Chhim Bial Working Committee buatsaih, Presbyterian Kohhran kalphung zirna Administrative Training chu Zawlpui bial-a Kohhran Hruaitute tan March 23, 2018 khan Zawlpui-ah neih a ni.
Training-ah hian Bial chhung kohhran hrang hrang Belthei, Putlungasih, Kauchhuah, Zawlpui, Zawlpui S leh N bakah Bolia atangin mi 155 lokal-in Chhim Working Comt chairman Rev.R.C.Lalnghakliana A/S leh Rev C.Lalduhawma Chhim Working committee member leh Pu Lalhmingmawia Assistant Area Promoter, Synod Office, Lunglei te an kal a. Chawhma ah Presbyterian Kohhran kalphung Rev.C.Lalnghakliana”n a zirtir a, Chawhnu lamah Rev C.Lalduhawma”n Kohhran Comt. Peng hrang hrang mawhphurhna leh rawngbawlna tih chu a zirtir bawk. Pu Lalhmingmawia”n Chanchintha puangdarh tura koh kan nih thu te leh Kohhrana ngheh a tulzia a sawi bawk. Zan lamah Bial huap inkhawmah Rev R.C. Lalnghakliana”n Pathian leh Kohhran tana Rinawmna thupuia hmangin thuchah nung tak a sawi bawk. Kohhran hoten zawngchhang thlak an tiin training neih hi a hlawhtling hle a ni.