June 19, 2018 zan khan Synod Multipurpose Training Centre, Mission Vengthlangah Lay Leaders’ Training vawi 203-na hawnna hun hman a ni.
He training-ah hian Presbytery 3- Aizawl East, Aizawl Central leh Tuichangral South Presbytery atangin Kohhran Upa 29 an training a. Rev. Lalhluma Sailo, Rev. C. Chawngliana leh Rev. Vanlalzuata ten training an neihpui a ni. Training hawnna inkhawmah Rev. P.C Pachhunga, Executive Secretary-in hawnna leh thuchah a sawi a, Nl. Lianzampuii hnen atangin fakna hla ngaihthlak a ni.
Training kharna hi June 23, 2018 zan hian neih tur a ni a, Rev. Lalramliana Pachuau, Senior Executive Secretary-in Certificate semin thuchah a sawi ang a, Nl. Ruthi CVL Muanpuii hnen a\angin fakna hla ngaihthlak a ni ang. Kohhran Upa training tawh zawng zawng hi 6512 an ni a, training-ah hian kohhran kaihhruaina leh chawmna chi hrang hrang zir thin a ni.