November 16, 2018 (Zirtawpni) zan khan Central KTP leh Synfo tangkawpin HIV/AIDS leh ruihhlo chungchang inzirtirna “Awareness 2018” chu Vanapa Hall-ah neih a ni.
Awareness 2018 hi KTP General Conference vawi 57-naa lo rel tawh HIV/AIDS leh ruihhlo leh a kaihhnawih dona kawnga hma a lakna kal zelah Awareness 2018 hi buatsaih a ni.
Awareness 2018-ah hian zaithiam hrang hrang Andrew Laltlankima, Kolasib, Lalduhsaki, Durtlang; Ruth CVL Muanpuii, Dawrpui Vengthar; Zorinsanga Sailo, Ramhlun North; R. Lalrinmawii, Leitan; Cindy Lalthanpuii Pachuau, Tlangnuam; Dam Veng Branch te an zai a, anni bakah Awareness 2018 pual hian Live Band pahnih din a ni a, heng Band-te hi an zai bawk a ni.
Ramthar Bial ten Faklam an entir a, Tuikual Bial-in Skit, Chawnpui Bialin Shadow play leh Bungkawn Bial ten Projection Dance te an entir bawk a ni. Awareness 2018 pual hian Luangmual Bialin video clip an siam chu enho a ni bawk.
Central KTP Leader, Rev. Dr. K. Lallawmzuala te, Dr. R.L. Sanghluna, Upa Dr. C. Lalhrekima, Synod Executive Secretary i/c KTP Rev. B. Sangthanga leh C. Lalchhuanzuali te hnen atangin thuchah tawi HIV/AIDS leh ruihhlo leh a kaihhnawih chungchangte ngaihthlak a ni bawk.
For more Pics Click Here