Aizawl DC Dr. A. Muthamma, SSA Aizawl District leh Pratham Science Foundation, Mumbai hmalakna ‘RAHBI’ Pilot Project kal zelah vawiin (Oct. 26, 2018) khan Science zirna lam tih hmasawnna tur atan P. C. Girls’ School chuan a vawi khatna atan zirlaite tan Science Exhibiton and Handicraft Exhibition an buatsaiha, Rev. B. Sangthanga Executive Secretary i/c Education-in a hawng. He hmalaknain a tum ber chu hmanraw changkang leh tha pawh hmang chuang lova naupangte rilrua science nihna hriattira tuh a ni a. Enchhinna leh a taka zirna kal kawppuina hmangin Pratham/RAHBI hian heng a hnuaia mi te hi ti tur hian naupangte a fuih ta zel a ni. 1. Mahni ngeia enchhinna buatsaiha, model hrang hrang siama, an hriatthiamna atanga hrilhfiah 2. Bungrua leh hmanraw hrang hrang hman dan thiam 3. Kan chhehvel zir thiamna nena dai dan He hun hi zirlai naupang te bakah zirlai nu leh paten an hlut hle a, zirlai kal chhuakte leh sawkar hotu lam atang pawhin chhimtu an thahnem tak an awm a ni.