Bolivia atangin Mizoram Synod rawn zir chiang turin mi 5 an lo kal a, Mizoram Synod-in a lo mikhual a ni. Bolivia atanga lo kalte hi Synod Mission Board Missionary Pu Albert Kawldingliana leh Dr. Lalsangpuii te nupain Bolivia-a an thawhpui thinte an ni a. India rama Kristiante dinhmun rawn thlithlai tur leh Mizoram Synod, a bik takin Kohhran Hmeichhiate Buhfaitham rawn zir chiang tura lo kal an ni ber a, Synod Conference Centre-ah an thleng a, Kohhran inkhawm hrang hrangah an tel bakah Synod Office zing inkhawmah te an tel bawk a. Mizorama Kristiante atangin zir tur tam tak hmuin an inhria a, Mizoram an rawn tlawh hi hlawk an inti hle a ni. Bolivia atanga rawn kalte hi - Rev. Dr. Luis Romay leh a nupui Mrs. Elizabeth Romay (Bolivian) Rev. James Wolheter leh a nupui Mrs. Jennifer Wolheter (American) Rev. Adrian Lovel (Australian) te an ni.