April 18, 2018 (Nilaini) khan Missionary Training College (MTC) Mission Vengthlang chuan a vawi 6-na atan Graduation Day, Pi Zaii Hall, Synod Conference Centre-ah an hmang a. B. Miss zir zo mi 13 te thlah an ni.
Programme hi chawhnu dar 2:00-ah tanin Rev. Vanlalrova Khiangte, Principal MTC in a kaihruai a, Pi Esther M.S. Pautu, Faculty Member-in tanna hun a hmang a, Nl. H. Vanlalruati'n lawmthusawi tawngtaina a hmang. Rev. Remlalfaka, MTC Registrar-in Graduate-te hmelhriattirna a nei a, Rev. F. Lalrinnunga, Synod Moderator-in Graduation Day thuchah a sawi. Rev. Lalramliana Pachuau, Senior Executive Secretary-in zirchhuakte hnenah Certificate a hlan a ni. Synod Mission Board Secretary, Rev. K. Lalrinmawia'n Graduate tharte Pathian hnena hlanna hun a hman hnuin Rev. Lalchhuanmawia, MTC Governing Board member-in tawngtaisakna hun a hmang. He hunah hian Synod Mission Choir vawi 2 an zai bawk a, Upa R. Dengzikpuia, Synod Secretary-in zirlai tithate hnenah lawmman a hlan a, MTC Faculty aiawhin Pi Vanlalthawm-in thlahna thuchah tawi a sawi bawk. MTC Student Body Secretary Lalhmangaihsanga leh zirlai kal chhuakte aiawhin Laltharliana-te hnen atangin thusawi ngaihthlak a ni bawk.
Synod Moderator-in MTC Magazine a tlangzarh a, Rev. Lalduhawma Ralte-in lawmthu sawina hun hmangin Rev. Dr. Vanlalauva'n malsawmnain a khar a ni. Graduaton Day-ah hian B.Miss zirlai tithate lawmman hlan a ni a. Chungte chu:
1) R. Dala Award for Biblical Studies - Vanlalmalsawmtluanga
2) Rohmingthangi Award for Theology and Mission - Lalrintluangi Renthlei
3) Tirhkoh Chhingtei Award for Historical Studies -
a) Asfonse Laltanpuia Biate
b) J. Vanlalringngheta
c) Lalrintluangi Renthlei
d) R. Vanlalduhsaki
4) M. Suaka Award for Religious and Cultural Studies - Vanlalmalsawmtluanga
5) Tirhkoh Thangzawna Award for Christian Ministry - J. Vanlalrinngheta
6) Rev. Dr. Lalsawma Award for Language Studies- Ronick Rengnela Durpui
7) Lalbiakchhungi Award for Academic Excellence - J. Vanlalrinngheta
8) Robuanga Award for Best Outgoing Student - Ronick Rengnela Durpui
Missionary Training College hi kum 1978 khan Missionary Training Department tiin Aizawl Theological College-ah bul tan a ni a. Kum 1996 atang khan ATC Durtlanga sawn chhoh a nih hnuin SMTC nen a kal kawp leh a chumi hnuah chuan SMTC atangin lak hran a niin Missionary Training Centre tih a lo ni ta a. Kum 2007 Synod chuan College-a hlankai a remti a, Synod thurel angin June 4, 2010 khan Missionary Training College chu a lo piang ta a ni. MTC-ah hian Senate of Serampore College Degree Bachelor of Missiology (B.Miss) kum 3 course chu hawn mek a ni a, Senate of Serampore College hnuaiah chuan B.Miss zirna hmasa ber leh a awm chhun a ni. MTC-ah hian B. Miss bakah missionary training chi hrang hrang kalpui mek a ni bawk.