March 12-17, 2018 chhung khan Chhim Working Committee buatsaih-in Vaseikai khua, Damdep Pastor Bial, Lawngtlai District-ah Gospel Week cum Inter Village Football Tournament cum Chakma Cultural Show neih a ni a. Chhun lamah Football Tournament neih niin zan lamah Mission Vengthlang Branch KTP te nen Gospel Concert leh Cultural Show neih thin a ni. Chakma unaute ring lo mi tam tak te hnenah Pathian thu hrilh a ni a. Chakma Gospel Team, Tlabung te, Bru Chakma Gospel Team, Chawngte te leh Lunglei Masihi Sangati Gospel Team ten Gospel Track semin a tul dan angin counselling class te an neihpui a ni. Mission Vengthlang KTP ten concert neiin skit hmangin Lal Isua chanchin puan darh a ni a. Vaseikai leh a chhehvel khuaa ringlo mi sang chuangin he hun hi zantin an rawn chhim thin a ni. Tin Football tournament-ah hian khaw hrang hrang atangin Team 17 zet an lo tel thei a, Longpuighat Team chuan champion trophy leh pawisa fai Rs.30,000/- an la a. Finalist Vaseikai 'A' team chuan Rs.15,000/- leh trophy dawngin quarter finalist team 4 ten Rs.5000 theuh an dawng bawk a ni.March 12-17, 2018 chhung khan Chhim Working Committee buatsaih-in Vaseikai khua, Damdep Pastor Bial, Lawngtlai District-ah Gospel Week cum Inter Village Football Tournament cum Chakma Cultural Show neih a ni a. Chhun lamah Football Tournament neih niin zan lamah Mission Vengthlang Branch KTP te nen Gospel Concert leh Cultural Show neih thin a ni. Chakma unaute ring lo mi tam tak te hnenah Pathian thu hrilh a ni a. Chakma Gospel Team, Tlabung te, Bru Chakma Gospel Team, Chawngte te leh Lunglei Masihi Sangati Gospel Team ten Gospel Track semin a tul dan angin counselling class te an neihpui a ni. Mission Vengthlang KTP ten concert neiin skit hmangin Lal Isua chanchin puan darh a ni a. Vaseikai leh a chhehvel khuaa ringlo mi sang chuangin he hun hi zantin an rawn chhim thin a ni. Tin Football tournament-ah hian khaw hrang hrang atangin Team 17 zet an lo tel thei a, Longpuighat Team chuan champion trophy leh pawisa fai Rs.30,000/- an la a. Finalist Vaseikai 'A' team chuan Rs.15,000/- leh trophy dawngin quarter finalist team 4 ten Rs.5000 theuh an dawng bawk a ni. He Programme in a tum ber chu ringlo-te hnena Chanchintha puan darh a ni a. Mi sang chuang zetin Lal Isua chanchin tha takin an dawngsawng thei a. Gospel Week hman chhung hian Ringthar 15 lai an awm a ni. Zan lama Concert programme kar lakah Pathian thuchah puang chhuah thin a ni a, Chakma Gospel team, Tlabung te, Bru/Chakma Gospel Team, Chawngte leh Masihi Sangati Gospel Team, Lunglei leh Home Mission South huam chhunga Evangelist hrang hrangten beihpui an thlak a. Evangelist teacher te leh Synod Office, Lunglei staff te bakah Missionary nupui/pasal tam takin fatu hna thawkin an tang tlang bawk ani. Rev. R.C Lalnghakliana, Administrative Secretary, Chhim Bial bakah Chhim Working Committee member ten he hun hi an hmanpui a, tin he hunah hian John Williams Hospital, Lunglei atangin Medical Officer leh staff ten Sport neih chhung zawngin a thlawna inentirna hun hawngin mipui tam takin an pan a, damlo za chuang an en bakah emergency case leh nau chhar te pawh an nei a ni.