May 25, 2018 khan Synod Lay Workers Fellowship Annual General Meeting vawi 44–na chu Synod Higher Secondary School, Mission Vengthlang-ah neih a ni.
Lay Day programme hi hun hniha hman a ni a, hun khatna hi Upa H.S Lalhlimpuia, Vice Chairman, SLWF in a kaihruai a, Pi Lalrinthangi Hnamte, Synod Office-in tanna hun a hmang a, report pahnih – Secretary, SLWF leh Treasurer, SLWF hnen atangin ngaihthlak a ni. Rev. Vanlalbela, Bawngkawn-in thuchah a sawi a. Synod Higher Secondary School atangin zaipawl ngaihthlak a ni a, Upa Lalrinmuana, Chairman, SLWF-in Inkaihhruaina Bu a tlangzarh a, Pu H. Vanlalthlana, Masihi Sangati Kendra-in ngaihhruina thilpek mi 10 hnenah a hlan a ni. Hun hnihna hi Upa Lalthakhuma, PRESCOM-in a kaihruai a, variety programme hmangin hun hlimawm tak an hmang a, tlaiah ruai an theh nghal a ni.