Mizoram Presbyterian Kohhran Hmeichhiate chuan March 8 - 10, 2019 chhung khan Kolasib Diakkawn Field-ah Inkhawmpui Lian vawi 48-na an hmang.
He Inkhawmpuiah hian Palai riak 9,260 leh lâng a kal mi engemawzat awmin inkhawm apiangin mi Pandal-a leng lo inkhawm an awm thin a ni. Inkhawmpui thupuiah ‘Tunlai thil awmzia’ (Rom 13:11) tih hman a ni a, Pathianni chawhma, chawhnu leh zan inkhawmah Speaker Rev. Dr. R. Vanlaltluanga, ATC hnen atangin thlarau lam thupui hi ngaihthlak thin a ni.
Zirtawpni (March 8, 2019) zanah Palai inlawmna leh Report ngaihthlak a ni a, General Secretary leh Bial Report Khaikhawmna te ngaihthlak niin Synod Moderator Rev. R. Lalhmingthanga’n Pathian thuchah a sawi bawk. March 10, 2019 (Inrinni) nilengin Kolasib Diakkawn Kohhran Biak Inah Rorel leh Hruaitu thar thlanna neih a ni a, Rorel Palai 994 kalin chhimtu 184 an awm bawk a ni.
Inkhawmpui Lian Rorel thupawm thenkhatte chu – Kohhran hlutna leh pawimawhna inzirtir lehna hi Kohhran Hmeichhia ten hma la rawh se, Naupangte zinga rawngbawlna (Child Evangelism) hi ram pum huapa kohhran hmeichhia ten uar zawka hmalak ni rawh se, Kumin 2019 chhungin Synod Hospital, Durtlang Charity Fund leh John Williams Hospital, Lunglei pualin Kohhran Hmeichhe inkhawm thawhlawm vawi khat ve ve lakkhawm ni rawh se, Inkhawmpui Lian neih loh kumah Rorel Inkhawm ne3ihna hi khawpui chhungah chauh ni lovin Aizawl khawpui pawn lamah pawh nghah ni ve rawh se, Chhiatni thatni-ah hmeichhiate puan bih inzirtir thar leh ni rawh se, tih te an ni.
Kum 2020 Rorel Inkhawmna hmun tur hi Ramhlun Venglai Kohhran Biak In ah March ni 6 - 8, 2020 chhunga neih tur niin, Kum 2021 Mizoram Presbyterian Kohhran Hmeichhe Inkhawmpui Lian chu East Lungdar-ah neih a ni ang. Kum 2019 - 2020 Budget atan Rs 40,50,000/- chu pawm a ni.
Rorel hlan hian Rorel Palai ni lo tan pandal-ah inkhawm a awm a, chawhmaah Pi Lalthangvungi, Missionary, Zomuantlang-in Pathian thuchah a sawi a, chawhnu lamah Nl. Rualzamawii, BD hovin ‘Joela’ tih thupui zirho a ni bawk. Pathianni chawhma inkhawmah “Kristian chhungkua dinhmun tehna a ti tha ber - Phainuam Bial Kohhran Hmeichhiate hnenah Trophy, Rev. B. Sangthanga, Executive Secretary i/c Kohhran Hmeichhia-in a hlan.
Zan inkhawmah Central Kohhran hmeichhe hruaitu tharte Synod Moderator Rev. R. Lalhmingthanga’n Pathian hnenah a hlan bawk.
Kum 2019-2021 chhunga Central Kohhran Hmeichhe hruaitu turte :-
Chairman : Pi Lalrinkimi (Chanmari West Bial, Synod ruat)
Vice Chairman : Pi Lalrinpuii
Secretary : Pi H. Lalfakmawii (Ramhlun North Bial, Synod ruat)
Asst. Secretary : Pi Lalngaihzuali
Treasurer : Pi Vanlalrovi
Fin. Secretary : Pi Lalsangluaii
Committee Member-te :
1. Pi Asha Thulung, Himali Bial
2. Pi B. Lalrintluangi, Zonuam Bial
3. Pi C. Lalrinmawii, Vaivakawn Bial
4. Pi Chuauhmingliani, Durtlang Bial
5. Pi F. Lalhmangaihzuali, Zuangtui Bial
6. Pi F. Lalsangmawii, Chhinga Veng Bial
7. Pi H. Lalduhawmi, Mission Vengthlang Bial
8. Pi H. Lalrintluangi, Venghnuai Bial
9. Pi Hmangaihzauvi, Bethlehem Bial
10. Pi Hrangzuali, Maubawk Bial
11. Pi Lalhmachhuani, Bethlehem Venglai Bial
12. Pi Lalhmingliani, Electric Veng bial
13. Pi Lallungmuani, Thuampui Bial
14. Pi Lalpianzami, Khatla Bial
15. Pi Lalramzauvi, Leitan Bial
16. Pi Lalremruati, Republic Bial
17. Pi Lalrinliani, Chaltlang Bial
18. Pi Lalrotluangi Sailo, Hunthar Bial
19. Pi Lalthakimi, Dawrpui Bial
20. Pi Lalthanruali, Luangmual Bial
21. Pi Lalthanzami, Bungkawn Bial
22. Pi Lalthlamuani, Tanhril Bial
23. Pi R. Lalengmawii, Sihphir Bial
24. Pi R. Lalrampari, Ramhlun Bial
25. Pi R. Lalroliani, Zemabawk Bial
26. Pi R. Vanlalthlani, Lungleng –I Bial
27. Pi Sailothangi, Dawrpui Vengthar Bial
28. Pi Sawithangi, Zemabawk North Bial
29. Pi Siampuii Pautu, Kulikawn Bial
30. Pi Thanghlupuii, ITI Bial
31. Pi Thangthuami, Bawngkawn Bethel Bial
32. Pi Vanlalhruaii, Ramhlun North Bial
33. Pi Zangeni, Bawngkawn Bial
34. Pi Zochungnungi, Armed Veng Bial
35. Pi Zoluri Sailo, Chawnpui Bial
36. Pi Zonunsangi, Hlimen Bial,
te an ni.