April 20, 2018 (Zirtawpni) khan Aizawl Theological College chuan Valedictory Service an hmang a, hemi hunah hian kum 2017-18 Session a zirchhuakte thlahna hun an hmang a ni.
Thlahna inkhawm hi Rev. Dr. C. Lalhlira, Principal, ATC -in a kaihruai a, Rev. V.L Krosschhuanmawia’n tanna hun a hmang a. Rev. Lalchawiliana Varte kaihhruaina in lawmthusawi tawngtaina neih a ni a, ngaihdam dila tawngtaina Rev. Lalchawimawia kaihhruaina-in neih a ni bawk. Synod Moderator Rev. F. Lalrinnunga’n zirchhuakte fuihna thuchah a sawi a, Principal Rev. Prof. Lalhlira’n zirchhuakte hlanna hun a hmang. Zirchhuakte thlahna thuchah Prof. T. Vanlaltlani Lecturer ATC leh C. Lalbiaknunga Student Body President ten an sawi a, zirchhuakte lam atangin P.C. Lalthansanga, BD Final Year leh K. Lalbuatsaiha, M.Th. Final year ten thu an sawi bawk. Upa R. Dengzikpuia, Synod Secretary -in lawmman a hlan a, Rev. F. Lalrinnunga, Synod Moderator-in Certificate a hlan a, Leitan Pastor Bial Zaipawl te an zai bawk. Rev. Dr. H. Vanlalruatan lawmthusawina a nei a, Rev. K.C. Vanlalduha, Theologoical Education Board member-in malsawmnain inkhawm a tin a ni.