KTP General Conference vawi 57-naa lo rel tawh angin, CKTP chuan HIV/AIDS leh ruihhlo leh a kaihhnawih dona kawnga hma a lakna kal zelah November 16, 2018 (Zirtawpni) zan hian Vanapa Hall, Aizawlah HIV/AIDS leh ruihhlo leh a kaihhnawih chungchang inzirtirna hun, Awareness 2018 an buatsaih dawn. Awareness 2018-ah hian zaithiamte an zai ang a, mithiamten thu an sawi ang. Zaithiam zai turah zingah hian Andrew Laltlankima, Kolasib, Lalduhsaki, Durtlang; Ruth CVL Muanpuii, Dawrpui Vengthar; Zorinsanga Sailo, Ramhlun North; R. Lalrinmawii, Leitan; Cindy Lalthanpuii Pachuau, Tlangnuam Dam Veng Branch te bakah Awareness 2018 pual hian live band pahnih din a ni a, heng band-te hi an zai bawk ang. Ramthar Bial ten Faklam an entir ang a, Tuikual Bial-in skit, Chawnpui Bialin Shadow play leh Bungkawn Bial ten Projection Dance an ti bawk ang. Awareness 2018 pual hian Luangmual Bialin video clip an siam chu enho a ni ang. Awareness 2018-ah hian CKTP Leader, Rev. Dr. K. Lallawmzuala te, Dr. RL Sanghluna, Upa Dr. C. Lalhrekima, Synod Executive Secretary i/c KTP Rev. B. Sangthanga leh C. Lalchhuanzuali ten HIV/AIDS leh ruihhlo leh a kaihhnawih chungchang an sawi dawn a ni.