Synod Inkhawmpui vawi 95-na chu Dec. 4 - 9, 2018 chhung khan Electric Veng Bialin thlengin, Electric Veng Kohhran Biak Inah neih a ni, Dec. 5 - 8, 2018 chhungin Rorel a ni a, zan lamah Pathian Biak inkhawm neih thin a ni. Dec. 9, 2018 (Pathianni) Chawhmaah Pastor 24 nemngheh niin Pro Pastor 16 dahngheh an ni a, chawhnu lnkhawmah Synod Moderator Rev. R. Lalhmingthanga'n Lalpa Zanriah Sacrament a theh a, Minister chatuan ram pante sunna hun z n a ni. Zan Pathian Biak Inkhawmah Moderator valedictory sermon ngaihthlak a ni bawk. Kumin Synod Inkhawmpui Thlarau lam thupui 'I ram lo thleng rawh se' tih chu Rev. Dr. Vanlalnghaka Ralte, ATC hnen atangin ngaihthlak a ni. Kumin 2018 Synod Inkhawmpuia Synod Puipa te chu : Moderator : Rev. R. Lalhmingthanga Secretaries : Upa R. Dengzikpuia (Sr.) & Rev. R. Vanlalnghaka (Jr.) Finance Officers : Rev. P.C. Pachhunga & Rev. H. Remthanga Statistician : Rev. R. Lalnuntluanga Executive Secretaries : Rev. Lalramliana Pachuau & Rev. B. Sangthanga Synod Inkhawmpui hi kum 2010 atang khan Bial-in an thleng tan a, Nikum 2017 khan Bungkawn Bialin Bungkawn Kohhranah an thleng a, kumin 2018 hian Electric Veng Bialin Electric Kohhranah an thleng a, nakkum 2019-ah Mission Veng Bialin Mission Veng Kohhranah an thleng ang. Rorel inkhawm tan ni Dec. 5, 2018-ah Moderator kal chhuak Rev. F. Lalrinnunga'n Moderator thar, Rev. R. Lalhmingthanga hnenah Moderator mawhphurhna a hlan a, rorel tan nghal a ni. Kumin hian Nomination Committee thu 9, Pastoral 16 leh General Agenda 53 ngaihtuah a ni. Synod Rorel inkhawm hi Inrinni thlenga neih a ni a, Synod Inkhawmpuiah hian palai riak lut 892 leh lâng mi 1186 an awm a ni. Tun tum rorelah hian Vellore Mizoram House-a staff nurse dah rawtna te, Synod hnuaia thawktu lakah zuk leh hmuama fihlim chauh lak rawtna te, Home Mission North-a rawngbawlna tha zawka kalpui dan zawn rawtna te, Tunlai thiamna hmanga naupai leh fa neih chungchang inkaihhruaina tihdanglam rawtna te, Champhaia Synod Rescue Home din rawtna te, Missionary lak tharte training chhung tun aia tihrei dan zawn rawtna te, Bial Sunday School Secretary-te term kum 2 tura rawtna te, Mizoram Presbyterian Kohhran din ni January 11 urhsun taka hman rawtna te leh Arunachal leh Assam Mission Field North Headquarters sawn rawtna te hi a langsar zualte an ni. Kum 2019-a Pastoral Ministry thupui atan "Thlarau rah - insumtheihna" Galatia 5:23(b) chu thlan a ni. Kum 2019 Synod Inkhawmpuia Puipa turte chu : Moderator : Rev. R. Lalchangliana, Dawrpui Secretaries : Rev. R. Vanlalnghaka, (Sr.), Rescue Home & Rev. Vanlalrova Khiangte (Jr.), Missionary Training College Finance Officers : Rev. B. Sangthanga & Rev. Lalramliana Pachuau Statistician : Upa C. Lalbiakthanga, Bawngkawn Sr. Exe. Secretary : Rev. Lianhmingthanga Sailo Exe. Secretary : Rev. K. Lalrinmawia