October 16 - 18, 2018 chhung khan Synfo buatsaih Praise On 2018 Round 2-na chu Mission Veng Kohhran Hall-ah tluang taka neih a ni a.
Intihsiakna zan khatna hi zan dar 7-ah tan niin Central KTP General Secretary T.Upa Rochungnunga’n hunserh a hmang a, intihsiakna neih zui nghal a ni. A zan khatnaah hian Band 13 an intihsiak a ni. A zan hnihna hi Kohhran Inkhawm zan anih avangin zan dar 8: 45-ah tan a ni a, Synod Executive Secretary Rev. P.C. Pachhunga’n hunserh a hman zawhah band 6 an intihsiak leh a, a zan thumna hi zan dar 6:45-ah tanin Synfo Committee member Upa F. Lalfakzuala’n hunserh a hmang a, band 13 te an intihsiak leh a ni.
Second round Result hi zanin (Oct. 20, 2018) dar 9:00 khan Hruaina Eng channel atangin puan a ni a. Round 2 intihsiaka tlingte chu hengte hi an ni :
Chaltlang Band 1
Chaltlang South
Chanmari West Hmarveng
Dawrpui
Dawrpui Vengthar Band 2
Electric Vengthlang
Khatla East
Leitan South
Ramhlun North (White)
Republic Veng
Round 2 intihsiaknaa tling band 10 (top ten) thlanchhuahte hi November 6-8, 2018 chhungin an intihsiak leh ang a, Results puan leh lawmman sem chu November 9, 2018 (Zirtawpni) zana neih tura ruahman a ni.
