January 29, 2019 (Thawhlehni) khan nilengin Presbyterian Church of India bul tumin John Roberts Theological Seminary leh Aizawl Theological College te chuan Seminar Hall, Inter-Cultural Centre, Aizawl Theological College-ah “Reformation, Then and Now: A Critique and Relevance” tih thupui hmangin seminar hlawhtling tak an nei.
John Roberts Theological Seminary hi tun hmaa Cherra Theological College, Sohra (Cherrapunjee)-a awm thin, kan Pastor hmasa tam tak te zirchhuahna kha a ni a. Kum 1887-a Welsh Calvinistic Foreign Mission (Presbyterian Church of Wales) –in an din a ni. Kum 107 lai Sohra (Cherapunjee)-a a awm hnuah he College hi Mawklot, Shillong sawn a ni ta a. An Principal hmasa ber Rev.Dr.John Roberts, D.D.hming chawiin John Roberts Theological Seminary an lo ti ta a ni.
Rev.Prof.Vanlalnghaka Ralte, Principal, ATC-in kaihruaiin tawngtainain bul a tan a, Seminar hmangtute lawmna thu a sawi. ATC Male Voice leh JRTS Trio ten thiam taka hla sain hun an hmang a, Thuchah tawi ropui tak mai, “Justice, and only Justice you shall pursue (Deut 16:18-20)” tih hmangin Rev.Dr.Zaihmingthanga’n a sawi bawk. Rev.Dr.K.Lalrinkima, Administrative Secretary (i/c Theological Education), PCI General Assembly-in thupui sawihawnna a nei bawk a ni.
Chawhma lamah paper pahnih – “The Doctrines of Reformation and Their Relevance Today: A Reference to the Context of the Presbyterian Church of Meghalaya” Rev.Dr H.Rymbai (Associate Professor, Department of Religion, JRTS) ziak leh “Semper Reformanda: Ecclesia- Structural Reformation in the Context of PCI” Prof. Lalnghakthuami (Professor of Christian Theology and Dean of Doctoral Studies, Aizawl Theological College) ziak te zirho a ni a. Sawihona hun tha tak an hmang bawk.
Chawhnu lamah pawh paper pahnih - “Reimaging Reformation and its Relevance for the Church Today”- Rev. Dr. S. Hayong (Associate Professor, Department of Theology, JRTS) ziak leh Church and State Relationship as a Political factor for the Reformation and its Relevance for Christian’s Participation in Politics- Rev. Dr. H. Lalrinthanga (Associate Professor of History of Christianity and Dean of Post Graduate Studies, Aizawl Theological College) ziak te chu zirho leh niin, sawihona hun tha tak an nei bawk.
Hun then thumna – Plenary Session chu Rev.Dr.K.Lallawmzuala (Professor of Old Testament & Director, Calvin Study Centre, ATC)-in kaihruaiin hun duhawm tak hman a ni a. Rev.Dr.L.H.Rawsea (HOD, Department of New Testament), ATC-in lawmthusawina a neih zawhah Rev.Dr.P.R.Hmuaka’n Malsawmna sawiin JRTS-ATC Joint One Day Seminar chu a khar ta a ni.
[wpdevart_gallery lost_ids="" gallery_id="10" album_id="1988" popup_albums_themes="" popup_themeid="1" theme_id="1" order_type="kirpich"]