Synod Multipurpose Training Centre buatsaih Lay Leaders Training vawi 202-na kharna inkhawm chu May 24, 2018 zan khan neih a ni.
May 21, 2018 Thawhtanni zan khan Training hawnna inkhawmah Rev Vansawma, Programme Director, SMTC in hawna leh thuchah a sawi. Tun tumah hian Presbytery 7- Aizawl West I, Chhawrpial, Chhimchhak, Chhimtuipui, Khawthlang, Tuipuiral leh Tuivai Presbytery atangin Kohhran Upa 31 an tel thei a, Rev Lalhluma Sailo, Rev C Chawngliana leh Rev Vanlalzuata ten training hi an neihpui a ni.
Training kharna inkhawmah hian Rev P.C. Pachhunga, Executive Secretary, Mizoram Synod-in thuchah sawiin training chhuak te Certificate a hlan a ni.
Synod Multipurpose Training Centre-ah hian Lay Leaders Training hi kum 1996 atangin neih tan a ni a, SMTC hmunah hian tum 166 leh hmun dangah tum 35 training neih tawh ah Kohhran Upa 6481 training an awm tawh a ni. Kohhran Upa training neih thinah hian Kohhran kaihhruaina leh chawmna chi hrang hrang zir thin a ni a, Kohhran Upa leh Kohhranhote tan malsawmna ropui tak a ni.