Synod Information & Publicity Department (Synfo) chuan Synfo Praise On 2018 a buatsaih leh dawn a, Kristian Thalai Pawl (KTP) Branch emaw Bial emaw aiawh tur Beat Group intihsiakna tur a ni ang.
August 2, 2018 (Ningani) khan Synfo Praise On 2018 Organising Committee chu Chairman Upa Zonunmawia, Synfo Coordinator kaihhruaiin Synod Utility Room-ah an thukhawm a, Praise On 2018 kalpui dan turte relin Organising Committee member an ruat belh a, Programme Committee an din nghal bawk. Praise On 2018 hi Kristian Thalai Pawl Bial/Branch behchhanin Beat Group Intihsiakna anga kalpui tur a ni a. A kalphung tur hetiang hian an duang -
a) TEL DAN TUR :
1) Kristian Thalai Pawl (KTP) Branch emaw Bial emaw aiawh tur Beat Group 2 aia tam lo an tel thei ang.
2) Beat Group pakhat-ah member 6 aia tam lo an awm thei ang.
3) A tel turte chu KTP Member, Kohhran dan chhunga awm, rawngbawlnaa hman chhunzawm theih tur ni se.
b) ROUND AWM DAN TUR : 1) Round 3 a awm dawn a, Round 1-ah hian Group tinin minute 10 aia rei lo hun an nei ang a; hei hian instruments siam rem chhung leh an zai zawh hun thleng a huam ang.
c) INSTRUMENTS 1) Tingtang (Guitars), Keyboard leh Drums te chhawp sa a ni dawn a. Guitar leh Keyboard hi mahni ta hmang duh tan a hman theih bawk ang.
d) A hun leh hmun :
1) Hming pek luh hun hnuhnung : September 7, 2018 thleng.
2) First Round : September 18-21, 2018 (Chhun lam)
Second Round : October 16-19, 2018
Final Round : November 6-9, 2018
e) A hmun : First Round hi Synfo Studio-a neih tura ruahman a ni a. A bak hi chu la ngaihtuah leh tura dah a ni.
Synfo Praise On 2018 Intihsiakna kalphung tur hriattirna hi Kristian Thalai Pawl Bial leh Branch hrang hrangah thawn chhuah mek a ni.