Vawiin (Aug. 23, 2018) chawhnu dar 1 khan Presbyterian Bible School (PBS) chuan Batch 43-na te chuan Synod Conference Centre-ah Farewell & Dedication programme an hmang. Programme hi Synod Moderator Rev. F. Lalrinnunga’n kaihruaiin hunserh a hmang a, thuchah sawiin PBS zir chhuakte chu tawngtaiin Pathian hnenah a hlan a ni. Rev. P.B. Lalmalsawma’n inlawmna leh inhmelhriattirna hun hmangin PBS Principal Rev. Lalneihvura’n reports a pe a. Synod Secretary Upa R. Dengzikpuia’n zir chhuakte hnenah certificates a hlan a ni. PBS Comt. member Rev. R. Lalengmawia’n Exam-a ti thate leh class kal thate hnenah lawmman a hlan a, Upa C.B. Thanghluta’n tawngtaisakna hun a hmang a, Senior Executive Secretary Rev. Lalramliana Pachuau leh zirlai aiawhin thu tawi an sawi a, Pu C. Awithanga chhung ten C. Awithanga Award an hlan a. Pu C. Awithanga Award hi kum 2014 atang khan subject 3 - Christian Theology, Church Administration leh PCI Constitution-a marks hmu sang berte hnenah pawisa fai Rs.1,000/- theuh hlan thin a ni. Rev. H. Lalrinmawia’n zirtirtute aiawhin lawmthu a sawi a, inkhawm hruaitu Moderator-in malsawmnain inkhawm a tin a ni. PBS batch 43-naah hian zirlai 52 an nei a, 1st. division-ah 40, 2nd. Div-ah 5, 3rd. div-ah 1 an passed a, simple pass 1 a awm a, exam lo 3 an awm a ni. Class kal kim lawmman la zirlai 15 an awm a. Exam-a ti tha ber pathumte chu:- Pakhatna - Angela Rosangkimi d/o Zohmingthanga, Bethlehem Kohhran, Aizawl Pahnihna - Lalsangzeli d/o Lalvulluaia, Mamit Dinthar Kohhran Pathumna - Lalrambeiseia s/o Rozuala, Sailulak Kohhran te an ni a. Pu C. Awithanga Award dawngtute chu- 1) Christian Theology subject-ah Lalrambeiseia s/o Rozuala, Sailulak (95%) 2) Church Administration & PCI Constitution subject-ah R. Lalhmangaiha s/o Upa Lalrinsanga, Melriat te an ni. (95%)