Nimin (May 23, 2018) khan Synod Conference Centre-ah Presbyterian English School hnuaia HSLC result tha lawmna neih a ni.
Programme hi Pu Lalvena Hnamte, Synod Education Board Secretary-in a kaihruai a, Upa Lalthianghlima, Member PES Sub-Committee-in hunserh hmangin Pu P.C Vanlalhruaia, Supervisor of Schools-in report a pe a ni. Rev. B. Sangthanga, Executive Secretary-in thu sawiin lawmman a sem nghal bawk a ni. Upa Zochungnunga, member PES Sub-committee-in kalkhawmte chungah lawmthu a sawi bawk. Zirlai tithate hnenah hetiang hian lawmpuina thilpek hlan a ni. Distinction-a pass-te hnenah Rs. 10,000/- (Singkhat) leh Citation hlan an ni a, PES zirlai zinga HSLC result-a Top 3 te tan Special Award pek an ni a. Tin, Mizoram pumpuia HSLC Result-a Top 10-a tel Khawzawl Vengthar PES zirlai J.K Malsawmzeli chu Rs. 5,000/-(Sangnga) pek a ni bawk. Heng bakah hian School titha 3-te hnenah lawmman tha tawk tak pek an ni a. Consolation Prize School 7 hnenah Rs. 7,000/-(Sang sarih) theuh pek an ni bawk.
Tun dinhmunah Presbyterian English School (PES) hnuaiah hian School 136 an awm mek a, chung zinga school 24 chuan HSLC candidate an nei a ni. Exam beitu zawng zawng hi zirlai 549 an ni a, zirlai 516 in an pass a. Distinction-ah 56, First Div.-ah 205, Second Div.-ah 178, Third Div.-ah 77, an vaiin zirlai 516 an pass a, Pass Percentage hi 93.99 a ni. Khawzawl Vengthar PES zirlai J.K. Malsawmzeli d/o J. Lalrotluanga chu Mizoram Top Ten-ah lang phain Pakuana a ni a, Mark 460 (92%) hmuin subject zawng zawngah Letter a hmu a ni.