Synod Information & Publicity (Synfo) Reality Show buatsaih mek Praise On 2018 – Beat Group intihsiakna kal mekah Round 2 intihsiaka tel thei chin group 32 thlan chhuah an ni tawh a. A kalpui zel dan tur ruahmanna relin September 24 (Thawhtanni) khan Praise On Programme Committee an thukhawm a, September 25 (Thawhlehni)-ah Reality Show 2018 Thawh 2-na Fakzai buatsaih turin Programme Committee leh CKTP Fakzai Sub Committee te an thukhawm leh bawk. Praise On Organising Committee chuan intihsiakna ni lo, Fakzai programme bik chu CKTP kuta dah a remti a. Hemi chungchang bawhzui hian September 26 (Nilai) zan inkhawm banah Praise On Organising Committee puipa thenkhat leh CKTP hruaitute an thukhawm leh bawk a ni. Praise On 2018 Round 2 hi Mission Veng Kohhran Hall-ah October 16, 17 & 18 zana neih tura ruahmanna siam a ni a. October 16 (Thawhleh) zan dar 6:45-ah tanin CKTP General Secretary T.Upa Rochungnungan hunserh a hmang ang a, band 13 an intihsiak ang a, October 17 (Nilai) zan inkhawm ban dar 8:45-ah tan lehin Synod Executive Secretary Rev. P.C. Pachhungan hunserh a hman zawhah band 6 an intihsiak ang a, October 18 (Ningani) zan dar 6:45-ah tanin Synfo Committee member Upa F. Lalfakzualan hunserh a hmang ang a, band 13 te an intihsiak leh dawn a ni. Round 2 intihsiaka tlingte hi an zai hma ni chhun lamah Mission Veng Kohhran Hall-ah enlawkna (rehearsal) nei vek tura ruahmanna siam a ni a. Round 2 Intihsiakna results hi October 20 (Inrinni) zan dar 9:00-ah Synfo studio atangin Hruaina Eng channel-ah tihchhuah tura ruahman a ni bawk. Round 2 intihsiaknaa tling band 10 (top ten) thlanchhuahte chu November 6 -8 chhungin an intihsiak leh ang a, Results puan leh lawmman sem chu November 9 zana neih tura ruahman a ni bawk. Praise On 2018 Round 2 Intihsiakna neih dan tur hetiang a ni :
| DAY 1 : October 16, 2018 (Thawhlehni) | |
| 6:45 - 7:00PM | Hunserh - T.Upa Rochungnunga, General Secretary, CKTP |
| Host | |
| 7:00 - 7:52PM | 1st Segment (Band 4) |
| Republic Veng | |
| Tuikual (Radio Light) | |
| Bawngkawn Group - 2 | |
| Electric Vengthlang | |
| 7:52 - 8:02PM | Short Break (10 mins) |
| 8:02 - 8:54PM | 2nd Segment (Band 4) |
| Ramthar North | |
| Ramhlun Venglai Band - 1 | |
| ITI | |
| Chanmari West Hmarveng | |
| 8:54 - 9:09PM | Long Break (15 mins) |
| 9:09 - 10:14M | 3rd Segment (Band 5) |
| Durtlang | |
| Chaltlang Band- 1 | |
| Tuikhuahtlang | |
| Bungkawn | |
| Ramhlun North - Blue | |
| DAY 2 : October 17, 2018 (Nilaini) | |
| 8:45 - 9:00PM | Hunserh - Rev. P.C. Pachhunga, Synod Executive Secretary |
| Host | |
| 9:00 - 9:39PM | 1st Segment (Band 3) |
| Khatla East | |
| Dawrpui | |
| Aizawl Branch, Venghlui | |
| 9:39 - 9:49PM | Break (10 mins) |
| 9:49 - 10:28PM | 2nd Segment (Band 3) |
| Dawrpui Vengthar Band - 2 | |
| Venghlui | |
| Mission Veng | |
| DAY 3 : October 18, 2018 (Ningani) | |
| 6:45 - 7:00PM | Hunserh - Upa F. Lalfakzuala, Synfo Comt. Member |
| Host | |
| 7:00 - 7:52PM | 1st Segment (Band 4) |
| Chanmari West Group 2 | |
| Kanan Veng | |
| Leitan South | |
| Falkland | |
| 7:52 - 8:02PM | Short Break (10 mins) |
| 8:02 - 8:54PM | 2nd Segment (Band 4) |
| Tuikual (Armour of Faith) | |
| Model Veng | |
| Ramhlun North - White | |
| Saikhamakawn | |
| 8:54 - 9:09PM | Break (15 mins) |
| 9:09 - 10:14PM | 3rd Segment (Band 5) |
| Chaltlang South | |
| Tuikual North | |
| Champhai Vengsang | |
| Ramhlun | |
| Bawngkawn Group - 1 | |
ROUND 2-A HRIAT TUR TE : 1. Band 1 tan Minute 13 zel hun pek a ni a, Stage-a inbuatsaihna leh an zai hun chhung atan Minute 8, Judge Comment-na atan Minute 5 ruahman a ni. 2. Intihsiak turte hi an zai hun Segment tan hma darkar 1-ah reception-ah in-report a, thlen kim vek tur a ni ang. Chutih rual chuan Round 2, a Ni 2-na zan hi Kohhran Inkhawm zawh lama intihsiak neih a nih dawn avangin hemi zana Intihsiakna nei turte chu an zai hun segment tan hma Darkar Chanve-ah in-report a, thlen kim vek tur a ni ang. 3. Round 2 intihsiakna turah hian Rehearsal neih vek ni se, Rehearsal hi Show neih tur ni chawhma dar 10:00-ah tanin, Band tin ten Sound check-na hun Darkar chanve zel an nei ang. Rehearsal hi Thlengtu Kohhran hriatpuinain Programme Secretary leh Sound min buaipuitu Wave Records & Sound ten felfai takin an lo kalpui ang. 4. Branch tin ten tawiawmtu mi 30 aia tam lo an nei thei ang. 5. Band tinin, an zai dawn hunah Back Stage-ah mi 3 chin an hruai lut thei bawk ang. 6. Segment khat chhung zelah entu mipuite luh leh chhuah phal a ni lo ang. 7. Band member inthlak theih a ni lo va; Looper, Vocal Processor leh Backing Track te hman phal a ni lo ang. 8. Round 2 Result hi 20th Oct, 2018 (Inrinni) zan dar 9:00-ah Hruaina Eng Channel atanga tihchhuah a ni ang.