May 20, 2018 (Pathianni) hi Pentikos Ni a ni. Pentikos tih awmzia hi ‘Sawmngana’ tihna a ni. Thuthlung Hlui-ah chuan Kalhlen Kut tiak ni atanga ni sawmnganaah an hmang thin.
Thuthlung Thar hunah erawh chuan Isua Thawhleh tuk (Easter) atanga ni 50-naah hman a ni ta a ni. Presbyterian Kohhran chuan Pentikos Ni hi Assembly puala tawngtai rual hun atan a hmang thin.
Kumin Pentikos Ni-a Inkhawm dan tur hetiang hian ruahman a ni:
Chawhma Inkhawm :
Thupui : Thlarau Thianghlima khah Chhiar tûr : Tirh 2 : 1 - 4
Chawhnu Inkhawm :
Thupui : Kan hnena awm reng Thlarau Thianghlim Chhiar tûr : Jn 14 : 15 - 17
Zan Inkhawm :
Thupui : Zirtirtu - Thlarau Thianghlim Chhiar tûr : Jn 14 : 23 - 26
Zan Inkhawmah hian PCI General Assembly puala thawhlawm khawn a ni ang a, Bial Treasurer kaltlangin Synod Office-ah theh luh tur a ni. PCI General Assembly Headquarters:Shillong atangin tawngtaina thupui tur duan a ni a, tawngtaina thupui turte a hnuaiah hian tarlan a ni.
PCI puala Tawngtai thupui turte:
1. Tun thlenga rawngbawlna kawng hrang hrangah hmasawn zel theia Presbyterian Church of India min hruai avanga Pathian hnena lawmthu sawina.
2. PCI General Assembly Office a thawktu zawng zawngte leh a bik takin Administrative Secretary pathumte leh an chhungkaw tan, chungte chu: Rev. V.L.Luaia Hranleh (Sr. Administrative Secretary), Mizoram Synod Rev. G.S Lyttan (Administrative Secretary), KJP Synod Mihngi Rev. Rolianthanga Lalsim (Administrative Secretary), Biateram Synod
3. PCI General Assembly hnuaia Mission rawngbawlna hrang hrang heng: - Dimasa zinga rawngbawlna (PCI General Assembly project bik), Halflong te - Synod te nena thawhhona Mission Centre hmun hrang hrang : Byrwai (KJP Synod Mihngi), Marngar & Amjong (Ri Bhoi Synod), Sekmai (Manipur Synod), Mangjing (Zou Synod), Mokoiram (Biateram Synod) leh Moreh (MPS Synod) a thawktute tan.
4. PCI General Assembly hnuaia Synod puitling 10 leh Provisional Synod 1 awm mekte, inpumkhatna leh thawhhona tha tak neia hma kan sawn tlan zel theih nan.