Vawiin (Aug. 17, 2018) khan Vanapa Hall-ah Mizoram People Forum (MPF) Annual General Meeting vawi 12-na neih a ni.
Annual General Meeting hi hun hniha hman a ni a, hun khatna hi Rev. B. Sangthanga, Synod Executive Secretary, incharge Synod Social Front-in a kaihruai a, Music Video hlanna hun hman a ni a, report hrang hrang Annual report, Finance report te ngaihthlak a ni a, 2019 – 2020 Budget pharh nghal a ni a. Bishop Stephen Rotluanga hnen atangin “Inthlanna zalen, Thianghlim leh Tha” tih thupui ngaihthlak a ni a, zaithiam hrang hrang hnen atangin fakna hla ngaihthlak a ni. Hun hnihna hi chawhnu dar 1:30-ah tan leh a ni a, MPF Vice President Pu Vanlalruata’n a kaihruai a, Constituency Forum hrang hrang atangin report tawi ngaihthlak a ni a, Rev. Dr. R. Lalbiakmawia, General Secretary hnen atangin “Hmalak zel dan tur” tih thupui ngaihthlakho a ni a, zaithiam hrang hrangte hnen atangin fakna ngaihthlak leh niin MPF Vice President Upa R.K. Thanga’n lawmthu a sawi a ni.