Synod Inkhawmpui atana Synod Department hrang hrangte inruahman lawkna Committee chu October 22 thawhtanni atang khan neih chho zel a ni a, November ni 13 – 15, 2018 chhung khan Synod Executive Committee (SEC) vawi 275-na chu J.M Lloyd Hall, Synod Office-ah an thu a, SEC meeting hi Synod Moderator Rev. F. Lalrinnunga’n a kaihruai a, Secretary report Upa R. Dengzikpuia’n report a pe a. Report-ah chuan Kohhran inpumkhatna leh thawh hona Seminar thawh hnihna neih a nih thu te, Kohhran hming ziah dan chungchang te, CSI Pastor-te Refreshers Course neia an lo kal chungchang te, OM leh PCI Manipur Area Study Team te nena inkawm chungchang te, leh R.C leh R.L pek zatte ngaihthlak a ni. Tun tum SEC-ah hian thurel tur 86 lai chhawp chhuah a ni a, chung zinga a langsar zual deuhte chu - MSSU inkaihhruaina enthat rawtna te, HIV/AIDS dona kawnga hma lak dan tur ruahmanna chungchang te, Christian College din chungchang te, Synod Pandal structure chungchang te, Tripura Area-a rawngbawl chungchang te leh thil dang hrang hrangte an ni. November ni 19 – 21 chhung hian Finance Committee an thu ang a. November ni 23 leh 24 ah SEC Budget Session an thu leh ang. Tun tum SEC-ah hian Kum 2019-2021 Executive Secretaries tur mi 3 thlang turin mi 15 hming chhawp chhuah an ni a. Chung zinga Synod Executive Committee (SEC) Members mi 130 chuangten secret ballot hmanga an thlan zinga vote hmu hnem ber ber 3-te chu tlinga puan an ni a. An pathum zinga kum lama upa ber chu Senior Executive Secretary a ni ang a, a dang pahnih chu Executive Secretaries an ni ang. Thlan tlinte chu hengte hi an ni: 1. Rev. Lianhmingthanga Sailo (Senior ES) 2. Rev. B.Sangthanga (E.S) 3. Rev. K.Lalrinmawia (E.S) Synod Inkhawmpuiah palaiten an pawmpui hunah kum thum term atana Executive Secretaries atana tihfel an ni ang a. 2019 January thlaa Synod Office hawn ni-ah an hna thar hi an chelh an ang. Synod Mission Board Secretary atan Rev. C. Zorammawia thlan a ni. Inthlan result thenkhat te : Headmistress. PC Girls- Pi Zaithanchhungi(Thlan nawn) Superintendent(Synod Office)- Sevice Board in zirchian leh ruahmanna siam a, lo thlang nghal mai tur in. ATC Principal -Rev.Dr Vanlalnghaka Ralte. Editor, SL&PB - Rev.Dr.C Chawnghmingliana. Mission Board Secretary - Rev.C.Zorammawia, Manipur AS. Synod Aiawh Nomination member 2019- Rev.Lalramliana Pachuau Upa Vanengmawia Rev.Lalzuithanga. Administrative Secretary thlan thar pathum te chu- 1.Chhim- Rev. John Raldosanga 2.Manipur-Rev.R.Lalhmingsanga 3.Barak-Rev.Rualthankhuma