Kumin (2018) hi Beihrual kum 100 (Centenary) tlinna a ni a. Kum 2016 Synod Inkhawmpuiin a hriatrengna siamin, hlâwk zâwka hman dân ngaihtuah rawh se, tih chu tha tiin Synod Executive Committee bawhzui turin a dah a, Synod Executive Committee chuan Beihrual kum 100-na hriatrengna hlâwk zâwka hman dân tûr ruahmanna siam tûrin OM a ruat leh a. OM 9:39 of 30.5.2017 (App. 6) chuan ruahmanna siamin kumin (2018) Nilai leh Beihrual Thupui bu phêk 161-ah târ lan a ni a; lo inbuatsaih duh tân en theih a ni. Tin, Beihrual tan zân September 1, 2018 zâna chhiar chhuah tûr 'Beihrual chanchin' pawh Kohhran tinah April 5, 2018 khan thawnchhuah tawh a ni a, hmu lo palh tan a hnuaiah hian dah a ni e. Beihrual Chanchin Click Here Note : Beihrual Chanchin-ah hian First Paragraph-a Pu Zosapthara lo thlen hun hi hetiang hian ziah zawk tur a ni "December 31, 1898-ah Pu Zosapthara (Rev. Edwin Rowlands) a lo thleng bawk a."