Vawiin (March 27, 2018) khan Pi Zaii Hall, Synod Conference Centre-ah District pali : Mamit, Serchhip, Lunglei leh Saiha huam chhunga Presbyterian English School (PES) zirtirtu-te tan Teachers’ Training hun hman a ni a, Resource Person pathum : Pu Lalvena Hnamte, Principal, Synod HSS, Upa Lalthianghlima, Controller of Examination (Rtd.) MBSE leh Upa Zochungnunga, Director of Higher and Technical Dept.(Rtd.) ten kalkhawmte zirtirna an pe a, sawiho-na hun tha tak an nei bawk.
He training hi hun li(4) ah then niin 1st Session ah Resource Person Pu Lalvena Hnamte, Principal,Synod HSS paper ziah “ Effective Teaching : A multi-method Project” tih zirho a ni a, 2nd Session ah Resource Person Upa Lalthianghlima, Controller of Examination (Rtd), MBSE paper ziah “ Scheme of Examination & Question Design” tih zirho ani leh a, 3rd Session ah Resource Person Upa Zochungnunga, Director (Rtd), Higher & Technical paper ziah “Co-Operation between Principal, Teaching and Non-Teaching staff, Students and Parents” tih zirho leh a ni. 4th Session chu General Discussion hun atan hman a ni. Tunah hian Presbyterian English School hi 136 a awm mek a, tun financial year chhung hian hetiang zirtirtu training hi vawi 6 an neih-na niin, tun tumah hian School 33 atangin zirtirtu 299 an lo kal thei a ni. Rev.B.Sangthanga, Exe.Secy. Mizoram Synod, chu Programme Director a ni a, Pu PC Vanlalhruaia, Supervisor of School, PES, Synod Office chu Secretery niin Upa Dr.H.Lalthanzara, Member,PES Sub-Committee chuan Hunserh a hmang thung a ni.