Vawiin (Nov. 30, 2018) hi Kohhran Hmeichhe Ni a ni a, Presbyterian Kohhran Hmeichhiate chuan hemi pual hian Bial/Kohhranah tha an tih angin programme an hmang a, Kohhran thenkhat chuan ruai nen an lawm a ni. Kumin Kohhran Hmeichhe Ni-ah hian thupui inang tlang Dr. T. Vanlaltlani, ATC ziah "Zirtirtu |ha - Nu te" tih chu an zir a ni. Kohhran Hmeichhe Ni hi Kohhran Hmeichhe Inkhawmpui Lian-in Kohhran Hmeichhe Ni bik neih a rel a, Synod Executive Committee (SEC) in November Zirtawpni hnuhnung ber hi Kohhran Hmeichhe Ni atan hman ni se, tia a relsak angin kum 1997 atang khan hman tan a ni a. Synod Calendar-ah pawh Synod Ni pawimawh zingah dah tel a ni bawk. Kumin hi vawi 22 an hmanna a ni.