Mizorama Thalai Inkhawmpui lian ber Kristian Thalai Pawl (KTP) General Conference vawi 57-na, West Phaileng Field-a nghah chu March 1, 2018) atang hian tan a ni ta. Conference hian March 4 , 2018 (Pathianni) zan thleng a awh ang.
KTP General Conference vawi 57-naah hian thupuiah ‘Isua chhinchhiahna put’ (Galatia 6:17) tih hman a ni a, speaker atan Rev. Vanlalzuata, Chawlhhmun an hmang ang. March 1, 2018 zan khan Palai lawm inkhawm neih niin Rev. Zothansanga, CKTP Leader chuan inkhawm a kaihruai a, Rev. B. Sangthanga, Executive Secretary i/c KTP chuan kumpuan hawnna leh Kumpuan Film chu Pathian hnenah hlanin a hawng a, kum 2018 -2019 KTP Kum Puan thupui atan hian ‘Khawvel mamawh Isua Krista‘ (Phil. 3:20) tih chu KTP Rorel Inkhawm 2017 khan a lo ni tawh a ni. Upa R. Dengzikpuia, Synod Secretary-in Synod Choir Music Video tlangzarhna leh hlanna a nei bawk. Synod Moderator Rev. F. Lalrinnunga hnen atangin Pathian thuchah ngaihthlak a ni.
Vawiin (March 2, 2018) chawhma dar 10:00 khan Rawngbawlna Report Inkhawm neih a ni a, Tv. Joseph Lalsangzuala, CKTP Committee Member-in inkhawm a kaihruai. General Secretary report, Finance report leh Bial report khaikhawmna ngaihthlak a ni. Chawhnu dar 1:00 atangin Variety Programme neih leh a ni a, Pu F. Lalremruata, CKTP Committee Member-in inkhawm a kaihruai. Upa Zomuana Ralte, CKTP Committee Member hnen atangin thusawi tawi ngaihthlak a ni a, Solo, Recitation, Short Play, Trio, Skit, Male Voice, Band leh Group Zai te ngaihthlak a ni. Zan dar 7-ah Pathian biak inkhawm a awm leh a, Pu Lalchhuanliana, CKTP Committee Member-in inkhawm a kaihruai a, Rev. Lalramliana Pachuau, Senior Executive Secretary hnen atangin Pathian thuchah ngaihthlak a ni. Inkhawm banah Fellowship neih leh a ni a, T.Upa H. Ramnunsanga, CKTP Committee Member-in inkhawm a kaihruai a, T.Upa Lalrinawma, CKTP Committee Member-in ‘Thalaite mawhphurhna - Chhungkuaah’ tih thupui hmangin thuchah tawi a sawi. Solo, Quartet, Worship Dance, Female Voice leh Musical Drama te thlirho a ni.
March 3, 2018 (Inrinni) chawhma dar 10:00-ah Synod Moderator Rev. F. Lalrinnunga kaihhruaiin 2018-2020 CKTP Hruaitu tur thlanna neih a ni ang a, dar 11:00 atangin Chhim Veng Kohhran Biak In-ah Rorel Inkhawm neih a ni ang. Tun tumah hian General Agenda 9 chhawpchhuah a ni a, Agenda floor-a sawiho lova inhrilhfiah tur engemaw zat a awm bawk. Kum 2018-2019 Central KTP Budget ruahmanna leh Bial Budget ruahmanna te pharh a ni bawk ang. Rorel inkhawm hlan hian Pandal-ah Thuzir leh Ramthar hawi programme hman tur a ni a, chawhma (thuzir inkhawmah) hian Upa Dr. Lalnundanga, Chaltlang South hnen atangin ‘Duhthlanna’ tih thupui zirho a ni ang a, chawhnu (Ramthar lam hawi inkhawm) ah Pi Vanlalthawmi, Missionary Training College hnen atangin ‘Chanchin Tha hril tura koh Thalaite’ tih thuchah ngaihthlak a ni ang. Zan Pathian biak inkhawmah Speaker, Rev. Vanlalzuata hnen atangin Pathian thuchah ngaihthlak a ni ang. Zaipawl 5 an zai leh ang. Inkhawm banah Fellowship-ah ‘Fak hla thiltihtheihna’ tih thupui hmangin Pu K. Lalruatpuia, CKTP Committee Member-in thuchah tawi a sawi ang a, Solo, Drama. Duet leh Mime te thlirho a ni ang.
