (THANKSGIVING SERVICE) - by Rev. K.Lallawmzuala

1.

Pi Puii rilru put hmang ropui tak pakhat chu a tih theih sang ber leh tha ber midang tana tih duh mi a ni a, chutianga ti turin mi dangte pawh a beisei thin. A theihna chanve lek ni lovin a pumpuia a hna leh mawhphurhna tinrenga tih tum tlat thin mi a ni.

2.

Kohhran hi chhungkua a ni tih hi Pi Puii khan a ringin a pawm tlat a, chumi rilru pu chuan Kohhrana a mawhphurhna apiang hlen chhuah a tum thin.

3.

Kohhrana inpawlkhawmna (fellowship) hi a ngai pawimawh em em thin. Taksa chak lo taka Biak in a thlen theih tawh loh hnuah Pastor Jones-a hian a va tlawh thin a, chuta Pi Puii’n a lo ngaihven ber thin chu a tel lova Sunday school a kal zel dan a ni. Hei hian Kohhrana inpawlhona leh a rawngbawlna a dah pawimawh zia a tarlang chiang hle awm e.

4.

Prestatyn khuaa thalaite tana rawngbawlna a ngai pawimawh em em thin a, Kohhran hian thalai nun kawng thalo zawhte kaihruai dik turin mawhphurhna lian tak a nei a ni tih hi a ring nghet tlat a, hetiang rawngbawlna atan hian a inhmang nasa hle.

5.

Pi Puii chanchina chhinchhiah tlak tak dang leh chu thu mai ni lova thil tih hmanga Kristian a nihna lan tir thin (practical Christian) a nihna kha a ni. Hei hi Pastor Jones-a pawhin uar takin a sawi lang a. Mirethei leh tanpui ngai zawkte dawmkan leh chhawmdawl nan a theihna leh chakna Wales ramah pawh tar chak lo tak a nih thlengin a hmang zui nasa hle a ni.

A chanchin kan ngaihthlak zawh hian Welsh Presbyterian Kohhran Mission lama General Secretary Rev. Andrew Jones-a’n Pi Puii rawngbawlna leh a nun ropui tak avanga Pathian hnena lawmthusawi  tawngtaina hun a hmang a, a tawngtai zawh hian Welsh tawngin “Diolch I Ti, yr Hollaluah Dduw” (Aw Pathian nang man chanchin tha min pe) tih kha urhsun takin kan sa a, a lunglen thlak hle. Hla kan sak zawh hian Pastor Brian Huw Jones-a’n malsawmnain inkhawm min tin ta a ni. Pi Puii sunnaa lokal khawmte hian Durtlang hospital leh Rehoboth Kohhran, Prestatyn rawngbawlnaa hman tur Pi Puii hmingin thawhlawm thahnem ngai takin an thawh zui a ni.

Inkhawm banah hian Prestatyn Golf club rest house-ah chhun chaw (lunch) buatsaih zui a ni a, Mizo hmun hrang hrang atanga kalkhawmte, kan missionary-te leh an fate leh midang Pi Puii ngainatu hmun hrang hranga atanga lokalte nen inkawmna hun tha tak kan neiho thei a, a vanneih thlak hle. Kan chaw eina hi a hmun hma te a theng thaw nuam bawk a, thihna avanga kalkhawm mah ni ila hun hlimawm tak leh chhinchhiah tlak tak kan hmang a ni.

Pi Puii hian chhungkhat bul hnai a nei tlem tawh hle a. A unaupa fapa hi South wales lamah medical doctor (Surgeon) pension tawh a awm a. A ni hi Pi Puii thih chung changah pawh mawhphurhna laa buaipuitu ber a ni. Tin, cousin pahnih tar tawh tak a nei bawk.

Kan ramin kan mamawh em em laia a thiamna leh a that lai hun kum 23 ngawt mai hmangaihna nena min hlantu Pi Puii hi Mizote tan chuan theihnghilh a har dawn hle a ni. Natna leh kum upat avanga taksa chak lo taka tar dahna in-a a awm hnu hian hun remchang kan neihah chhungkuain kan tlawh zauh zauh thin a. Taksa chaklo tak chung pawhin hmel hlim takin min lo dawngsawng hram hram thin. A taksa chakloh zual hnu kha chuan tlawhtu (visitor) neih loh a thlang zawk a ni tih kan hriatin kan tlawh ta meuh lo a. Sapho an makna tak chu taksa chak lo tak leh an hmel te a hmuh tlak vak tawh loh hnu hi chuan kantu neih loh hi an thlang zawk tlangpui a ni. Mizo mipuite hnena a sawi duh kan zawhin “Mizote chungah ka lawm em em a ni” tih hi a sawi nawn zing hle. Mizo ten hma kan sawn zel leh Chanchin Tha puandarhna kawnga tan kan la zui zel hian a tilawm em em a ni. Keini Mizote tan chauh pawh nilo ama chite tan ngei pawha Krista hming avanga a theihna sang ber a tar thlenga pe thintu Pi Puii thihna avang hian Pathian a inchawimawi nasa hle a ni. “A mi thianghlimte thihna chu LALPA ngaih chuan hlu tak a ni”. An nun ropui tak leh inpekna nasa tak avangin thu nasa tak a la sawi zui zel thin si a.

Share
There are 0 comments to this post
 


 Register
Kids Corner
TELEPHONE DIRECTORY


  Hits:   2781162


Synfo © 2006 : All rights reserved. Mizoram Presbyterian Church Synod : Best @ 1024x768