Synod Multipurpose Training Centre (SMTC) buatsaih Lay Leaders Training vawi 200-na chu SMTC Lecture Hall-ah February 19, 2018 zan khan Rev. P.C. Pachhunga, Executive Secretary in Pathian hnenah hlanin a hawng. Synod Multipurpose Training Centre (SMTC) buatsaih Lay Leaders Training vawi 200-na chu SMTC Lecture Hall-ah February 19, 2018 zan khan Rev. P.C. Pachhunga, Executive Secretary in Pathian hnenah hlanin a hawng. Tun tum training-ah hian Presbytery pariat - Aizawl Chhim, Chhimphei, Dampa, Hmarchhak, Lunglei East, Ramlai, Champhai South leh Champhai North atangin Kohhran Upa 35 an lo tel thei a ni. Training hawnna inkhawm hi Rev. Vansawma, Proramme Director, SMTC in a kaihruai a, inlawmna thu sawiin report a pe nghal a, Nl. Mawitei Ralte in Pathian fakna hla a sa a, Rev,. P.C. Pachhunga Executive Secretary i/c. SMTC in training hawnna leh thuchah a sawi a, Rev. Ralthansanga Ralte, Resource person in malsawmnain inkhawm a tin a ni. Hetiang hunah hian Kohhran Upate tan Kohhran enkawl dan leh inrelbawlna lam atana pawimawh chi hrang hrangte zirna hun tha tak buatsaih a ni thin a, Kohhran thlarau lam nun enkawl dan tha te zir ho thin a ni bawk. SMTC hi kum 1993 Synod-in din tura a rel angin January 12, 1996 khan din a ni a, atira a hming chu Christian Multipurpose Training Centre tih niin kum 2001 Synod khan a hming hi Synod Multipurpose Training Centre tiin a thlak leh a ni. Kohhran Upate tana Lay Leadership Training hi kum 1996 atang khan neih tan niin vawi 199 lai neih a ni tawh a, chu'ngah chuan Kohhran Upa 6413 zetin training hi an nei tawh a ni.