October 6 - 14, 2018 chhung hian Synod Conference Centre-ah Church of South India (CSI) Pastor 17 te chuan Refreshers Course beiin Mizoram Synod dinhmun te an zir chiang a, Kohhran hrang hrang an tlawh bawk.
CSI Pastor rualte hi October 5-ah Aizawl lo thlengin a zanah Synod Conference Centre-ah Synod puipate nen zanriah kilhovin inkawmhona an nei nghal a. October 7 (Pathianni) khan Group hnihah inthenin Mission Veng, Mission Vengthlang, Khatla leh Republic Veng Kohhrante an tlawh a. An cham chhung hian Aizawl Theological College, Synod Hospital, Rescue Home, Hmangaihna In, Grace Home, Synod Press, Synod Multipurpose Training Centre, Missionary Training College leh TNT Home te an tlawh a, October 11 (Ningani) khan Synod Office zing inkhawm an hmanpui bawk.
October 13 (Inrinni) hian Aizawl khaw chhunga Presbytery Inkhawmpui hmun hrang hrangah an chhim ang a, Ocotber 14 (Pathianni) hian Aizawl Bethel Presbytery, Laipuitlang Kohhrana neih leh Aizawl Central Presbytery, Saron Veng Kohhrana neih an chhim ang a, zanah Mission Veng Kohhran Biak Inah an inkhawm ang.