March 4, 2018 (Pathianni) chawhma leh chawhnu inkhawmah Speaker, Rev. Vanlalzuata hnen atangin Pathian thuchah ngaihthlak leh a ni ang a, zan inkhawmah Synod Moderator Rev. F. Lalrinnungan Hruaitu thar hlanna hun a hmang ang a, Rev. Zothansanga, Central KTP Leader kalchhuakin Pathian thuchah a sawi ang. Zan inkhawm ban Fellowship-ah Acapella, Instrumental Music leh Biblical Play thlirho a ni ang. Pathian biak inkhawm apiang hian Zaipawl hrang hrang ten hla an rem thin bawk ang. KTP General Conference video coverage buaipuitu tur Synod Information & Publicity thawktute an kal a, LPS nen tangdunin Cable TV-ah LIVE a pekchhuah thin a ni.
2017 Bial KTP Report Khaikhawmna Bial dinhmun tlangpui :
1. Bial awm zat 201 (Report lut zat 197) * Bial thar te an awmna bial hlui report-ah an tel)
2. Member tamna Bial 3
1) Ramhlun North Bial 2287 (Mipa 1333 & Hmeichhia 954)
2) Mission Veng Bial 2241 (Mipa 1224 & Hmeichhia 1017)
3) Republic Veng Bial 2168 (Mipa 1306 & Hmeichhia 862)
3. Member tlemna Bial 3
1) Buarpui Bial 46
2) Hyderabad Bial 108
3) Damdep Bial 109
4. Branch awm zat 860
5. Member awm zat 147665 (Mipa – 92220; Hmeichhia – 55445)
6. Member tamna Branch 3
1) Mission Veng Branch 1513
2) Ramhlun North Branch 1349
3) Chanmari Branch 1208
7. Member tlemna Branch 3
1) Paren Branch (Kohima Bial) 3
2) Arro Branch (Khawzawl Dinthar Bial) 9
3) Chilui Branch (Rengdil Bial) 11
8. Member thi zat 469 (Mipa – 405; Hmeichhia – 64)
9. Member thi awm miah lohna bial 53
10. Kristian Thalai la tam Bial 3
1) Venghlui Bial 944
2) Republic Veng Bial 858
3) Ramhlun North Bial 819
11. Nupui/pasal nei zawng zawng 3542
1) Biak In-a innei zat 1484
2) Hmun danga innei zat 2058
12. Bial hminga sum thawkchhuak tam Bial 3
1) Mission Veng Bial (Rs.8,,87,035/-)
2) Delhi Bial (Rs.7,35,968/-)
3) Dawrpui Vengthar Bial (Rs.7,02,147/-)
13. Branch sum thawkchhuah tamna Bial 3
1) Dawrpui Branch (Rs.65,56,568/-)
2) Dawrpui Vengthar Branch (Rs.54,19,543/-)
3) Chaltlang Branch (Rs.49,52,607/-)
14. Bial hminga missionary chawm zat 384
15. Branch-in missionary a chawm zat 2705
16. Bial leh Branch Missionary chawm zat belhkhawm 3089
17. Ram puma Thawhtan zan inkhawm zat 33387.90 (22.56%)
18. Member inkhawm thatna Bial 3-te :
1) Guwahati Bial 56.06%
2) Lungsen Bial 55%
3) Kohima Bial 39.61%
Vawiin (March 2, 2018) thlenga palai kal zat chu 13387 an ni a, heng palaite kal nan hian Bus 249, Sumo 284, LPK 2, 407 13, Private Car 47 leh Two Wheeler 439 hman a ni.
.................................................................................................................................
