August 28 – 31 chhung khan Synod Conference Centre-ah Synod Worship Committee chuan a duh apiang tan Residential Choir Conductors’ Training vawi 23-na a buatsaih a, mi 32 an tel thei a ni. Training chhung hian chhun leh zanah class neih thin a ni a, Synod Music School instructor 5 ten subject hrang hrang - Technical, Conducting, Vocal, Chord, Harmonization leh Khuangvuak chungchang te training an pe a ni.
Aug. ni 31 tlaiah training kharna inkhawm neih a ni a, kharna inkhawm hi Upa Zothanmawia, Worship BEC Member in a kaihruai a, Upa H. Lalhmingmawia, Worship Dept. Coordinator-in report a pe a, Rev. B.Sangthanga, Executive Secretary-in certificate semin thuchah a sawi a, Trainee-te aiawh atangin thu sawi ngaihthlak a ni a. Nl. Lalremsiami (Nunui) hnen atangin fakna hla mawi tak ngaihthlak a ni bawk.