February 21 - 23, 2018 khan Mizoram Presbyterian Kohhran hnuaia Committee sang ber, Synod Executive Committee vawi 272-na chu Synod Office-a JM Lloyd Hall-ah a thu a, thurel thenkhat kan han tarlang ang e. 1) PRESCOM General Manager atan Pu Lalhruaitluanga Ralte, tuna Press Manager ni lai mek chu thlan a ni a, kum hnih (2018-2020) chhung a thawk ang. 2) Central KTP K.T.P Leader leh General Secretary tur ruat thar an ni a, Leader atan Rev. Dr. K. Lallawmzuala, ATC leh General Secretary atan Pu Rochungnunga (Coordinator, Worship Dept.) te ruat thar an ni a, kum hnih (2018-2020) chhung an thawk ang. 3) HIV/AIDS dona kawngah chak zawka hma lak tum a ni a, O.M - in hnathawh dan tur a ngaihtuah zui ang. 4) India rama Kristiante nekchepna leh tihduhdahna hluar ta lutuk avangin hma lak dan tur rel a ni a,O.M - in a bawhzui mek a ni. 5) Naupang nun kaihruai thei tur Cartoon siam chungchang rel a ni a, MSSU kuta dah a ni. 6) Pastor Clerical Shirt rawng atan - rawng chihnih a dum (Black Colour) leh Vut buak rawng (Grey Colour) hman tura rel a ni. 7) Inneih Certificate leh Baptisma Certificate - ah Pa hming bakah Nu hming ziah lan tura rel a ni. 8) Kum 2020 Nilai leh Beihrual thupui ziaktu atan- Rev. Vanlalchhuanga, Tlangnuam ruat a ni. 9) Kohhran Pavalai Pawl Inkaihhruaina thar hman nghal tura siam a ni. 10) Co-ordinator pali siamrem an ni a, chungte chu : 1). Upa. H. Lalhmingmawia Social Front atangin Worship Dept-ah 2). Upa Zonunmawia K.T.P atangin Synfo Dept-ah 3). Pu R. Lalnuntluanga Synfo atangin Social Front-ah 4). Pu Rochungnunga Worship Dept atangin K.T.P-ah