March ni 12 & 13, 2019 khan Pi Zaii Hall, Synod Conference Centre-ah Synod Worship Committee buatsaihin Mizo Lengkhawm Zai Seminar neih a ni. Seminar hi ni hnih neih niin Presbytery wise-a neih a ni a, a ni khatnaah hian Aizawl Chhim, Aizawl Bethel, Aizawl East leh Aizawl Hmarchhak Presbytery huamchhung a mi te pualin neih a ni a, a ni hnihnaah Aizawl Hmar, Aizawl West-I, West-II, Aizawl Central leh Aizawl Chhimthlang Presbytery huam chhung ami te pualin neih leh a ni. Seminar hi hun hniha hman a ni a, a hun khatnaah “Lengkhawm zai tobul leh a kal zel dan” tih leh “Kohhrana lengkhawm zai pawimawhna” tih zirho a ni a, a hun hnihnaah “Lengkhawm zai khuang vuak dan” tih zirho leh niin sawihona neih chhunzawm a ni. Seminar-ah hian Kohhran tin aiawh mi 2 zel kal tura beisei niin kal an tha hle a ni.