June 22-24, 2018 chhung khan Bawngkawn Biak in-ah Synod Revival Meet vawi 7-na tluang taka neih a ni. Meet thupui atan hian ‘Sim rawh u’ (Matt. 4:17) tih hman a ni.
June 22, 2018 (Zirtawpni) zanah Vantlang Pathian Biak Inkhawm (Inlawmna) neih a ni a, Upa R. Dengzikpuia, Synod Secretary (Sr.) in inkhawm a kaihruai a, Rev. Lalramliana Pachuau, Sr. Executive Secretary in Pathian thuchah a sawi. June 23, 2018 (Inrinni) chawhmaah Vantlang Pathian Biak Inkhawm a awm leh a, Upa J.H. Ramnghinglova, Comm. member-in inkhawm hruaiin T.Upa C. Lalthantluanga (Saltang Chhuahtu) hnen atangin Pathian thuchah ngaihthlak a ni a. Chawhnu dar 1:30 inkhawm chu Upa K. Lalengliana, Comm. Member in hruaiin, thusawitu T.Upa Zarzoliana (Siamthar lehna) a ni. Zan dar 7:00 inkhawm chu Rev R. Lalchangliana, Comm. Member in hruaiin, Rev. K. Rolungmuana’n Pathian thuchah a sawi.
June 24, 2018 (Pathianni) chawhma dar 10:00 inkhawm chu Rev. Lalsangbera, Comm. Member in hruaiin Rev. Vanlalbela, Bawngkawn hnen atangin Pathian thuchah ngaihthlak leh a ni a. Chawhnu dar 1:30 inkhawm hruaitu Rev. Zothansanga, Comm. Member niin thusawitu Upa H. Zoliana, Comm. member a ni. Zan dar 7:00-ah inkhawmah hruaitu Pastor John Raldosanga, Bialtu Pastor a ni a, Synod Modertor Rev. F.Lalrinnunga hnen atangin Pathina thuchah ngaihthlak a ni.
Inkhawm apiang hian zaipawl pathum an zai thin a, inkhawm banah Lengkhawm neih thin a ni bawk. Tun tum Revival Meet-ah hian Revival Team Speaker 70 te an kal kim thei a, team member 596 an kal bawk. Riak lut 219 an awm a, lang a kal 379 an awm. Vaiphei (Manipur Synod) atangin mi 11 an lo tel bawk.
Kumin Revival meet hi a vawi 7-na chiah a ni a, Synod Revival Meet neih kum leh neih tawhnate leh thupui hrang hrang te hetiang a ni :
2012 Mission Veng : Maichama mei a nung reng tur a ni (Lev. 6:13)
2013 Tuikual : Harhna dik (Sam 80:18)
2014 Electric Veng : Lal Isua zui (Lk 9:23)
2015 Zarkawt : Rinawmna (Thupuan 2:10)
2016 Bungkawn : Thlamuanna ( Jn 14:27)
2017 Ramthar Veng : Min tiharh leh dawn lawm ni (Sam 87 : 5)
2018 Bawngkawn : Sim rawh u (Mat 4:17)