Mizoram Synod hnuaia Inkhawmpui lian ber dawttu Presbytery Inkhawmpui chu October 11 - 14, 2018 chhung hian Presbytery hrang hrangah neih mek a ni a. Presbytery thenkhat chu October 12, 2018 atanga tan an awm bawk.
October 11, 2018-ah Nomination Committee te, Finance Committee te leh Sub - Pastoral Committee te an thu a, Kohhran Upa thlan tharte Exam buatsaih a ni bawk a, zan inkhawmah Palai lawmna leh Pastor Bial Report ngaihthlak a ni.
October 12 & 13, 2018 (Zirtawpni leh Inrinni) hian Rorel Inkhawm neih a ni ang a, zan lamah Pathian biak Inkhawm neih a ni ang a, thlarau lam thupui sermon ngaihthlak a ni. October 14 (Pathianni) chawhmaah Upa Nemngheh Inkhawm, chawhnuah Lalpa Zanriah Sakramen leh Upa thite sunna inkhawm a awm ang a, zanah Presbytery Moderator kalchhuak ten Valedictory Sermon an sawi ang.
Presbytery Inkhawmpuia Synod Puipate kal dan chu hetiang hi a ni:
Rev. F. Lalrinnunga, Moderator - Kolasib Presbytery
Upa R. Dengzikpuia, Synod Secretary (Sr.) – Chhimtawp Presbytery
Rev. R. Vanlalnghaka, Synod Secretary (Jr.) – Chhawrpial Presbytery
Rev. Lalramliana Pachuau, Sr. Executive Secretary – Aizawl Bethel Presbytery
Rev. P.C. Pachhunga, Executive Secretary – Hmarphei Presbytery
Rev. B. Sangthanga, Executive Secretary – Lunglei East Presbytery
Rev. H. Remthanga, Finance Officer – Khawthlangtuipui Presbytery-ah leh
Rev. R. Lalnuntluanga, Statistician – Aizawl West-II Presbytery-ah te a ni.
Presbytery Inkhawmpui 2018 neihna hmun, Moderator leh Thlarau lam thupui