May 30 (Nilaini) zing kar khan Youth Recreation Centre hmun laih mek chu Dr. C. Sawmliana, Principal Scientist, Rock Excavator Engineer (Mizoten Sawm-Lunghâla tia kan hriat lar) leh Dr. Laldinpuia, Geologist, Pachhunga University College hoin CKTP hruaituten an enho. YRC hmun laih mek hi a lung a chan deuh tawh avangin excavator pangngaiin a laih theih tawh loh a, lunghâlna hman a ngai tawh dawnin a lang a. A bul velah chenna in eng emaw zat a awm tawh avangin lunghâlna hi hman chi a nih leh nih loh te, lung hi hal darh ni ta se nghawng a neih theih dan tur leh a hlauhawm tur leh tur lohte enho a ni.
YRC hmun tlawhnaah hian CKTP atangin YRC Sub Committee member te bakah General Secretary, T. Upa Rochungnunga te an kal. Dr. Laldinpuia, Geologist hian a lung chan dan leh lunghâlna hman ni ta se leilung a nghawng dan te a zirchiang nghal a. Dr. C. Lalsawmliana hian data te lakhawmin a thawhna, Dhanbad, Jharkhand-ah a keng thla ang a, chuta tang chuan ruahmanna a siam leh dawn a ni.