NEWS UPDATE
March 3, 2018 (Inrinni) nilengin West Phaileng Chhimveng Kohhran Biak Inah Rorel Inkhawm neih a ni a, Central KTP Leader Rev. Zothansangan inkhawm a kaihruai a, rorel palai hi chhimtu mi 38 nen an vaiin mi 1042 an ni.
Kum 2022-a KTP General Conference vawi 59-na thleng turin Kolasib thlan a ni a, a hun atan March 3 - 6, 2022 ruat a ni. Youth Recreation Centre (YRC) puala KTP Member tinin sum thawh khawm leh remtih a ni a, tuna kan hman mek ang hian Aizawl khawpui chhung - Rs.50/-, District Capital - Rs. 30/- leh a dang zawng - Rs.20/- theuh thawh leh nise tih a ni.
Youth Recreation Centre (YRC) pual vek hian rampum huapin KTP inkhawm vawikhat thawhlawm lakkhawm nise tih a ni. Youth Recreation Centre (YRC) Project kalpui mek hi tun aia zangkhai leh chhawr hma a nih theih nan tihdanglam ni rawh se tih a ni.
Hospital Charity Fund pualin KTP inkhawm tum khat thawhlawm lakkhawm ni rawh se tih a ni a, rampum huapin KTP inkhawm vawi khat thawhlawm chu chhawmdawlna pualin lakkhawm remtih a ni bawk.
Kum 2018 chhungin MLA General Election pual, sual thupha chaw, ruihhlo ngaite leh member hlate pualin rampum huapa tawngtai rual nise tih a ni.
Ruihhlo leh a kaihhnawih chungchanga rawtna hrang hrang lo lutte chu Central KTP hmalak mekna a nih angin Central KTP in a tul angin hma lo la chhunzawm se tih a ni.
Kum 2018-2019 chhunga KTP kumpuan thupui atan Zuangtui Bial atanga lut ‘Kristian Nun Takna’ (Sam 51:6) chu pawm a ni.
Synod Moderator Rev. F. Lalrinnunga kaihhruaiin kum 2018-2020 chhunga hruaitu tur mi 20 thlan an ni a, an chanvo tur pawh hetiang hian siamfel a ni.
Kum 2018-2020 CKTP hruaitu turte :
Leader - Rev. Dr. K. Lallawmzuala (Synod ruat)
Asst. Leader - Upa Rosangliana, Electric Veng Bial
General Secretary - Pu Rochungnunga (Synod ruat)
Asst. Secretary - T.Upa Ricky Lalrammawia Ngente, Bawngkawn Bethel Bial
Treasurer - Dr. Lalrotluanga, Zonuam Bial
Finance Secretary - Pu Lalmuanawma, Kulikawn Bial
Committee Members :
1. Pu Lalruatfela, Bawngkawn Bial
2. T.Upa Lalsiammawia Pachuau, Bethlehem Venglai Bial
3. Pu David Lalhmachhuana, Chaltlang Bial
4. Pu K. Lalengzama, Chanmari Bial
5. Pu P.C. Lalrinsanga, Dawrpui Bial
6. Pu R. Lalbiakmawia, Dawrpui Vengthar Bial
7. Upa K. Lalnuntluanga, Hlimen Bial
8. T.Upa Lalrinmawia Ralte, Khatla Bial
9. Pu Lalrinchhana Ralte, Mission Veng Bial
10. Pu Malsawmtluanga, Mission Vengthlang Bial
11. Tv. K. Lalchhanhima, Ramhlun North Bial
12. Pu Rorelkima, Ramhlun Bial
13. Tv. Robert Lalduhzuala, Ramthar Veng Bial
14. Tv. C. Malsawmtluanga, Republic Veng Bial
15. Tv. Benjamin Lalnunpuia, Vaivakawn Bial
16. Dr. David C. Vanlalfakawma, Zemabawk Bial
Tun dinhmunah KTP-ah hian Bial 205 awmin Branch 860 a awm a, Member mipa 92220 leh hmeichhia 55445 nen member zawng zawng hi 147665 an ni. Kumin KTP General Conference-ah hian palai riak lut 21456 leh lehlanga kal 4527 an awm a, mikhual thleng tam berin mi 130 chuang a thleng a ni.