Synod Multipurpose Training Centre (SMTC) buatsaih Lay Leaders’ Training vawi 205-na chu nizan (Oct. 23, 2018) khan SMTC Lecture Hall-ah hawnna inkhawm neih a ni. Training hawnna inkhawmah hi Rev. Vansawma, Programme Director-in kaihruaiin report a pe a, Synod Moderator Rev. F. Lalrinnunga’n training hawnna leh thuchah a sawi a, Nl. Mawitei Ralte a zai a, Rev. Lalhluma Sailo, Resource Person-in malsawmnain inkhawm a tin a ni. Training-ah hian Presbytery 7 - Aizawl Bethel, Champhai South, Tuichangral North, Tuivawlral, Sakawrhmuituai, Ramlai leh Lunglei West Presbytery atangin Kohhran Upa 36 an tel thei a, Rev. Lalhluma Sailo, Rev. C. Chawngliana leh Rev. Vanlalzuata ten training hi an neihpui ang. SMTC hnuaiah hian Kohhran Upa training tawh zawng zawng chu 6566 an ni a, Kohhran Upa training-ah hian Kohhran kaihhruaina leh chawmna chi hrang hrang zir thin a ni.